OROL MUAMMOSIGA BAGʻIShLANGAN SEMINAR
2015-yil 14-oktyabr kuni tuman hokimligida Oʻzbekiston Respublikasi Vazirlar Mahkamasining 2015-yil 29 avgustdagi "2015-2018-yillarda Orolboʻyi mintaqasini tiklash va ijtimoiy-iqtisodiy rivojlantirish, Orol halokatining oqibatlarini yengillashtirish borasidagi chora-tadbirlar Kompleks dasturi toʻgʻrisida”gi qarorining mazmun-mohiyati va asosiy yoʻnalishlari haqida aholi xabardorligini oshirishga qaratilgan seminar boʻlib oʻtdi.
Seminarda taʼkidlanganidek, mamlakatimizda Prezidentimiz rahnamoligida inson salomatligini taʼminalashning muhim omillaridan biri boʻlgan atrof-muhitni muhofaza qilish masalasiga qaratilayotgan alohida eʼtibor yuksak samaralar bermoqda.
Orolboʻyi mintaqasidagi ekologik ahvolni yaxshilash, ekologik boʻhron oqibatlarini yumshatishda mamlakatimizda bu borada amalga oshirilayotgan chora-tadbirlar muhim oʻrin tutayotir. Tabiiy resurslardan foydalanishni tartibga soladigan va tabiatni muhofaza qilish samaradorligini oshirishga qaratilgan qonunlar qabul qilindi.
Oʻzbekiston ushbu sohadagi asosiy xalqaro hujjatlar, chunonchi, transchegaraviy suv havzalari va xalqaro koʻllarni himoya qilish va ulardan foydalanishga oid konventsiyaga qoʻshildi. Suv resurslari taqchilligi va choʻllanish muammolarini hal etish, suvdan tejamkorlik bilan foydalanish, yerlarning shoʻrlanishi va yemirilishiga qarshi kurashish, aholining ichimlik suvidan foydalanishini yaxshilash, mintaqada tobora kuchayib borayotgan ekologik va iqlim oʻzgarishining salbiy taʼsiri bilan bogʻliq kasalliklarni davolash uchun zarur infratuzilmani shakllantirishga yoʻnaltirilgan keng koʻlamli loyihalar hayotga tatbiq etilmoqda.
Seminarda "Hududda suv resurslaridan tejamkorlik bilan foydalanish va boshqarish tizimini takomillashtirish”, "Ekologik tahdid hududlarida yashovchi aholi genofondi va sogʻligini saqlash tadbirlarini amalga oshirish uchun shart-sharoitlar yaratish”, "Orolboʻyi aholisi turmush tarzi darajasi va sifatini oshirish uchun zarur iqtisodiy omillar va mexanizmlarni yaratish” kabi mavzularda maʼruzalar oʻqildi.
Tuman hokimligining axborot xizmati.
(Foto - http://uzssgzt.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
