IJTIMOIY HIMOYaGA MUHTOJ AHOLI VAKILLARI IShTIROKIDA SAYYoR QABUL OʻTKAZILDI
Maʼlumki, davlatimiz rahbari Sh.M.Mirziyoyevning 2023-yil 28-sentyabrdagi “Aholiga ijtimoiy yordamlar va xizmatlar koʻrsatish tizimini yanada takomillashtirish toʻgʻrisida”gi Qaroriga koʻra, yurtimizda inson manfaatlari ustuvorligiga qaratilayotgan yuksak eʼtiborning yorqin namunasi sifatida Oʻzbekiston Respublikasi Prezidenti huzurida Ijtimoiy himoya Milliy agentligi va uning hududlardagi boshqarmalari hamda hududiy “Inson” ijtimoiy xizmatlar Markazlari faoliyati yoʻlga qoʻyildi.
Mazkur Qaror bilan Markazlar tomonidan ogʻir ahvolga tushib qolgan va ogʻir ahvolga tushib qolish xavfi yuqori boʻlgan shaxslar va oilalarga bevosita mahalla darajasida kompleks yondashuv asosida professional xizmatlar koʻrsatish vazifasi yuklatilgan edi. Shuningdek, ijtimoiy himoyaga muhtoj aholining ehtiyojlari va mavjud imkoniyatlarini baholash orqali ularga individual tartibda ijtimoiy xizmatlar koʻrsatish rejalarini ishlab chiqish hamda ushbu rejalarga muvofiq muammolarni mahallalar kesimida hal etish boʻyicha manzilli saʼy-harakatlarni amalga oshirish yuzasidan zarur koʻrsatmalar ham taqdim etilgandi.
Ayni paytda mazkur agentlikning hududiy boshqarmalari masʼullari va yetakchi mutaxassislari tomonidan bevosita joylarga chiqqan holda ijtimoiy himoyaga muhtoj aholi vakillari ishtirokida sayyor qabullar tashkil etilib, ularning hayotiga doir shaxsiy muammolarini oʻrganish orqali ijtimoiy xizmatlar koʻrsatilmoqda.
Ana shunday sayyor qabullardan biri joriy yilning 18-fevral kuni Oʻzbekiston Mahallalar uyushmasining Amudaryo tuman boʻlimi binosida ham oʻtkazildi. Oʻzbekiston Respublikasi Prezidenti huzuridagi Ijtimoiy himoya Milliy agentligining Ijtimoiy himoya inspektsiyasi Qoraqalpogʻiston Respublikasi boshqarmasi boshligʻi Ziyaubay Kalenov rahbarligida Amudaryo tumani “Inson” ijtimoiy xizmatlar markazi bilan hamkorlikda tashkil etilgan sayyor qabulda mazkur markaz boshligʻi Gʻulomjon Duysenboyev, tumanning Qilichboy, Tosh yop ovullari, shuningdek, Arnaboʻyi, Namuna, Navoiy va Oybek nomli, Durunki, Boy ovul, Yangiobod, Xizr eli, Boʻston mahallalarida istiqomat qiluvchi aholi vakillari qatnashdi.
Sayyor qabul davomida jami 18 nafar ijtimoiy himoyaga muhtoj fuqarolardan murojaatlar kelib tushdi. Murojaatlarning 4tasi bolalar nafaqasini tayinlash, 2tasi nogironlik aravachalari olib berishda koʻmaklashish, 1tasi nogironlikni belgilash, 4tasi davolanish boʻyicha dori-darmon vositalari olish, shuningdek, 1tasi vasiylikka rasmiylashtirish, qolganlari voyaga yetmaganlarning yashash manzilini belgilash, tugʻilganlik haqidagi guvohnomani rasmiylashtirish hamda “yolgʻiz keksa” reyestriga kiritish boʻyicha murojaatlar boʻlib, aksariyat fuqarolarning murojaatlari sayyor qabul jarayonida, joyida ijobiy hal qilindi.
Shuningdek, bir nechta murojaatlar tegishli tashkilotlar aralashuvi talab etilishi bois mazkur murojaatlar egalariga zarur huquqiy tushunchalar va maʼlumotlar berildi. Qolgan murojaatlar esa tegishliligi boʻyicha qatʼiy nazoratga olindi.
Sayyor qabul jarayonida ishtirokchilar masʼullarga oʻzlarini qiziqtirgan savollar bilan murojaat qildilar. Ularning barcha savollariga tashkilotchilar tomonidan batafsil javoblar va huquqiy maslahatlar taqdim etildi.
Bevosita mahallalarga chiqqan holda, “Inson” ijtimoiy xizmatlar markazi mutaxassislari va ijtimoiy xodimlar, kam taʼminlangan, nogironligi boʻlgan fuqarolar ishtirokida oʻtkazilayotgan bu kabi sayyor qabul qabullar mamlakatimizda aholiga ijtimoiy xizmatlar va yordamlar koʻrsatish tizimi tobora takomillashib borayotganining yorqin ifodasidir
Robiya Yoʻldosheva.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
