Çoyköl ovuli va Böston mahallasida sumalak sayllari ötkazildi

Bahor fasli nafaqat yoşariş va yangilaniş ayyomi, balki dillarni dillarga ulab, el-ulus, qöni-qöşnilar orasida oğzibirçilik, mehr-muruvvat har qaçongidan ham kuçayib, özaro birdamlik hukm suradigan fasldir. Boisi, uşbu faslda asriy anʼanalarimiz uluğlanuvçi bayramlar köp. Xalqimiz fevralning oxirgi kunlaridan boşlab, bahorning sönggi kunlarigaça sumalak sayllarini ötkazadilar. Mahalladoşlar esa, turli xil bahoriy taomlar tayyorlab, bir-biriga ilinişadi. Mahalladagi noçor, kam taʼminlangan va ijtimoiy kömakka muhtoj oilalar holidan xabar olinib, neça-neça köngillar obod böladi. Bu yil ana şunday gözal va xayrli amallar qilinadigan navbahor fasli Ramazon bilan hamqadam böldi. Natijada, yurtdoşlarimiz qalbi saxovat-u, ehtiromga yanada tölib, joylarda sumalak sayllari ötkazilmoqda.

Ana şunday gözal tadbirlardan biri yaqinda Amudaryo tumanining Çoyköl ovuli va Böston mahallasida bölib ötdi. Çoykul OFY xotin qizlar faoli Saylixon Muratbayeva boşçiligida taşkillaştirilgan sumalak saylida Qoraqalpoğiston Respublikasi Vazirlar Kengaşi Raisi örinbosari, Oila va xotin-qizlar qömitasi raisi Maryam Ahmedova hamda tuman hokimi örinbosari Gözal Soburova, turli idora-taşkilotlardan kelgan mehmonlar, şuningdek, ovuldagi nuroniy onaxon-u, qiz-kelinçaklar, faol ayollar, mahalla ahli iştirok etdilar.

Mahallaning Dilband-2 köça boşçisi Rohatoy Yerekeyeva köçasidagi ayollar bilan birgalikda sumalak, kök somsa, patir, böğirsoq singari milliy yeguliklarimizdan dasturxon tuzab, mehmonlarni non-tuz bilan kutib oldilar.

Sumalak milliy taomining tayyorlanişi özgaça bir zavqli jarayon bölsa, buğdoyni undirib, qozonga solişgaça bölgan jarayon ham muhim va masʼuliyatli hisoblanadi. Sababi, sumalakning qay darajada şirin va totli çiqişi aynan öşa jarayonga boğliq. Mahallaning kayvoni ayollaridan Bibisora Sultonova ana şu masʼuliyatli vazifani öz zimmasiga olib, buğdoyni östirib bergan bölsa, Gözal Yovmutbayeva xonadonida doşqozon osildi.

Şuningdek, sumalak saylida Şirin Yusupova, Oysulton Boltabayeva, Nilufar Gaipova, Gavhar Şatayeva, Mamura Kamolova, Gulnora Raimova, Tozagul Xojiyeva singari bir qator faol ayollar qatnaşdilar. Şu bilan birga, mahalladagi uçta xonadonda bayramona va bahoriy dasturxonlar yozilib, milliy taomlarimiz tortildi.

Mehmonlar va mahalla ahli uşbu noz-neʼmatlarlardan baxramand bölib, el-yurt tinçligi, dasturxonlarimiz tökinligini tilab, duoga qöl oçdilar. Non, patir, kök somsa, gumma, jöxori kurtik, zoğora, böğirsoq kabi neʼmatlarni tayyorlab, dasturxonga tortişda ovuldagi Mahmud Norbayev, Omongul Dustmuratova, Nurbek Urazimbetov, Gulasal Xaytakovalar oilalari faollik körsatdi.

Şuningdek, milliy taomlarni tayyorlaşda va mehmonlarni munosib kutib olişda Beşçinor köçasi boşçisi Malika opa Nurmanova, Dilband köçasi köça boşçilari Zumrad Jabborova va Salima Gulmonovalar boşçiligida Saltanat Raxmatullayeva hamda muqaddas Qurbaniyazova xonadonlari ham faollik körsatib, Şaxnoza Kazakova, Feruza Raimova, Nargiza Kamolova, Manzura Raxmatullayeva, Muhabbat Aliyeva, Tölğonoy Nurimova, Dilnoza Jumaniyazova, Muhabbat Kalliyeva kabi bir qator ayol-qizlar ham uşbu xayrli işga hissa qöşdilar.

Milliy anʼanalarimiz aks etgan mazkur tadbir bahoriy kuy-qöşiqlarga, öyin-kulgularga ulanib ketdi.

Yana şunday “Sumalak sayli” tadbirlaridan biri tumanimizning Böston mahallasida ham ötkazildi. Uşbu tadbir ham milliy urf-odatlarimizni tarğib qiliş, özaro totuvlik, bağrikenglik, mehr-oqibat, xayr-u, saxovat tuyğularini kamol toptiriş niyatida taşkil qilindi.

Tadbir mahallada yaşovçi tadbirkor Gulasal Örozmetova xonadonida bölib ötdi. Xonadon hovlisida törtta doşqozonda sumalak qaynatilib, jarayonga mahalladagi nuroniy onaxonlar, mahalla xotin-qizlar faoli Gözal Sobirova, ayol-qizlar, mahalladagi “Aristokrat baby” oilaviy boğçasining tarbiyalanuvçilari hamda keng jamoatçilik vakillari iştirok etdilar.

Tadbir davomida milliyligimiz, milliy qadriyatlarimiz uluğlanib, “Alla”, “Yor-yor” kabi milliy özligimizni aks ettiruvçi qöşiqlarimiz yangradi. Yiğilganlar doşqozon atrofida ezgu tilaklar aytib, duoga qöl oçdilar. Mahalladoşlarni ezgu niyat ilinjida bir manzilga jamlagan sumalakka mehr, muruvvat, baraka yoğilib, yurtdoşlarimiz qalblariga bahoriy iliqlik olib kirdi.

Sumalak sayli davomida saxovatpeşa hamyurtimiz Gulasal Örozmetova tomonidan mahalladagi kam taʼminlangan, ijtimoiy himoyaga muhtoj oilalarning holidan xabar olinib, sumalaklar tarqatilib, ularga bayram sovğalari ham topşirildi. Albatta, bunday eʼtibor va ğamxörlikdan qançadan-qança köngillarga şodlik ulaşilgan bölsa, ajab emas.

Ha, sumalak sayllarining ahamiyati, insonlarni birdamlikka, oğzibirçilikka, döstlikka çorlaşida, ginalarni unutib, odamlarni keçirimlilik, bağrikenglik sari yetaklaşidadir.

Aziza Madrahimova.