Manğitlik tadbirkor “Amu teplo” brendi ostida zamonaviy va tejamkor isitiş qozonlari işlab çiqarmoqda

Özbekistonda tadbirkorlikni rivojlantiriş maqsadida yaratilayotgan imkoniyatlar işlab çiqariş sohasini yangi bosqiçga olib çiqmoqda. Hududlarda erkin iqtisodiy zonalar va kiçik sanoat zonalari taşkil etilişi, soliq imtiyozlari va zamonaviy infratuzilma tadbirkorlar uçun keng yöl oçib berdi. Mazkur zonalar hududlardagi işlab çiqarişni mahalliylaştiriş, import örnini bosuvçi mahsulotlar işlab çiqariş, yangi iş örinlarini yaratiş va iqtisodiy samaradorlikni oşirişda muhim ahamiyat kasb etmoqda.

Xususan, Amudaryo tumanida ham tadbirkorlarning tösiqlarsiz faoliyat olib borişlari uçun bir qator qulay şaroitlar yaratilgan. Aynan şunday imkoniyatlardan unumli foydalanayotgan tadbirkorlardan biri “Amu metal-kovka art” MÇJ rahbari Jasurbek Bobojonov faoliyatida iqtisodiy islohotlarning samarasini körişimiz mumkin.

Jasurbek Bobojonov bobosi Tajim Bobojonov boşlagan temirçilik anʼanalarini otasi Jumamurot Bobojonovdan puxta örgandi va 2002-yilga kelib, sohada özining mustaqil faoliyatini boşladi.

Dastlab temirdan oddiy mehnat qurollari – belkurak, ketmon, aravalar hamda buyurtma asosida har xil temirçilik buyumlarini tayyorlaş bilan şuğullangan Jasurbek Bobojonov 2013-yilda “Jumamurod usta” nomidagi oilaviy korxona taşkil etdi. Korxona faoliyatining dastlabki yillarida tabiiy gazda işlovçi anʼanaviy qozonlar, temir eşik va darvozalar işlab çiqarişga alohida eʼtibor qaratildi. Manğit şahridagi kiçik sanoat zonasidan 2018-yilda yer ajratilişi bilan yangi ustaxona barpo etişga kirişdi. 2020-yilda ustaxona qurib bitkazilişi natijasida oilaviy korxonaning işlab çiqariş faoliyati ança kengaytirildi.

Vaqt ötişi bilan Jasurbek Bobojonov “aqlli” energotejamkor isitiş qozonlari işlab çiqarişga qiziqib, uşbu yönalişda şaxsiy izlanişlarini boşladi. U Özbekistonning vodiy viloyatlaridagi ustalardan temirçilikning nozik sirlarini örgandi. Şuningdek, Qozoğiston Respublikasida bölib, temirçilik mahsulotlarini işlab çiqaruvçi ustalar bilan faol tajriba almaşdi. Doimiy ravişda internet tarmoqlari orqali ilmiy-nazariy hamda amaliy materiallarni örganib boriş natijasida sohaga doir bilimlarini ança boyitdi. Ayniqsa, YouTube platformasidagi rossiyalik muhandis va temirçi-ustalarning öquv kontentlari, internet manbalaridagi maxsus çizmalarni tahlil qiliş hamda amaliyotda sinab köriş uning bilim va könikmalarini rivojlantirişda muhim örin tutdi. 2022-yilda esa oilaviy korxonasini “Amu metal-kovka art” MÇJ sifatida qayta taşkil etdi. 

Sir emaski, markazdan olis joylarda qişning sovuq kunlarida isitiş tizimlarining ahamiyati yanada ortadi. Ayniqsa, tabiiy gaz bilan taʼminlanmagan hududlarda, kömir bilan işlovçi isitiş qozonlari oilalar uçun qulaylik manbai hisoblanadi. Bunday isitiş qozonlari köplab qişloq hududlarida energiya taʼminotining asosiy vositasi sifatida işlatiladi.

Bozor talabiga yaraşa taklif, deganlaridek, “Amu metal-kovka art” MÇJ tomonidan işlab çiqarilgan mahsulotlar orasida, ayniqsa, “Amu teplo” brendi ostidagi mahalliylaştirilgan isitiş qozonlari alohida örin tutadi. 2023-yilda keng kölamli işlab çiqariş yölga qöyilgan uşbu qozonlar innovatsion va energotejamkorlik xususiyatlari bilan ajralib turadi. Ular tabiiy gaz va qattiq yoqilğida işlaş imkoniyatiga ega bölib, xonadonlar va issiqxonalarni samarali isitişga xizmat qiladi. 

Darhaqiqat, uşbu qozonlarning afzalliklari isteʼmolçilarni öziga jalb etmoqda. Masalan, tabiiy gazda yonuvçi anʼanaviy isitiş qozonlari qişning sovuq kunlarida, taxminan, 100 ming söm atrofida yoqilği sarflasa, kömirda işlaydigan “Amu teplo” isitiş qozonlari xarajatni 10-15 ming sömgaça kamaytiradi. Bundan taşqari, uşbu isitiş qozonlari 30-50 kg kömir bilan kun davomida butun xonadonni issiqlik bilan taʼminlaş imkonini beradi. Bu innovatsiyalar oilaviy byudjetni tejaş va xavfsizlikni taʼminlaşga xizmat qilmoqda.

Jasurbek Bobojonov “Amu metal-kovka art” MÇJ işlab çiqariş tsexi faoliyatida zamonaviy texnologiyalardan keng foydalanmoqda. 2024-yilning aprel oyida Xitoydan olib kelingan lazerli jihozlar temir qismlarni aniq va sifatli kesişga imkoniyat yaratdi. Işlab çiqariş jarayonida metall kesiş, yiğiş, payvandlaş, böyoqlaş va elektromontaj işlari puxta amalga oşiriladi. 

Isitiş qozonlarining asosiy elementlari, jumladan, eşiklari çang, suv va havo ötişidan töliq himoyalangan va taşqariga tutun çiqarmaydi. Bu esa qozonlarning xavfsizligi va uzoq muddat xizmat qilişini taʼminlaydi. Bir söz bilan aytganda, “Amu teplo” mahalliy brendidagi zamonaviy texnologiyalar, narx, sifat va tejamkorlikning öziga xos uyğunligi!

“Amu metal-kovka art” MÇJ tomonidan işlab çiqarilgan isitiş qozonlari hozirda Amudaryo tumanidan taşqari Nukus, Qönğirot, Beruniy, Ellikqalʼa, Törtköl va Gurlan kabi tumanlar aholisiga ham samarali xizmat qilmoqda. 

Jamiyat nafaqat isitiş qozonlari, balki mustahkam va sifatli temir darvoza hamda eşiklar ham işlab çiqarib, xalqimiz işonçini qozongan. Temir darvoza va eşiklar suv, çang va harorat özgarişlariga çidamli bölib, yuqori mustahkamligi bilan ajralib turadi. Yopiliş va oçiliş mexanizmlari silliq va işonçli işlaydi, bu esa foydalanişda qulaylikni taʼminlaydi.

Şuningdek, har bir buyurtma uçun alohida dizayn va moslaşuvçanlik taklif qilinadi, bu esa mijoz ehtiyojlarini maksimal darajada qondiriş imkonini beradi. Mahalliy bozorda uşbu mahsulotlar zamonaviy va qulay narxlarda taqdim etilib, isteʼmolçilar ehtiyojini töliq qondirişga qaratilgan. Temir darvoza va eşiklar korxonaning boşqa mahsulotlari kabi yuqori sifat meʼyorlariga javob beradi va uzoq muddat davomida samarali xizmat qiladi.

Bugungi kunda “Amu metal-kovka art” korxonasida 8 nafar doimiy işçi faoliyat yuritmoqda. Korxonada şuningdek, kasb örganiş istagidagi yollanma işçilar ham işlaydi. Jasurbek Bobojonovning şogirdlari orasidan köplab ustalar yetişib çiqdi, bu esa hududdagi kasb-hunar rivojiga katta hissa qöşmoqda. 

Jasurbek Bobojonov rahbarligidagi “Amu metal-kovka art” MÇJ tomonidan mahalliylaştirilgan va energotejamkor mahsulotlar nafaqat isteʼmolçilarga iqtisodiy manfaat keltirmoqda, balki hudud iqtisodiyotining mustahkamlanişiga xizmat qilmoqda. Şubhasiz, bu kabi faoliyat mamlakatda kiçik biznesni rivojlantiriş va iqtisodiy barqarorlikka erişiş yölida muhim ahamiyat kasb etadi.

Şohzod Qurbonboyev