Qangli ovulida davlat-xususiy şeriklik asosida yangi töyxona foydalanişga topşirildi

Özbekiston Respublikasining "Davlat-xususiy şeriklik töğrisida"gi qonuni asosida ijtimoiy infratuzilmani yaxşilaş va yangi iş örinlari yaratiş böyiça muhim loyihalar amalga oşirilmoqda. Uşbu qonunning yorqin namunasi Amudaryo tumanining olis Qangli ovulida ham amaliy ifodasini topdi. Köp yillardan beri foydalanilmay kelgan va taʼmirga muhtoj bölib qolgan "Sado" madaniyat markazi binosi davlat-xususiy şeriklik asosida töliq qayta taʼmirlanib, zamonaviy töyxonaga aylantirildi. Loyiha tadbirkor Raşid Tursunboyev tomonidan amalga oşirildi.

Qayta rekonstruktsiya qilingan binoning tantanali oçiliş marosimi katta şodiyona bilan ötdi. Unda tuman hokimi örinbosari, investitsiya va taşqi savdo bölimi boşliği Hamza Haytimbetov, Özbekiston Mahallalar uyuşmasi Amudaryo tumani bölimi boşliği Alişer Yuldaşev, "Mahalla yettiligi" aʼzolari, nuroniylar, mahalla imomi va keng jamoatçilik vakillari iştirok etdi.

Sözga çiqqanlar yurtimizda kiçik biznes va xususiy tadbirkorlikni qöllab-quvvatlaş, aholi bandligini taʼminlaş va yangi iş örinlarini yaratiş, şuningdek, olis hududlarda ham ijtimoiy infratuzilma obʼektlari barpo qilişga katta eʼtibor qaratilayotganini alohida taʼkidlab ötdilar.

Aytiş joizki, uşbu loyihaning umumiy qiymati 2.5 milliard sömni taşkil etdi. Tadbirkorning saʼy-harakatlari natijasida dastlabki rejada közda tutilgan 20 ta yangi iş örnidan hozirda 10 tasi yaratildi. Demak, Qangli ovulidagi 10 ta xonadon qöşimça daromad manbaiga ega böldi. Tadbirkor kelajakda töyxonani yanada kengaytirib, mehmonlar uçun qöşimça şaroitlar va qulayliklar yaratişni rejalaştirmoqda.

Madaniyat vazirligi bilan 2024-yil 13-noyabrda imzolangan kelişuvga köra, loyihani işga tuşiriş muddati 2-yil etib belgilangan edi. Biroq, tadbirkorning saʼy-harakatlari tufayli obʼekt bir yilga yaqin muddat içida foydalanişga topşirildi. Bu esa tadbirkorlik subʼektlari uçun yaratilgan imkoniyatlar va qulayliklarning, berilgan imkoniyatdan tadbirkorlar qay darajada unumli foydalanişining amaldagi namunasi böldi.

Şu örinda taʼkidlaş kerakki, davlat-xususiy şeriklik loyihalari davlat byudjetiga yuklamani kamaytiradi. Xususiy investorlar loyihalarga öz mablağlarini kiritadi, bu esa davlat tomonidan köp yillik byudjet ajratmalarini talab qilmaydi. Natijada, ijtimoiy obʼektlar, yaʼni maktablar, boğçalar, sport majmualari, soğliqni saqlaş va madaniyat muassasalari qurilişi va rekonstruktsiyasi tezlaşadi.

Qolaversa, xususiy sektor loyihalarni amalga oşirişda davlatga qaraganda köproq samaradorlik va moslaşuvçanlikka ega. Tadbirkorlar öz mablağlarini kiritgani sababli, ular iş jarayonini optimallaştiriş, xarajatlarni kamaytiriş va loyihalarni belgilangan muddatdan oldin yakunlaşdan manfaatdor bölişadi. Bu öz navbatida, quriliş va xizmat körsatiş sifatining oşişiga ham olib keladi.

Davlat-xususiy şeriklik asosida iş boşlagan yangi töyxona sababli endilikda Qangli ovuli aholisi töy va boşqa oilaviy marosimlarni ötkaziş uçun uzoq yöl bosib, Qipçoq şaharçasi yoki tuman markaziga borişga majbur bölmaydi. Zamonaviy va şinam töyxonaning öz ovullarida iş boşlaşi ularga katta qulaylik yaratdi. Uşbu loyiha nafaqat infratuzilma muammosini hal qildi, balki hududda tadbirkorlikni rivojlantiriş va yangi iş örinlarini yaratiş orqali aholi farovonligini oşirişda ham muhim vosita böldi.