Qişloq xöjaligi vaziri amaliy taşrif bilan Amudaryo tumanida böldi

Qoraqalpoğiston Respublikasiga işçi taşrif bilan kelgan Özbekiston Respublikasi Qişloq xöjaligi vaziri Ibrohim Abdurahmonov Vazirlar Kengaşi raisi Farhod Ermanov hamrohligida hududlarda bölib, qişloq xöjaligi sohasida amalga oşirilayotgan işlar bilan yaqindan tanişdi.

Taşrif dasturiga köra mehmonlar Amudaryo tumani Jayxun ovuli hududida joylaşgan “Ekoteks klaster” korxonasiga qaraşli Qipçoq paxta qabul qiliş maskanida böldi. Bu yerda paxta terimi jarayoni, uni qabul qiliş, saralaş va qayta işlaş işlari bilan tanişdi.

Qayd etiş joizki, qabul maskanlarida qişloq xöjaligi mahsulotlarini tarozida tortiş jarayonlarini sunʼiy intellekt yordamida nazorat qiluvçi zamonaviy “AgroTarozi” tizimi yölga qöyilgan. Dalalarda yiğilgan hosil uşbu tizim orqali aniq va şaffof tarzda saqlaş maskanlariga qabul qilinmoqda. Şuningdek, maxsus laboratoriyalarda paxtaning namligi va sifati tekşirilib, tegişli talablarga mosligi baholanmoqda.

Paxta yiğim-terimi uyuşqoqlik bilan olib borilayotgan ayni kunlarda qabul maskanlarida ham iş qaynagan payt. Vazir Ibrohim Abdurahmonov yiğim-terim mavsumida mehnat qilayotgan işçi-xodimlar bilan suhbatlaşib, ularga yaratilgan şart-şaroitlarni közdan keçirdi.

Şu tariqa Qoraqalpoğistonga taşrif çoğida agrotexnik tadbirlarning samaradorligi, paxtaçilikda zamonaviy texnologiyalardan foydalaniş hamda qabul jarayonlarida şaffoflik va sifat nazorati masalalari alohida eʼtibor markazida böldi.

Taşrif doirasida rahbarlar Çoyköl ovuli hududidagi “Çoyköl döstlik” fermer xöjaligiga qaraşli dalalarda amalga oşirilayotgan agrotexnik jarayonlar bilan tanişdi. Uşbu dalalarga xorijdan keltirilgan paxta navlari zamonaviy agrotexnologiyalar asosida ekilgan. Çigit qöşqator usulida, plyonka ostiga ekildi va ğöza nihollarini töliq parvarişlaş işlari maxsus uslubiy qöllanmalar talablari asosida taşkil etildi. Agrotexnik tadbirlarning tizimli yölga qöyilgani va defoliatsiya jarayonining belgilangan standartlarga muvofiq amalga oşirilgani natijasida, bugun dalalarda möl hosil töplandi va hosildorlik har gektardan 60 tsentnerni taşkil etişi kutilmoqda.

Bugungi kunda paxta teriş işlari jadal surʼatlarda olib borilmoqda. Xomaşyo yiğib olingaç, ikkinçi terim uçun zarur agrotexnik tadbirlar joriy etilişi rejalaştirilmoqda. Navbatdagi terimdan ham yuqori miqdorda hosil olinişi taxmin qilinmoqda.

Taşrif davomida rasmiylar tomonidan bugungi kunda sohada amalga oşirilayotgan islohotlar natijasi va hududlarda agrotexnik amaliyotlarning holati muhokama qilindi. Şuningdek, yiğim-terim jarayonlarida munosib iştirok etayotgan soha fidoyilariga esdalik sovğalari topşirildi.

Muloqot çoğida vazir Ibrohim Abdurahmonov dala maydonida olib borilayotgan keng kölamli işlarni yuqori baholab, kelgusi mavsumda ham bunday yondaşuvlarni yanada kengaytiriş, qator oralariga esa zira ekib, hosilni köpaytiriş böyiça tegişli tavsiyalarini berdi.

Mehmonlar tumanda olib borilayotgan paxta terimi jarayonlari va fermer xöjaliklaridagi natijalar bilan ham yaqindan tanişdilar.

Taşrif davomida meğmonlar tumanning Jumurovul mahallasi hududidagi “Haytakov Uluğbek” fermer xöjaligining 10 gektarlik dala maydonida böldi. Bu yerda xorijiy ğöza navi qator orasi 76 santimetr bölgan sxemada ekilib, agrotexnik tadbirlar öz vaqtida va sifatli amalga oşirilgani tufayli möl hosil yetiştirilgan.

Ayni paytda terim maşinalari yordamida yiğim-terim jarayonlari qizğin davom etmoqda. Hosildorlik gektariga 60 tsentnerni taşkil etişi kutilmoqda. Dalalarda heç qanday begona ötning yöqligi, qişloq xöjaligi işlarining tizimli va samarali yölga qöyilganidan dalolat beradi. Vazir Ibrohim Abdurahmonov ham bu holatni yuqori baholab, fermer mehnatini alohida eʼtirof etdi.

Şuningdek, masʼullar Jumurtov şaharçasi hududida joylaşgan “Umid Azimxöja” fermer xöjaligi faoliyati bilan ham tanişdilar. Bu yerda ham ğözaning xorijiy navi qator orasi 76 santimetrlik sxema asosida ekilgan. Ayni paytda gektariga 70 tsentnerdan hosil olingan bölib, fermerning rejasi — 80 tsentnerdan ham yuqori hosilga erişiş. Bu körsatkiç Qoraqalpoğiston şaroitida avval kuzatilmagan yuqori natijadir. Vazir ilm va innovatsiyani amaliyotga uyğunlaştirişning ahamiyati haqida söz yuritar ekan, fermer xöjaligidagi mehnat samarasini ham mamnuniyat bilan eʼtirof etdi.

Amudaryo tumanidagi fermer xöjaliklari dalalarida jadal surʼatlarda olib borilayotgan paxta terimi sohadagi islohotlar samarasini yaqqol namoyon etmoqda. Zamonaviy agrotexnik tadbirlar, ilğor agrotexnologiyalar hamda fermerlarning samarali mehnati tufayli erişilayotgan natijalar mamlakatimiz qişloq xöjaligida yangi tarixiy bosqiçni boşlab bermoqda.

Çaros Arslonova, tuman hokimligining Axborot xizmati rahbari.