JANGLARDA TOBLANIB, MEHNATDA ÇINIQQAN BOBO
XIX asrning 60-yillarida dunyoga kelgan Abdurahmon maxsum tadbirkor inson bölganligidan öz mehnati orqasidan oilasini töq, farzandlarini mehnatsevar va bilimdon qilib tarbiyalay olgan, el içra hurmatli inson bölganlar.
Xalqini yurakdan ardoqlab, yaxşi köradigan Abdurahmon maxsumning abjir öğli Örozboy "murt” (uni Manğit elatida barça şunday atardi) ham ota-bobolari singari butun ongli hayotini aziz Vatani, xalqi baxt-saodati yölidagi fidoyi mehnat onlariga baxş etib yaşadi.
Ötgan asrning boşida, 1912-yilda dunyoga kelgan Örozboy Abdurahmon maxsum öğli insoniyat boşiga xavf solgan Ikkinçi jahon uruşining dastlabki kunlaridanoq köngillilar safida jangga kirdi.
Örozboy 1941-1945-yillarda sobiq ittifoq qöşinlari safida faşizmga qarşi ayovsiz janglarda iştirok etdi. Rossiya qişining 30-40 darajali sovuqlarida beligaça qor keçib, qon keçib, minglab çaqirim yöllarni yayov bosib, duşmanni to Berlin ostonasigaça quvib bordi. Uruş tufayli xarobazorga aylangan şahar va qişloqlarni faşizm asoratidan qutqarişdek qaqşatqiç janglarda iştirok etdi. Hatto şunday janglarning birida duşman qöliga asir tuşib, azob-uqubatlar çekdi. Italyan partizanlari safiga qöşilib, yana qaytadan faşizmga qarşi jangga kirdi.
Örozboy Abdurahmonov janglardagi jasoratlari uçun sobiq ittifoq Oliy Boş qömondoni tomonidan bir neça jangovar orden va medallar bilan taqdirlandi. Jasur jangçi ğalabadan söng ona Vataniga qaytgaç, öz bilimini oşiriş uçun intildi. Qişloq xöjalik texnikumida hosilot (agronom) mutaxassisligi böyiça tahsil oldi. U dastlab Qipçoq tumanidagi kolxozlardan biriga rais, keyinçalik MTSda agronom, Qipçoq tuman qişloq xöjalik bölimida katta agronom, 5-ovul Kengaşida rais lavozimlarida faoliyat yuritdi. 1953-1954-yillarda u Manğit paxta tozalaş zavodi tajriba xöjaligida hosilot (agronom) vazifasida xizmat qildi. 1954-1962-yillarda tuman göşt mahsulotlari tayyorlaş idorasi tasarrufidagi ferma mudiri sifatida sidqidildan xalqqa xizmat qildi. 1962-yilda Örozboy Abdurahmonovning şaxsiy taşabbusi bilan Manğit şahri markazida poliz va sabzavot mahsulotlari bilan savdo qiluvçi ilk dökon-market taşkil etildi. Bu dökon-market şaharliklarga juda katta qulayliklar yaratdi.
Azizlar, inson – aziz, uning xotirasi – muqaddas. Tirikligidagi ezgu amallari bilan xalq dilida nomi uluğlanib kelayotgan insonlarni yodga oliş, ularning yaxşiliklarini eslaş, dilimizda minnatdorlik tuyğulari ila ruhi-poklariga tilovatlar qiliş – biz tiriklarning burçimizdir. Amu elimizning bugungi baxtiyor kunlari uçun fidoyilik qilib yaşagan insonlardan biri Örozboy bobo Abdurahmonovning xotirasi ham har birimiz uçun azizdir.
Robiya YÖLDOŞEVA.
(Foto - http://fikr.uz)

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶