Ming oylik dovondan oşgan umrning serhosil mevalari

Oqar daryo misoli umrning har bir qatrasidan yaxşilik, halol mehnat ortidan sermeva boğlar yaratiş, hayot sahifalariga gözal amallar, çiroyli nom yozib, asrlarga tatigulik kitob qoldiriş mumkin ekan. Butun umri, mehnat faoliyati davomida halollikni şior etib, nafaqat özi va oilasining manfaati uçun, balki jamiyat rivoji, xalq farovonligini taʼminlaş bel boğlagan Hazrati Insonlar bor ekan, bugunimiz keçagi kunimizdan, ertamiz bugunimizda farovonroq bölib boraveradi... Ha, söz qudratini çuqur anglagan inson bu maʼnolarning zalvorli yukini his etgani kabi, uning mazmunidagi umrni yaşab ötiş ham oson emasligini yaxşi biladi. Şu sababdirki, hayot yöli va mehnat faoliyati bilan bunday sermazmun kitob bitiş hammaga ham nasib etavermaydi.

Özida yuksak maʼnaviyatni şakllantirgan, samarali mehnat faoliyati va insoniy fazilatlari bilan el-yurt hurmatiga sazovor bölgan inson — Qoraqalpoğiston Respublikasida xizmat körsatgan kommunal, maişiy xizmat va savdo xodimi, tadbirkor Tursunboy Ahmedovning ming oylik dovondan oşgan umr sahifalarida ham ulkan boğning gözal manzaralarini köramiz.

Ötgan asrning 41-yili, bahorning ayni kunlarida Amu elining Xitoy qişloğida muqaddas zamin tuproğiga ildiz otgan köçat — Tursunboy ota Ahmedov bugun umrining 84-bahorida ham könglidagi yoşlarga xos ğayratu zavq bilan, hayotga iştiyoq, muhabbat bilan yaşamoqda. Bu insonning barkamol şaxs sifatida şakllanişida mehnatga bölgan muhabbat, halollik va masʼuliyat kabi fazilatlarning örni beqiyos.

Qahramonimiz qariyb 40-yildan buyon “Manğit” MÇJga rahbarlik qilib kelmoqda. Dastlab faqat tört turdagi maişiy xizmat körsatiş bilan faoliyat boşlagan jamiyat, bugungi kunda aholiga keng qamrovli xizmat turlarini taqdim etayotgan zamonaviy markazga aylangan. Xususan, maişiy texnika taʼmiri, payvandlaş, temirçilik, vulkanizatsiya, sartaroşlik, tikuvçilik va boşqa yönalişlarda aholiga sifatli xizmat körsatmoqda. Jamiyat nafaqat işonçli xizmat körsatadi, balki köplab insonlar uçun sevimli iş joyi, kasbga muhabbat uyğotuvçi maskan, ustoz-şogird anʼanalarining yorqin namunasidir.

Tursunboy otaning rahbarlik fazilatlari va bilimdon tadbirkorligi tufayli mazkur korxonada faoliyat yuritayotgan har bir mutaxassis öz sohasining ustasi. Masalan, sartaroş Şuhrat Bozorboyev Özbekiston Sartaroşlar Assotsiatsiyasi körgazmasida iştirok etib, 3-öringa sazovor bölgan. Bugungi kunda Tursunboy otaning nevarasi Asadbek ham sartaroşlik sohasida mehnat qilib, bobosi kabi xalqimizga xizmat qilmoqda. Şu bilan birga, Asadbek har bir işni pişiq-puxta bajarişga intiladi va jamiyatning ijroçi direktori sifatida ham faoliyat olib bormoqda.

Tursunboy ota — hayotda soddadil, samimiy, öz işining puxta mutaxassisi, masʼuliyatli va xalqçil inson sifatida yurtdoşlarimiz mehrini qozongan. U mehnatsevarlik, şukronalik va haqgöylikni inson tabiatidagi eng uluğ fazilatlar deb biladi. “Şukr qilmaydigan, mehnatdan qoçadigan insonni heç qaçon tuşunmayman”, degan sözlari uning hayotga, odamlarga bölgan munosabatini yaqqol aks ettiradi. Yana, qahramonimiz öz taʼbiri bilan aytganda: “Tuyani hazm qilib ham iştahasi bosilmaydigan kimsalarni jamiyatni kemiruvçi illat deb biladi”.

Tursunboy ota — nafaqat tadbirkor, balki sanʼat va adabiyot muxlisi, maʼnaviyat tarğibotçisi sifatida ham keng jamoatçilik orasida tanilgan. Turli davrlarda ijod etgan hofiz va şoirlarning asarlarini tinglab, uluğ badiiy merosni asrab-avaylaş, uni yoş avlodga tavsiya etiş — uning maʼnaviy dunyosida muhim örin tutadi.

U inson döst tanlaş, insonlarni qadrlaş, tinglaş, turli yoş va kasb egalari bilan samimiy muloqot qiliş, ular bilan çuqur munosabat örnatişda ham ibratli şaxs. Döstlari orasida hojilar, yoş sportçilar, hunarmandlar va rahbarlar ham bor. Bu uning har sohada bilimdon va samimiy inson ekanligini körsatadi.

Saxovatpeşalik ham Tursunboy ota Ahmedov siymosida namoyon böladigan muhim fazilatlardan. Muhtoj insonlarga kişi bilar-bilmas qölidan kelgan yordamini ayamaydi. 2020-yilda — koronovirus infektsiyasi keng tarqalgan davrda Umra ziyorati uçun jamğargan mablağini ehtiyojmand insonlar könglini obod qiliş yölida ehson qilgani ham uning qalbi keng, yuragi mehrga töla inson ekanini tasdiqlaydi.

Tursunboy ota mamlakatda olib borilayotgan islohotlarga befarq emas. Yangiliklarni diqqat bilan kuzatadi, qöllab-quvvatlaydi. Zamon bilan hamnafas, xalq dardi bilan yaşaydi, yurt roziligini uluğ maqsad deb biladigan fidoyi insonlardan biri hisoblanadi.

Tursunboy otaning halol mehnati va fidoyiligi bilan yaratgan umr boği bugun öz mevasini bermoqda. Bu boğdan nafaqat farzandlari, nevara-çevaralari, şogirdlari va döstlari, balki butun el bahramand bölmoqda. Undan tarbiya olgan öğil-qizlari, taʼlim olgan şogirdlari, uning yöl-yöriqlari bilan faoliyatini yuksak çöqqilarga olib çiqqan tadbirkorlar bu boğning bunyodkori va boğbonidan bir umr minnatdorlar. Uni tangan, suhbatidan bahra olgan, tajribasidan örganiş baxtiga muyassar bölgan har bir inson, albatta, ruhlanadi, ibrat oladi.

Şunday nurli hayotni barpo etgan, atrofidagilarga ezgulik ulaşgan, öz umrini xalq xizmatiga bağişlagan Tursunboy Ahmedovga yana ming oy umr tilaymiz!

Şohzod Qurbonboyev.