MAKTABGAChA VA MAKTAB TAʼLIMI XODIMLARI UChUN KORRUPTsIYaGA QARShI KURAShISh MAVZUSIDA SEMINAR BOʻLIB OʻTDI
Bugungi kunda korruptsiya dunyo miqyosida hal etilishi lozim boʻlgan global muammolardan biri hisoblanadi. Ushbu illat har qanday davlat va jamiyatning siyosiy-iqtisodiy rivojlanishiga jiddiy putur yetkazib, inson huquq va erkinliklarining poymol boʻlishiga olib keladi. Shu bois, unga qarshi kurash xalqaro ahamiyat kasb etib, jahondagi barcha davlatlar siyosatida muhim masalalar qatoridan joy olgan.
Korruptsiyaga qarshi kurashish xalqaro miqyosda boʻlgani kabi mamlakatimizda ham hal etilishi lozim boʻlgan dolzarb muammolardan biri hisoblanadi va unga qarshi muvaffaqiyatli kurash tizimini barpo etishda keng koʻlamli hamkorlikni rivojlantirish, bu borada har bir fuqaro va har bir rahbar xodimning masʼuliyatini oshirishga alohida eʼtibor qaratilmoqda. Chunki korruptsiya jamiyatning maʼnaviy ustunlari hamda demokratiyani yemiradi, mamlakatning ijtimoiy-iqtisodiy va siyosiy taraqqiy etishi uchun ulkan xavf tugʻdiradi.
Yaqinda Amudaryo tumani Maktabgacha va maktab taʼlimi boʻlimi tasarrufidagi 38-sonli umumtaʼlim maktabida Oʻzbekiston Respublikasi Maktabgacha va maktab taʼlimi Vazirligining 2024-yil 28-oktyabrdagi “Nazorat tartibida tekshirish oʻtkazish, korruptsiyaga qarshi profilaktika chora-tadbirlarini amalga oshirish haqida”gi tegishli buyrugʻi asosida ZOOM platformasi orqali tashkil qilingan seminarda ham korruptsiyaning jamiyat taraqqiyotiga zarari xususida hayotiy misollar asosida batafsil maʼlumotlar berildi.
Oʻzbekiston Respublikasi Maktabgacha va maktab taʼlimi Vazirligi tomonidan tashkillashtirilgan mazkur seminarda Qoraqalpogʻiston Respublikasi Maktabgacha va maktab taʼlimi vazirligi masʼul xodimlari Hamidjon Begdullayev va Raxat Yerjanovlar, Amudaryo tumani MMTB xodimlari, umumtaʼlim maktablari, “Barkamol avlod” bolalar maktabi hamda maktabgacha taʼlim tashkilotlari rahbarlari ishtirok etdilar.
Seminar avvalida ishtirokchilarga korruptsiyaga qarshi kurashishga oid qonunchilik va ichki lokal hujjatlarning mazmun-mohiyati hamda ahamiyatini tushuntirishga qaratilgan koʻrgazmali materiallar tarqatildi. Shuningdek, korruptsiya haqida xabar berishga moʻljallangan vazirlik va tizim tashkilotlari aloqa kanallarini keng targʻib qilish maqsadida targʻibot materiallari tarqatilib, taqdimotlar oʻtkazildi. Bundan tashqari, ishtirokchilar korruptsiyaga qarshi kurashishga oid qonunchilik va ichki lokal hujjatlar bilan batafsil tanishtirilib, sohaga doir qonunchilik hujjatlarining qoʻllanish tartibi bilan mufassal tanishtirildi.
Seminar davomida masʼullar tomonidan “Manfaatlar toʻqnashuvi toʻgʻrisida”gi Oʻzbekiston Respublikasi Qonuni kuchga kirgunga qadar unda belgilangan talablar va mexanizmlarning amaliyotda ishlashi bilan bogʻliq masalalarni oʻrganish va manfaatlar toʻqnashuvining oldini olish boʻyicha xodimlarga zarur uslubiy tavsiyalar taqdim etildi.
Xususan, yakka tartibdagi profilaktik chora-tadbirlar sifatida hamda xodimlarda “halollik vaktsinasi” immunitetini shakllantirish uchun har bir xodimni huquqbuzarliklarning sodir etilishi sabablari va ularga imkon berayotgan shart-sharoitlar toʻgʻrisida xabardor qilib borish bilan birga xodimlarga gʻayriijtimoiy xulq-atvorni davom ettirganlik uchun javobgarlik mavjudligi haqida ogohlantirish lozimligi yuzasidan tushuntirishlar va muhim tavsiyalar ham berildi.
Seminar ishtirokchilari korruptsiyaga qarshi kurashish boʻyicha taqdim etilgan tavsiyalar, qonunchilik hujjatlarini amaliyotda qoʻllash boʻyicha savollar bilan murojaat qildilar va barcha savollarga masʼullar batafsil javoblar berdilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
