Kadastr pasporti necha kunda tayyor boʻlishini bilasizmi?

Oʻzbekiston Respublikasi Prezidentining “Davlat xizmatlari koʻrsatish milliy tizimini jadal rivojlantirish boʻyicha qoʻshimcha chora-tadbirlar toʻgʻrisida”gi 2020-yil 31-yanvardagi PF-5930-son Farmoniga muvofiq kadastr sohasida davlat xizmatlari koʻrsatish tizimini yanada takomillashtirish maqsadida Oʻzbekiston Respublikasi Vazirlar Mahkamasining 02.09.2020-yildagi “Kadastr sohasida ayrim davlat xizmatlari koʻrsatishning maʼmuriy reglamentlarini tasdiqlash toʻgʻrisida”gi 535-sonli Qarori qabul qilindi. Mazkur qarorga muvofiq Koʻchmas mulk obʼektiga kadastr pasportini berish boʻyicha davlat xizmatlari koʻrsatishning maʼmuriy reglamenti tasdiqlandi.

Kadastr pasporti obʼektning murakkabligiga qarab, quyidagi muddatlarda tayyorlanadi:

a) koʻchmas mulk obʼektlarining turar joyga oid qismi boʻyicha:

koʻp kvartirali uydagi kvartira uchun — 5 ish kunigacha;

yakka tartibdagi turar joy uchun — 8 ish kunigacha;

b) koʻchmas mulk obʼektlarining noturar joyga oid qismi hamda yaxlit koʻp kvartirali uylar boʻyicha:

umumiy maydoni 100 kv. metrgacha boʻlganda — 8 ish kunigacha;

umumiy maydoni 100 kv. metrdan 1 000 kv. metrgacha boʻlganda — 10 ish kunigacha;

umumiy maydoni 1 000 kv. metrdan 5 000 kv. metrgacha boʻlganda — 15 ish kunigacha;

umumiy maydoni 5 000 kv. metrdan 15 000 kv. metrgacha boʻlganda — 20 ish kunigacha;

umumiy maydoni 15 000 kv. metrdan 50 000 kv. metrgacha boʻlganda — 26 ish kunigacha;

umumiy maydoni 50 000 kv. metrdan ortiq boʻlganda — 35 ish kunigacha;

ajratilgan yer uchastkalari boʻyicha — 5 ish kunigacha;

v) koʻp yillik dov-daraxtlar joylashgan yer uchastkasi boʻyicha:

umumiy maydoni 1 gektargacha — 15 ish kunigacha;

umumiy maydoni 1 gektardan 5 gektargacha — 20 ish kunigacha;

umumiy maydoni 5 gektardan 10 gektargacha — 26 ish kunigacha;

umumiy maydoni 10 gektardan 100 gektargacha — 35 ish kunigacha;

umumiy maydoni 100 gektardan ortiq — 40 ish kunigacha.

Malaka shahodatnomasiga ega boʻlgan koʻchmas mulk boʻyicha kadastr muhandisi tomonidan oʻtkazilgan texnik xatlov natijasiga koʻra tayyorlangan yigʻmajildga asosan koʻchmas mulkni hisobga olish va kadastr pasportini berish filial tomonidan 3 ish kuni mobaynida amalga oshiriladi.

Mansur Sadikov, Amudaryo tumani Adliya boʻlimi boshligʻi