MAQSADIMIZ – AYoL-QIZLARNI YoT ĞOYaLARDAN HIMOYa QILIŞ
Tahririyatimizning bugungi mehmoni – tuman hokimi örinbosari, xotin-qizlar qömitasi raisi Maryam Ahmedova bilan suhbatimiz ayol-qizlar örtasida diniy-ekstremistik ğoyalar tarqalişining oldini oliş va diniy vaziyatni soğlomlaştiriş borasida tuman xotin-qizlar qömitasi tomonidan rejalaştirilgan va ayni paytda amalga oşirilayotgan işlar xususida.
- Maryam Ahmedovna, ayting-çi, xotin-qizlarning diniy-ekstremistik oqimlar taʼsiriga tuşib qolişlarining oldini oliş maqsadlarini ifoda etuvçi qonuniy asoslar bormi?
- Avvalo şuni aytiş kerakki, ayol-qizlarimizning davlat va jamiyat qurilişidagi faol iştirokini taʼminlaşga, ayniqsa, özining va farzandining soğligini saqlaşga qaratilgan Prezident Farmonlari va hukumat qarorlaridan taşqari, mahalliy hokimiyat organlari tomonidan qabul qilingan qarorlarning ham mazmun va mohiyati ayol şaʼni, qadr-qimmati, oilasi mustahkamligi masalasini özida mujassam etgan.
Özbekiston Respublikasi Vazirlar Mahkamasining 2014 yil 6-oktyabrdagi "Xotin-qizlar örtasida diniy-ekstremistik ğoyalar tarqalişining oldini oliş va diniy vaziyatni soğlomlaştiriş böyiça çora-tadbirlar töğrisida”gi 195-sonli bayoni asosida qabul qilingan Qoraqalpoğiston Respublikasi Vazirlar Kengaşining 2015-yil 7-yanvar kungi "Ayollar maslahat markazlari”ni taşkil etiş töğrisida”gi bayoni va uşbu hujjatlarning qarorlari ilovalarida tasdiqlangan çora-tadbirlar rejasi izçil amalga oşirilmoqda. Şuningdek, "Ayollar maslahat markazi” Nizomi tasdiqlanib, amaliyotga joriy etildi.
- Bunday markaz tumanimizda ham taşkil etildimi? Agar taşkil etilgan bölsa, bu markaz öz faoliyatini qaçondan boşlagan?
- Yuqorida men taʼkidlagan hukumat bayoni qarori ilovasida tasdiqlangan çora-tadbirlar rejasiga muvofiq tumanimizda ham "Ayollar maslahat markazi” taşkil etilgan. 2016-yildan boşlab, xotin-qizlarga tibbiy-psixologik va ijtimoiy masalalarda konsultativ xizmat körsatuvçi "Ayollar maslahat markazi” faoliyat olib bormoqda. Markaz öz Nizomi va puxta işlab çiqilgan iş rejasiga ega.
- Markazning çora-tadbirlar rejasidan asosan qanday vazifalar örin olgan?
- Asosan xotin-qizlar örtasida diniy-estremistik ğoyalar tarqalişining oldini oliş va diniy vaziyatni soğlomlaştiriş – Markaz faoliyatining asosini taşkil qiladi. Şundan kelib çiqib aytiş mumkinki, bir hafta, bir oy davomida, hatto yil davomida doimiy bajarilişi lozim bölgan vazifalar mazmun-mohiyati ham ayol-qizlarning oilada, jamiyatda faolligini oşiriş, özining xalqqa foydasi tegadigan faol şaxs ekanligini, el-yurt orasida yuqori mavqega ega şaxs sifatida şakllana oladigan mavqega erişişini anglatiş, ayollar ruhiyatini kötaradigan, öziga, kelajakka işonçini orttiradigan "Ayol borki, olam munavvar”, "Ayol – maʼnaviyat gulşani”, "Maʼrifatli ayol jasorati”, "Ayol – hayot gultoji” kabi adabiy-musiqiy keçalar, bayram tadbirlarini taşkil etiş masalalari muhim örin tutadi.
- Alohida reja asosida ötkazilişi rejalaştirilgan tadbirlar ham bormi?
– Albatta, bunday tadbirlar ham Markaz iş rejasiga kiritilgan va bu tadbirlar yil davomida umumtaʼlim maktablari, akademik litsey, kasb-hunar kollejlari öquvçi-qizlari örtasida uçraşuv, suhbat, davra suhbati şakllarida ötkaziladi. Xususan, taʼlim muassasalarida qizlar bilan ilgari diniy-ekstremistik oqimga aʼzo bölib, jinoyat sodir etgan, endilikda puşaymon bölgan ayol-qizlar bilan uçraşuvlar taşkil etib, diniy bilimsizlik, kör-körona ğaraz niyatli kimsalarga ergaşişning salbiy oqibatlari xususida videolavhalar, hujjatli filmlar namoyiş etiş rejalaştirilgan.
- Ayol-qizlar örtasida alohida xonadonlarga yiğilib, "xalfa öqitiş”, "ziyofat” kabi marosimlarni ötkazib, har xil diniy adabiyotlarni tarğib qiliş holatlariga Markaz qanday munosabat bildiradi?
- Öşa siz aytgan ayollar yiğinlarida öqiladigan diniy adabiyotlar haqiqiy islom diniga oidmi yoki zid? Eng avvalo şuni biliş zarur böladi. Birinçidan, "xalfa öqitiş” marosimi dinimizda mavjud emas. Bu kimlarningdir şaxsiy manfaati tufayli paydo bölgan. Ikkinçidan, "xalfa” onaxonlarimiz kimlardandir köçirib olib, diniy marosimlar taşkil etib, mayyit çiqqan xonadonlarda diniy kitoblar öqişlari joiz emas. Uçinçidan, ularning qöllaridagi diniy kitoblar haqiqiy islom aqidalarini tarğib etib, ayollarimizni hidoyatga boşlayotirmi yoki buning teskarisimi? Markaz öz faoliyatida ana şu masalalarga jiddiy eʼtibor qaratadi. Agar ayollarni yiğib, haqiqiy islom diniga zid, dinimizni buzib talqin qiluvçi adabiyotlarni tarğib qilayotgan şaxs bölsa, bunday şaxslarga nisbatan özini-özi boşqariş organlari va huquqni muhofaza qiliş organlari orqali uç bosqiçda – profilaktik suhbat, rasmiy ogohlantiriş, maʼmuriy javobgarlik tizimida çora köriş amaliyotini joriy etiş belgilangan.
- "Ayollar maslahat markazi”ning işçi guruhi aʼzolari mahallalarda ötkazilayotgan töy-maʼrakalardagi isrofgarçiliklar va tartibsizliklarga barham beriş böyiça qanday amaliy işlarni olib borişadi?
- Bu boradagi işlarimiz juda keng qamrovli. Tuman IIB, "Mahalla” xayriya jamoat fondi tuman bölinmasi, "Yusuf Eşon bobo” jomeʼ masjidi, tuman xotin-qizlar qömitasi vakillaridan iborat ayollar masalalari yuzasidan işçi hayʼat tuzganmiz. Bu hayʼat aʼzolari töy va boşqa oilaviy tadbirlarni ixçam va kamçiqim qilib ötkaziş, ularni diniy marosimlarga aylantirmaslikka qaratilgan tuşuntiriş va profilaktik tadbirlarni tizimli ravişda taşkil etadi va amalga oşirişni taʼminlaydi.
- Bundan körinadiki, "Ayollar maslahat markazi” nazaridan ayollar hayotiga doir heç bir masala çetda qolmaydi, şundaymi?
- Albatta, şunday. Işsiz ayollar böyiça aniq maʼlumotlar töplaş, ular uçun yangi iş örinlarini taşkil etiş, bu masalalarni Xalq deputatlari tuman Kengaşi sessiyalarida körib çiqiş uçun havola etiş, mahallalarda ayollar auditoriyalarini taşkil etib, diniy mutaassiblik va ekstremizmning, odam savdosining salbiy oqibatlari haqidagi videofilmlar namoyişini taşkil etiş, uy bekalari va vaqtinça işsiz ayollar maʼnaviyatini yuksaltiriş, deputat ayollar va maʼnaviyat tarğibotçilari bölgan ayollar iştirokida turli mavzularda öquvçi-qizlar bilan davra suhbatlari, savol-javob keçalarini ötkaziş Markazning doimiy diqqat markazida.
Bundan taşqari, Markaz ayollarning jamiyatga faol aralaşuvini taʼminlaş maqsadida yangi iş örinlarini taşkil etiş, oilaviy tadbirkorlikni rivojlantiriş, ularning kasanaçilik va uy mehnati bilan şuğullanişlari uçun imkoniyatlar yaratiş, ayniqsa, ayol-qizlar örtasida mulkdorlar safini köpaytiriş, yaʼni xususiy tadbirkorlik faoliyatini boşlaşlarida yöl-yöriqlar körsatadi.
"Ayollar maslahat markazi”ning taşkil etilişi va öz faoliyatini yuqorida qayd etib ötilgan mezonlar asosida olib borişi, menimça ayollar hayotiga oid köpdan-köp muammolarni, eng muhimi, ayollar örtasida diniy-ekstremistik ğoyalar tarqalişining oldini oliş va diniy vaziyatni soğlomlaştiriş imkonini beradi.
- Markaz öz faoliyatini qayerda olib boradi va uning rahbari kim?
- "Ayollar maslahat markazi” öz faoliyatini tuman hokimligi binosida, tuman xotin-qizlar qömitasi ofisi huzurida yuritadi. Markazga tuman xotin-qizlar qömitasi boş mutaxassisi Adolat Yöldoşeva jamoatçilik asosida rahbarlik qiladi.
- Sermazmun suhbatingiz uçun taşakkur.
Suhbatni "Mening oilam” gazetasi maxsus muxbiri, jurnalist Robiya YÖLDOŞEVA yozib oldi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶