МТТЛАРДА СОҒЛОМ ВА ХАВФСИЗ ОВҚАТЛАНТИРИШНИ ТАШКИЛ ЭТИШ МАВЗУСИДА СЕМИНАР-ТРЕНИНГ ЎТКАЗИЛДИ
Мактабгача таълим ташкилотларида соғлом ва хавфсиз овқатлантиришни ташкил этиш бўйича чора-тадбирларни амалга оширишга доир масалалар юзасидан семинар-тренинг ташкил этилди.
Семинарда Ўзбекистон Республикаси Олий Мажлис Қонунчилик палатаси Фан, таълим, маданият ва спорт масалалари Комитетининг 2023 йил 5 июндаги тегишли қарорида белгиланган вазифаларнинг бажарилишини таъминлаш ва “Мактабгача таълим ташкилотларида соғлом ва хавфсиз овқатлантиришни ташкил этиш” бўйича чора-тадбирларни амалга ошириш масалалари юзасидан сўз юритилди. Шунингдек, Ўзбекистон Республикаси Вазирлар Маҳкамасининг 2019 йил 25 июлдаги “Давлат мактабгача таълим муассасаларида соғлом овқатлантириш тизимини янада такомиллаштириш тўғрисида”ги тегишли қарори ва 2021 йил 30 июндаги “Давлат мактабгача таълим ташкилотларида соғлом овқатлантириш тизимини такомиллаштиришнинг қўшимча чора-тадбирлари тўғрисида”ги қарорлари асосида МТТларда соғлом овқатлантиришни ташкил этиш, тарбияланувчиларнинг соғлом ва баркамол ўсишини таъминлаш, ошхоналарда сифатли таомлар тайёрлаш учун гигиеник талабларга мувофиқ шароитлар яратишга алоҳида эътибор қаратиш кераклиги таъкидланди.
Семинарда туман СЭО ва ЖСБнинг санитария-гигиена бўлими мудираси Н.Ешимова кун тартибидаги масала юзасидан маъруза қилди ва тарбияланувчиларга сарфланадиган озиқ-овқат маҳсулотларининг кунлик миқдори санитария нормалари, қоидалари ва гигиена нормативлари асосида белгиланиши талаб этилишини, тарбияланувчилар учун таомлар санитария-гигиена меъёрлари ва нормативлари ҳамда овқатланиш технологияси қоидаларига амал қилган ҳолда тайёрлаш, сақлаш тартиби тўғрисида гапириб ўтди.
Семинар давомида савол-жавоблар ўтказилиб, қатнашувчилар томонидан билдирилган фикр-мулоҳазалар тингланди ва тегишли қарорлар қабул қилинди.
С.Патуллаева, ММТБ методисти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
