Qisqa satrlarda
SPORTChI QIZLARGA YaNGI YIL SOVGʻASI
2015-yil 30 dekabr kuni Amudaryo akademik litseyida tumanimizdagi maktablar, oʻrta maxsus, kasb-hunar taʼlimi muassasalarida taʼlim-tarbiya olish bilan birga turli sport musobaqalarida qatnashib, yaxshi natijalarga erishayotgan sportchi qizlarga Prezident sovgʻasi – sport kiyimlarini topshirish marosimi boʻlib oʻtdi.
Tantanali marosimda tuman hokimi birinchi oʻrinbosari B.Ernazarov, hokim oʻrinbosari, xotin-qizlar qoʻmitasi raisi M.Ahmedovalar yigʻilganlarni yangi yil bayrami bilan muborakbod etib, 246 nafar sportchi qizlarga Yurtboshimizning yangi yil sovgʻasini topshirdi.
Bilimdonlar aniqlandi
Shu yilning 4-7 yanvar kunlari tumanimiz maktablarida "Bilimlar bellashuvi”ning maktab bosqichi boʻlib oʻtdi. Bellashuvning mazkur bosqichida 21 ta fan boʻyicha 5000 nafardan ziyod oʻquvchilar oʻz bilimlarini ilk sinovdan oʻtkazishdi. Gʻoliblar mart oyida oʻtkaziladigan navbatdagi – tuman bosqichida ishtirok etish huquqini qoʻlga kiritishdi.
Vatan himoyachilari bilan uchrashuv
12-yanvar kuni Amudaryo xizmat koʻrsatish va servis kasb-hunar kollejida 14-yanvar – Vatan himoyachilari kuni oldidan tuman mudofaa ishlari boʻlimi xodimlarining kollej oʻquvchilari bilan uchrashuv tadbiri oʻtkazildi.
Tadbirda tuman mudofaa ishlari boʻlimining chaqiruv boʻlinmasi boshligʻi, kapitan Akrom Sharipov va chaqiriluvchilarni harbiy xizmatga tayyorlash boʻlinmasi boshligʻi Zokir Saʼdullayevlar soʻzga chiqishib, hozirgi kunda Oʻzbekiston Qurolli kuchlari safida xizmat qilayotgan askar va zobitlarning ona Vatanimiz sarhadlarini qoʻriqlashdagi matonatli mehnatlari va ularga davlatimiz tomonidan berilayotgan imkoniyatlar haqida gapirdilar.
Kollej oʻquvchilari oʻzlarini qiziqtirgan barcha savollarga javoblar oldilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
