"Taxiatoş IES"da maxsus öquv-seminari ötkazildi

Bugungi global özgarişlar va iqlim muammolari şaroitida energetika xavfsizligi nafaqat iqtisodiyotning, balki aholi farovonligining asosiy ustuniga aylandi. Mamlakatimiz sanoatining "yuragi" sanalgan yirik işlab çiqariş obʼektlarida texnogen hodisalarning oldini oliş, yonğin xavfsizligini taʼminlaş — davlat ahamiyatiga molik masaladir. Şu maqsadda, respublika miqyosida eʼlon qilingan “Yonğin xavfsizligi oyligi” doirasida Qoraqalpoğiston Respublikasining energetik quvvati hisoblangan “Taxiatoş issiqlik elektr stantsiyasi” aktsiyadorlik jamiyatida keng qamrovli maxsus taktik-öquv seminari taşkil etildi.

Maʼlumki, Taxiatoş issiqlik elektr stantsiyasi nafaqat Qoraqalpoğiston Respublikasi, balki qöşni Xorazm viloyati aholisi va sanoat korxonalarini elektr energiyasi bilan taʼminlaşda hal qiluvçi örin tutadi. Strategik ahamiyatga ega bunday inşootda yuzaga kelişi mumkin bölgan har qanday kiçik köngilsizlik jiddiy iqtisodiy va ijtimoiy oqibatlarga olib kelişi mumkin. Şu bois, ötkazilgan tadbir şunçaki navbatdagi yiğiliş emas, balki tizim barqarorligini saqlaşga qaratilgan amaliy harakat sifatida baholandi.

Tadbir Taxiatoş tumani Favqulodda vaziyatlar bölimi hamda tuman Mudofaa işlari bölimi bilan hamkorlikda yuqori saviyada taşkil etildi. Unda stantsiyaning barça böğinlaridagi işçi-xodimlar, jumladan, muhandis-texniklar jamoasi va xavfsizlik texnikasi böyiça masʼul mutaxassislar iştirok etdilar.

Seminarning kun tartibidan örin olgan asosiy masala — inson omili va texnik xatoliklar tufayli kelib çiqişi mumkin bölgan yonğinlarning oldini oliş mexanizmlarini takomillaştiriş böldi. Mutaxassislar tomonidan taʼkidlanganidek, qiş mavsumida elektr tarmoqlariga tuşadigan yuklamaning ortişi yonğin xavfini bir neça barobarga oşiradi. Şu nuqtai nazardan, maşğulotlar davomida elektr uskunalari bilan işlaşda huşyorlikni oşiriş, kabel tizimlari va transformatorlardagi nosozliklarni barvaqt aniqlaş usullariga alohida urğu berildi.

Öquv-seminarining eng muhim qismi amaliy maşğulotlarga bağişlandi. Nazariy bilimlar qançalik muhim bölmasin, favqulodda vaziyatda insonning ruhiy holati va tezkor harakati hal qiluvçi ahamiyat kasb etadi. Şu sababli, işçilar yonğin öçirişning birlamçi vositalari — öt öçirgiçlar, qum va maxsus matolardan foydalaniş böyiça öz könikmalarini sinovdan ötkazdilar. Xususan, kuçlaniş ostidagi elektr qurilmalarida sodir bölgan yonğinni bartaraf etişning öziga xos jihatlari böyiça amaliy harakatlar namoyiş etildi.

Bundan taşqari, favqulodda vaziyat sodir bölganda jabrlanganlarni evakuatsiya qiliş va ularga birinçi tibbiy yordam körsatiş tizimi ham sinovdan ötkazildi. Mutaxassislarning fikriça, sarosima köpinça yonğinning özidan köra köproq zarar yetkazişi mumkin. Şu bois, xodimlarda sovuqqonlikni şakllantiriş, evakuatsiya yölaklaridan töğri foydalaniş va jamoaviy harakatlaniş madaniyatini oşirişga jiddiy eʼtibor qaratildi.

Tadbir yakunida “Taxiatoş issiqlik elektr stantsiyasi” aktsiyadorlik jamiyati rahbariyati va hamkor taşkilot vakillari tomonidan stantsiyadagi mavjud yonğinga qarşi tizimlarning holati yana bir bor közdan keçirildi.

Xavfsizlik — bu bir kunlik tadbir emas, balki doimiy jarayondir. Mazkur öquv maşğulotlari energetika tizimi xodimlarining kasbiy mahoratini oşiriş bilan birga, qişning sovuq kunlarida aholi xonadonlarida yoruğlik va issiqlik barqaror bölişiga xizmat qiladigan muhim qadam böldi.

Zero, xavfsiz mehnat şaroiti va ogohlik — işlab çiqariş samaradorligining eng birinçi garovidir.