TINChLIK – BUYuK NEʼMAT
Bir inson xonadoniga tashrif buyurgan kishilarning nomlarini soʻrashsa, ularning nomi Baxt, Omad, Tinchlik ekan. Xonadon sohibi juda aqlli va zukko kishi ekanki, uyimga, avvalo, tinchlik kirsin, baxt va omad tinchlik bor joyga ketma – ket kelaveradi deb mehmonlarni kutib olgan ekan. Bundan koʻrinadiki, Tinchlik barcha neʼmatlarimizning aʼlosi va betakrori, yagonasi ekan. Buni his qilgan bizning aziz xalqimiz qoʻllarini duoga ochar ekan, avvalo el-u yurtga Tinchlik, koʻngillarga xotirjamlikni soʻraydi. Yaratgan Ollohim suygan elmizki, yurtimizda tinchlik, toʻkin-sochinlik. Shukronalar keltirib yashayotgan, mehnat qilayotgan xalqimizning baxti boqiy, omadlari kulgan.
Butun dunyo 21 sentabrni Xalqaro Tinchlik kuni deya eʼtirof etishdi. Bizning 11-sonli maktabda ham Tinchlik kuni munosib tuhfalar, oʻzgacha shukuh bilan kutib olindi. Maktabimiz oʻquvchilari va oʻqituvchilari Tinchlik kuniga bagʻishlab turli xil tadbirlar, suhbatlar tashkil etishdi, bolajonlar qalbida Tinchlik va uni asrab-avaylash kerakligi haqida chuqur tushunchalar berilib, uning ahamiyati haqida turli xil bahs-munozaralar oʻtkazildi.
Shuningdek 5-7-sinf oʻquvchilari Tinchlikni tarannum etguvchi fotolavhalar asosida bukletlar, albomlar tayyorlashdi. 8-9-sinf oʻquvchilari tomonidan ijodiy insholar yozildi. Insholarda oʻquvchilar oʻz fikrlarini erkin va ijodiy bayon qilishga eri-shish bilan birgalikda turli ommaviy axborot vositalari, internet maʼlumotlaridan foydalanishga, xalq ogʻzaki ijodi namunalarida Tinchlik tarannum etilgan manbalardan keng foydalanishga harakat qilgan.
Tasviriy sanʼat yoʻnalishi boʻyicha urushdan nafratlanayotgan yosh bolakay qalbidagi tuygʻular aks ettirilgan surat bolajonlarda katta taassurot qoldirdi.
Maktab maʼmuriyati tomonidan va tegishli oʻqituvchilar tomonidan oʻquvchilarning ijodiy mehnatlari odilona baholandi. Shunga koʻra buklet va albomlar tayyorlash yoʻnalishi boʻyicha 5- "A”sinf, 7 – "B”sinf oʻquvchilari, insholar boʻyicha 9-sinf oʻquvchisi Ismoilova Yulduz, 8-sinf oʻquvchisi Shomurotova Sveta, tasviriy sanʼat yoʻnalishi boʻyicha 9 "A”-sinf oʻquvchisi Shamsiddin Bekishovlar gʻolib, deb topildi.
Biz oʻylaymizki, bu tanlov bolalar qalbida tinchlikning nechogʻlik buyuk neʼmat ekanligini, uni asrash yoʻlida qancha ajdodlarimiz jonlarini fido etganliklarini tushunib, anglab etishda katta ahamiyat kasb etdi. Qariyalar qadrlanib, yoshlar taʼlim-tarbiyasiga katta eʼtibor qaratilayotgan bizning mamlakatimizda Tinchlik barqaror boʻlsin! Butun dunyo xalqlari tinch yashasin, chunki olam tinch - odam tinch.
Guloyim BEGJONOVA, 11-sonli maktab oʻqituvchisi.
(Foto - http://turkistonpress.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
