Fuqarolik ishlari boʻyicha Amudaryo tuman sudi tomonidan “Ochiq eshiklar kuni” oʻtkazildi
Mamlakatimizda inson huquqlarini kafolatli himoya qilish borasida mustahkam qonuniy asoslar yaratilgan. Oʻzbekiston Respublikasining yangi tahrirdagi Konstitutsiyasida inson, uning hayoti, erkinligi, shaʼni, qadr-qimmati va boshqa ajralmas huquqlari oliy qadriyat sifatida belgilab qoʻyilgan. Shu bois, mamlakatimizda fuqarolarning hayotiga daxldor huquqiy masalalarni shaffoflik asosida hal qilishda odil sudlovni taʼminlash, ularning konstitutsiyaviy huquqlaridan toʻlaqonli foydalanishlariga sharoit yaratish maqsadida sudlar tomonidan xalq bilan yuzma-yuz muloqot, huquqiy-maslahat uchrashuvlari, “Ochiq eshiklar kuni” tarzidagi tashviqot tadbirlari va sayyor sud yigʻilishlari tashkil etilmoqda.
Fuqarolik ishlari boʻyicha Amudaryo tuman sudi binosida oʻtkazilgan navbatdagi shu kabi tadbirda ham sudyalar, tadbirkorlar, advokatlar va fuqarolar ishtirok etdi. “Ochiq eshiklar kuni” tadbiri avvalida ishtirokchilar Fuqarolik ishlari boʻyicha Amudaryo tuman sudi binosida tashkil etilgan advokatlar va prokuror xonalari, fuqarolarni qabul qilish jarayoni, sud majlislari zali, shuningdek, sudga tashrif buyuruvchilar uchun yaratilgan sharoit va imkoniyatlar bilan yaqindan tanishdilar. Bundan tashqari, Fuqarolik ishlari boʻyicha tuman sudi xodimlari tadbir ishtirokchilariga sud arxivi, devonxonasi faoliyati yuzasidan batafsil maʼlumot va tushunchalar berdilar.
“Ochiq eshiklar kuni” targʻibot-tashviqot tadbirida ishtirokchilarga sudlar faoliyatiga keng joriy etilayotgan interaktiv xizmatlar haqida tushunchalar berilib, bu boradagi huquqiy savodxonligini oshirishga eʼtibor qaratildi. Yigʻilishda Prezidentimiz tomonidan qabul qilingan sudlar faoliyatiga doir Farmon va qarorlar mazmun-mohiyati yuzasidan tushuncha va maʼlumotlar ham taqdim etildi.
Tadbir davomida sudyalar va tadbirkorlar ishtirokida davra suhbati tashkil etildi. Davra suhbati jarayonida malakali huquqshunoslar tomonidan maʼmuriy sudlarda koʻriladigan ishlar toifasi, maʼmuriy sudning vakolatlari, ishlarni koʻrishning protsessual tartiblari xususida keng tushunchalar berildi. Bundan tashqari, davra suhbatida joriy 2025-yil davomida Fuqarolik ishlari boʻyicha Amudaryo tuman sudida koʻrilgan ishlar tahliliga ham eʼtibor qaratilib, ishtirokchilarga qimmatli maslahat va tavsiyalar berildi.
Ochiqlik va shaffoflik asosida oʻtkazilgan tadbirda sudyalar tomonidan mamlakatimiz sud tizimida amalga oshirilayotgan islohotlar, “Oʻzbekiston — 2030” strategiyasi va unga muvofiq sohaga joriy etilayotgan yangiliklar, xususan, Prezidentimiz tomonidan 2025-yil 21-avgustda qabul qilingan “Sudlar faoliyatiga sunʼiy intellekt texnologiyalarini joriy etish orqali odil sudlovga erishish darajasini oshirish hamda sud tizimining moddiy-texnik taʼminotini yaxshilashga doir qoʻshimcha chora-tadbirlar toʻgʻrisida”gi Farmoni va undan kelib chiqadigan vazifalar mazmun-mohiyati yuzasidan atroflicha maʼlumotlar taqdim etilib, tushuntirish ishlari olib borildi.
Unga koʻra, fuqarolar va tadbirkorlik subʼektlariga zarur qulayliklar yaratish hamda sud ishlarini koʻrishni soddalashtirish maqsadida “Raqamli sud” kontseptsiyasini amalga oshirish doirasida sunʼiy intellekt yordamida sud muhokamasining taxminiy natijalari, sarflanadigan xarajatlarni shakllantirish, murojaatlarni sudga elektron shaklda yuborish, ishda ishtirok etuvchi shaxslarning sud muhokamalarida masofadan turib ishtirok etishlarini taʼminlashga qaratilgan oʻzgarish va yangiliklar xususida maʼlumotlar berildi.
“Ochiq eshiklar kuni” tadbiri ochiq va shaffof tarzda, yuzma-yuz muloqotlar, qiziqarli savol-javoblar asosida oʻtkazildi hamda munozaralarga boy boʻldi.
Robiya Yoʻldosheva
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
