Xalq deputatlari Amudaryo tumani Kengaşining yettinçi çaqiriq 20-sessiyasi töğrisida axborot

Joriy yilning 28-aprel kuni Xalq deputatlari Amudaryo tumani Kengaşining navbatdagi 20-sessiyasi bölib ötdi. Unda tuman hokimi Sobir Xöjametov, hokim örinbosarlari, tegişli taşkilot va idoralar rahbarlari, ekspert guruhi aʼzolari, mahalla fuqarolar yiğinlari raislari, xotin-qizlar faollari hamda ommaviy axborot vositalari vakillari iştirok etdilar.

Sessiya işini Xalq deputatlari tuman Kengaşi raisi Alişer Yöldaşev oçib berdi va olib bordi. Sessiya Özbekiston Respublikasi hamda Qoraqalpoğiston Respublikasi davlat madhiyalari sadolari ostida boşlandi. Sessiya kotibligiga “1-Navoiy” saylov okrugidan deputat Gulşod Yusupova nomzodi deputatlar tomonidan bir ovozdan maʼqullandi.

Kun tartibidagi dastlabki masalalar yuzasidan tuman hokimi Sobir Xöjametov hisobot berdi. Unda tuman ijtimoiy-iqtisodiy rivojlanişining eng muhim va dolzarb yönalişlari, xususan byudjet daromadlari bazasini oşiriş, yangi iş örinlari yaratiş, aholi murojaatlari bilan işlaş tizimini takomillaştiriş va jamoatçilik fikrini çuqur tahlil qiliş borasida amalga oşirilayotgan işlar haqida batafsil maʼlumotlar berildi.

Qayd etilişiça, 2026-yilda tumanda jami 545 mlrd sömlik 26 ta investitsiya loyihasi amalga oşiriladi. Natijada 1115 ta yangi iş örni yaratilişi hamda 26,8 mlrd sömlik mahsulot işlab çiqarilişi rejalaştirilgan.

Sohalar kesimida oladigan bölsak, sanoat sohasida 95 mlrd sömlik 8 ta loyiha va 142 ta iş örni, xizmat körsatiş sohasida 449 mlrd sömlik 17 ta loyiha va 968 ta iş örni, qişloq xöjaligida 540 mln sömlik 1 ta loyiha va 5 ta iş örni yaratiladi. Bugungi kunda qiymati 9,3 mlrd sömlik 3 ta loyiha işga tuşirilib, 23 ta yangi iş örni yaratilgan.

Eksport körsatkiçlari böyiça 2026-yil uçun 18,6 mln dollar reja belgilangan bölib, joriy yil yanvar–mart oylarida rejalaştirilgan 2 mln 549 ming dollar örniga amalda 5 mln 846 ming dollarlik mahsulot eksport qilinib, reja 229 foizga bajarilgan.

2026-yilda tumanga 30,8 mln dollar investitsiya jalb etilişi rejalaştirilgan bölib, şundan 25 mln dollari xorijiy investitsiya va kreditlar hissasiga töğri keladi.

Joriy yilning birinçi çoragida 610 ta iş örni yaratiş rejalaştirilgan bölsa, amalda 830 ta iş örni yaratilgan va reja 136,1 foizga bajarilgan. Mahalliy byudjet tuşumlari rejasi esa 32,2 mlrd söm örniga 36,7 mlrd sömga, yaʼni 113,8 foizga bajarilgan.

Joriy yilda barça davlat dasturlari doirasida jami 92 ta obʼekt böyiça 240,6 mlrd sömlik quriliş işlari olib borilişi belgilangan. Jumladan, investitsiya dasturi doirasida 10 ta obʼektda — 74,8 mlrd söm, “Taşabbusli byudjet” doirasida 12 ta obʼektda — 19,7 mlrd söm, OPEK dasturi doirasida 29 ta obʼektda — 100,7 mlrd söm, 248-sonli Prezident qarori asosida 3 ta obʼektda — 11,3 mlrd söm, “Yangi Özbekiston” mahallalari 16 ta obʼektda — 10 mlrd söm, “Oğir” mahallalarda 22 ta obʼektda — 24 mlrd sömlik quriliş işlari olib borilişi rejlaştirilgan.

Hozirda 24 ta obʼekt böyiça quriliş işlari olib borilmoqda, 6 ta obʼekt foydalanişga topşirilgan, qolganlari böyiça loyiha-smeta hujjatlari işlab çiqilmoqda.

2025-yilda tumanga jami 3837 ta murojaat kelib tuşgan bölib, ularning 2448 tasi ijobiy hal etilgan. Jumladan, 1116 tasi huquqiy tuşuntiriş orqali hal etilgan, 1 tasi uzoq muddatli nazoratga olingan, 184 tasiga tuşuntiriş berilgan, 35 tasi rad etilgan, 19 tasi körib çiqilmagan, 32 tasi tugatilgan, 2 tasi maʼlumot uçun qabul qilingan.

2026-yil 28-mart holatiga 835 ta murojaat kelib tuşgan bölib, şundan 304 tasi ijobiy hal etilgan. 240 tasi huquqiy tuşuntiriş asosida hal qilingan, 8 tasi nazoratga olingan, 29 tasiga tuşuntiriş berilgan, 10 tasi rad etilgan, 3 tasi körib çiqilmagan, 4 tasi tugatilgan.

Kun tartibidagi navbatdagi masala yuzasidan tuman hokimining birinçi örinbosari – Iqtisodiyot va moliya bölimi boşliği Faxriddin Yusupov hisobot berdi. Unga köra, 2026-yil 1-yanvar holatiga aniqlangan erkin qoldiq mablağlar hisobidan jami 2 mlrd 572 mln 660 ming söm mablağ ajratiş taklif etildi. Mazkur mablağlar “Namunaviy xavfsiz köça” loyihasiga, kam taʼminlangan oilalar farzandlari uçun maktab formasiga, “Davlat xavfsizlik xizmati raisi kubogi” musobaqalari ğoliblarini taqdirlaşga, 56-sonli maktabdagi “Jasorat maktabi”ni jihozlaşga, Farovon mahallasida jarima maydonçasi qurişga, “Qaldirğoç” bolalar oromgohini taʼmirlaş va Qipçoq mahalla fuqarolar yiğini infratuzilmasini yaxşilaşga yönaltiriladi.

Sessiyada tuman IIB boşliği örinbosari Şarapat Joldasbayev joriy yilning 1-çoragida amalga oşirilgan işlar haqida hisoboti berib, aholining huquqiy madaniyatini oşiriş maqsadida voyaga yetmaganlar örtasida 88 ta, xotin-qizlar örtasida 64 ta, tarbiyasi oğir yoşlar örtasida 115 ta, probatsiya nazoratidagi şaxslar örtasida 44 ta tadbir ötkazilganini taʼkidladi. 483 nafar ota-onaga nisbatan çoralar körilgan, 52 nafar yoş bilan individual işlangan. 24 ta jinoyat muhokama qilingan, 50 ta muammoli oiladan 24 tasi yaraştirilgan. 333 nafar ayolga himoya orderi berilgan, 10 nafar fuqaro javobgarlikka tortilgan. 41 ta mahalla “yaşil”, 8 tasi “sariq” toifaga kiritilgan, “qizil” mahallalar mavjud emas.

Özbekiston mahallalar uyuşmasi tuman bölimi rahbari Alişer Yuldaşev hisobotida esa 1-çorak davomida tuman hududidagi ovul va mahallalarda infratuzilmani yaxşilaş böyiça qator işlar amalga oşirilgani, umumiy uzunligi 300 metr bölgan piyodalar yölaklari qurilgani, yoritiş tizimlari örnatilgani qayd etildi. “Yaşil makon” umummilliy dasturi doirasida 120 mingdan ortiq köçat ekilgan, 20 ming dona mevali köçat aholiga tarqatilgan. 8 ta oilaga quyoş panellari uçun 176 mln söm yordam körsatilgan.

Sessiya kun tartibidagi navbatdagi masala yuzasidan tuman Soliq inspektsiyasi boşliği Jahongir Raximov hisobot berdi. Hisobotga köra, 2026-yil 1-çorakda mahalliy byudjetga 11,3 mlrd söm reja örniga 12,6 mlrd söm tuşum taʼminlanib, reja 111,9 foizga bajarilgan. Ötgan yilga nisbatan tuşumlar 121,3 foizga oşgan.

Sessiya majlisida tumandagi ijro etuvçi hokimiyat organlarida ijro intizomining holati töğrisida tuman hokimligi ijro intizomi nazorati bölinmasi boş mutaxassisi Maʼmurjon Tadjiboyev axborot berdi. Taʼkidlanganidek, 2026-yilning 1-çoragi davomida ijro intizomini taʼminlaş borasida tizimli işlar amalga oşirilgan. Xususan, hisobot davrida tuman hokimligiga 5 ta Prezident farmoni, 19 ta qaror, 1 ta farmoyiş hamda Vazirlar Mahkamasining 7 ta qaror va farmoyişlari asosida tayyorlangan Qoraqalpoğiston Respublikasi Vazirlar Kengaşining jami 32 ta normativ tusdagi hujjatlari kelib tuşgan. Mazkur hujjatlar ijrosini taʼminlaş maqsadida tuman hokimining 18 ta qarori qabul qilinib, aniq çora-tadbirlar belgilangan. Qolgan 14 ta hujjat esa tuman miqyosida alohida vazifalarni talab etmaganligi sababli maʼlumot va ijro uçun qabul qilingan.

Şundan söng sessiya kun tartibidagi Amudaryo tumani böyiça 2026-yil vegetatsiya davri uçun suv oliş limitlarini tasdiqlaş hamda suv bilan barqaror taʼminlangan va taʼminlanmagan hududlarda joylaşgan qişloq xöjaligi mahsulotlari yetiştiruvçilari röyxatini tasdiqlaş masalalari yuzasidan tuman Suv yetkazib beriş xizmati davlat muassasasi direktori Baxtiyor Davekov hisobot berdi. Hisobotga köra, 2026-yilda tumanda jami 1725 gektar maydonda suv tejovçi texnologiyalarni joriy etiş rejalaştirilgan. Jumladan, 500 gektar maydonda tomçilatib suğoriş, 575 gektarda yomğirlatib suğoriş, 70 gektarda diskret tizimida suğoriş, 340 gektarda egiluvçan quvurlar orqali suğoriş hamda 240 gektarda egatga plyonka töşab suğoriş tizimlarini joriy etiş közda tutilgan.

Sessiyada Ekologiya, atrof-muhitni muhofaza qiliş va iqlim özgarişi vazirligi Amudaryo tuman bölimi faoliyati yuzasidan davlat inspektori Sarvar Qöçqorov ham hisobot berdi. Unda qayd etilişiça, “Yaşil makon” milliy loyihasi doirasida 2025-yil kuz mavsumida rejadagi 820 ming dona daraxt köçatiga örniga amalda 827 ming 347 dona köçat ekilib, reja 100,9 foizga bajarilgan. Ijtimoiy soha obʼektlarida, xususan, taʼlim muassasalarida 10 ming dona va soğliqni saqlaş obʼektlarida 10 ming 500 dona daraxt köçatlari ekilib, belgilangan vazifalar ortiği bilan bajarilgan.

Sessiya kun tartibiga, şuningdek, yoşlarning intellektual salohiyatini yuksaltiriş, ularning böş vaqtini mazmunli taşkil etiş va huquqiy savodxonligini oşiriş, beş muhim taşabbus doirasidagi tadbirlarni moliyalaştiriş masalalari ham kiritildi. Mazkur yönalişlarda amalga oşiriladigan çora-tadbirlar yoşlar bandligini taʼminlaş, ularning bilim va könikmalarini oşiriş, ijtimoiy faolligini kuçaytirişga xizmat qilişi alohida taʼkidlandi.

Şuningdek, Amudaryo tumani byudjetining qöşimça manbalarini aniqlaş hamda ulardan samarali foydalaniş tartibi töğrisidagi Nizomni tasdiqlaş masalasi, Xalq deputatlari Amudaryo tumani Kengaşining “Amudaryo tumanidagi aholining ijtimoiy ehtiyojmand toifalarini 2026-yilda işga joylaştiriş uçun iş örinlarining eng kam sonini belgilaş va zaxiraga qöyiş töğrisida”gi qarori ilovasiga tuzatiş kiritiş masalasi ham sessiya kun tartibidan örin oldi. Mazkur masalalar yuzasidan bildirilgan taklif va mulohazalar har tomonlama muhokama qilinib, tegişli qarorlar qabul qilindi.

Şu bilan Xalq deputatlari Amudaryo tumani Kengaşining 20-sessiyasi öz işini yakunladi.

Tuman hokimligining Axborot xizmati.