Qishloq xoʻjaligi
👁 2,458
Nobudgarchilikka yoʻl qoʻyilmaydi
Joriy yilda 53 ming gektar maydonda moʻl hosil yetishtirgan Qoraqalpogʻiston Respublikasi gʻallakorlari oʻrim-yigʻim ishlariga kirishdi.
Qariyb 2500 fermer xoʻjaligi tomonidan yetishtirilgan rizq-roʻzimizni nobudgarchiliklarsiz yigʻishtirib olish, uni yongʻindan asrash yuzasidan zarur chora-tadbirlar belgilandi.
– Hosilni nest-nobud qilmay oʻrib-yanchib olish boʻyicha belgilangan chora-tadbirlar rejasiga muvofiq, gʻallazor, xirmon va omborxonalarda, elevatorlarda yongʻinning oldini olish boʻyicha puxta hozirlik koʻrib qoʻyildi, – deydi Qoraqalpogʻiston Respublikasi Ichki ishlar vazirligi Yongʻin xavfsizligi boshqarmasi boshligʻi, podpolkovnik Yelmurat Turdimuratov. – Oʻrim-yigʻimda ishtirok etayotgan 200 kombaynning yongʻinga qarshi holati koʻrikdan oʻtkazilib, birlamchi oʻt oʻchirish vositalari bilan toʻla taʼminlandi. Gʻallani qayta ishlaydigan korxona va don qabul qilish shoxobchalarining yongʻinga qarshi holatini monitoring qilish chogʻida aniqlangan kamchiliklar bartaraf etildi. Ishchi-xizmatchilar, keng aholi orasida tushuntirish-targʻibot tadbirlari oʻtkazildi.
Donni qabul qilish, saqlash shoxobchalari va uni qayta ishlash korxonalari yongʻinga qarshi kurash va birlamchi oʻt oʻchirish vositalari bilan taʼminlandi.
Gʻallani qabul qilish shoxobchalaridagi yer osti suv gidranti hamda hovuzlarning texnik holati koʻzdan kechirilib, nosozliklar bartaraf etildi.
Nobudgarchilikka yoʻl qoʻymaslik maqsadida har bir shoxobchaga, oʻrim-yigʻim ishlari olib borayotgan 103 otryadga malakali yongʻin xavfsizligi xizmati xodimlari biriktirildi.
Don qabul qilish shoxobchalari va gʻallani qayta ishlovchi korxonalarda favqulodda holatlarning oldini olish va yongʻinni bartaraf etish yuzasidan yongʻin oʻchirish oʻquv-taktik mashgʻulotlari oʻtkazildi.
Amudaryo tumanida 215 fermer xoʻjaligi tomonidan 3 ming gektar maydonda yetishtirilgan hosil "Taxiatosh don mahsulotlari” ochiq aktsiyadorlik jamiyatining "Mangʻitdon” filialiga qarashli "Qipchoq” don qabul qilish shoxobchasida gʻamlanmoqda.
– Mavsumga puxta taraddud koʻrildi, – deydi shoxobcha rahbari Rajabboy Jumaboyev. – Uchta don saqlash omborxona taʼmirlanib, zararkunandalarga qarshi dorilandi. Yongʻinga qarshi kurash choralari koʻrib qoʻyildi.
Orolboʻyi gʻallazorlarida oʻrim-yigʻim ishlari boshlab yuborildi. Bu ishga Amudaryo, Beruniy, Ellikqalʼa va Toʻrtkoʻl tumanlarida qizgʻin kirishildi. Qoraqalpogʻistonlik gʻallakorlar hosili oʻrib-yigʻib olingan dalalarni peshma-pesh somondan tozalab, shudgor ishlarini ham olib bormoqda.
Qariyb 2500 fermer xoʻjaligi tomonidan yetishtirilgan rizq-roʻzimizni nobudgarchiliklarsiz yigʻishtirib olish, uni yongʻindan asrash yuzasidan zarur chora-tadbirlar belgilandi.
– Hosilni nest-nobud qilmay oʻrib-yanchib olish boʻyicha belgilangan chora-tadbirlar rejasiga muvofiq, gʻallazor, xirmon va omborxonalarda, elevatorlarda yongʻinning oldini olish boʻyicha puxta hozirlik koʻrib qoʻyildi, – deydi Qoraqalpogʻiston Respublikasi Ichki ishlar vazirligi Yongʻin xavfsizligi boshqarmasi boshligʻi, podpolkovnik Yelmurat Turdimuratov. – Oʻrim-yigʻimda ishtirok etayotgan 200 kombaynning yongʻinga qarshi holati koʻrikdan oʻtkazilib, birlamchi oʻt oʻchirish vositalari bilan toʻla taʼminlandi. Gʻallani qayta ishlaydigan korxona va don qabul qilish shoxobchalarining yongʻinga qarshi holatini monitoring qilish chogʻida aniqlangan kamchiliklar bartaraf etildi. Ishchi-xizmatchilar, keng aholi orasida tushuntirish-targʻibot tadbirlari oʻtkazildi.
Donni qabul qilish, saqlash shoxobchalari va uni qayta ishlash korxonalari yongʻinga qarshi kurash va birlamchi oʻt oʻchirish vositalari bilan taʼminlandi.
Gʻallani qabul qilish shoxobchalaridagi yer osti suv gidranti hamda hovuzlarning texnik holati koʻzdan kechirilib, nosozliklar bartaraf etildi.
Nobudgarchilikka yoʻl qoʻymaslik maqsadida har bir shoxobchaga, oʻrim-yigʻim ishlari olib borayotgan 103 otryadga malakali yongʻin xavfsizligi xizmati xodimlari biriktirildi.
Don qabul qilish shoxobchalari va gʻallani qayta ishlovchi korxonalarda favqulodda holatlarning oldini olish va yongʻinni bartaraf etish yuzasidan yongʻin oʻchirish oʻquv-taktik mashgʻulotlari oʻtkazildi.
Amudaryo tumanida 215 fermer xoʻjaligi tomonidan 3 ming gektar maydonda yetishtirilgan hosil "Taxiatosh don mahsulotlari” ochiq aktsiyadorlik jamiyatining "Mangʻitdon” filialiga qarashli "Qipchoq” don qabul qilish shoxobchasida gʻamlanmoqda.
– Mavsumga puxta taraddud koʻrildi, – deydi shoxobcha rahbari Rajabboy Jumaboyev. – Uchta don saqlash omborxona taʼmirlanib, zararkunandalarga qarshi dorilandi. Yongʻinga qarshi kurash choralari koʻrib qoʻyildi.
Orolboʻyi gʻallazorlarida oʻrim-yigʻim ishlari boshlab yuborildi. Bu ishga Amudaryo, Beruniy, Ellikqalʼa va Toʻrtkoʻl tumanlarida qizgʻin kirishildi. Qoraqalpogʻistonlik gʻallakorlar hosili oʻrib-yigʻib olingan dalalarni peshma-pesh somondan tozalab, shudgor ishlarini ham olib bormoqda.
Aminboy Ortiqboyev, OʻzA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
