79-сонли мактабда ўқитувчиларнинг 4К модели бўйича кўникмаларини шакллантириш мақсадида семинар бўлиб ўтди
Қорақалпоғистон Республикаси Мактабгача ва мактаб таълими вазирлигининг 2023 йил 10 ноябрь кунги буйруғига асосан Қорақалпоғистон Республикасидаги Педагогларни янги методикаларга ўргатиш миллий маркази томонидан таълим сифати юқори бўлмаган умумий ўрта таълим мактабларига манзилли методик хизмат кўрсатиш бўйича бир қатор ишлар амалга оширилмоқда.
Шу йўналишда 24 ноябрь куни Амударё тумани Мактабгача ва мактаб таълими бўлимига қарашли 79-сонли мактабда бир гуруҳ тажрибали методистлар иштирокида семинар бўлиб ўтди.
Унда Қорақалпоғистон Республикасидаги Педагогларни янги методикаларга ўргатиш миллий маркази Методик хизмат кўрсатиш бўлим бошлиғи Абатбай Кенесбаев, методистлар, мазкур мактаб ўқитувчилари ҳамда тегишли соҳа вакиллари иштирок этдилар.
Семинарда Методик хизмат кўрсатиш бўлими методистлари Наргиза Матлатипова ва Дилором Айтмуротова йиғилган ўқитувчиларга дарсларида 4К модели бўйича кўникмаларини шакллантириш мақсадида маҳорат дарсларини ўтдилар.
Айтиш жоизки, замонавий таълимни ривожлантиришда 4К модели асосида ҳаётий кўникмаларни дарсларда унумли ташкил этишга Амударё туманидаги мактабларда ҳам белгиланган режа асосида ишлар давом этмоқда.
79-сонли мактабда ташкил этилган мазкур семинар жараёнида малакали мутахассислар томонидан илғор тажрибалар асосида яратилган ўқув дастурларини амалиётга жорий этиш ва бунинг учун ҳар бир педагогдан талаб этиладиган касбий ривожланиш, янги билим ва дунёқарашга эга бўлиш борасида лозим бўлган билим ва методик тавсиялар берилди.
Шундан сўнг семинарнинг кун тартибига қўйилган педагог кадрлар таркибининг сифати ва уларни касбий ривожлантиришга доир масалалар юзасидан соҳа вакилларининг маърузаси тингланди.
Семинар давомида мактабнинг она тили ва адабиёт фани ўқитувчилари Моҳигул Ражапова ва Лайло Ражапбоева, қорақалпоқ тили фани ўқитувчиси Қирмизи Нурманова, бошланғич таълим ўқитувчиси Гўзал Камоловалар очиқ дарслар ўтди.
Методик хизмат кўрсатиш бўлими методистлари томонидан ўтказилган очиқ дарслар таҳлил қилинди ва ўқитувчиларга дарслар самарадорлигини янада ошириш юзасидан тегишли тавсиялар берилди.
Методик хизмат кўрсатиш бўлими бошлиғи Абатбай Кенесбаев ўз сўзида мактаб педагогика жамоасининг аксариятини ёшлар ташкил қилишини ва уларнинг шижоати, ғайрати, фаоллигидан мамнун эканлигини айтиб ўтди.
Мактаб ўқитувчилари ўтказилган маҳорат дарсларидан тегишли хулоса чиқариб, дарс жараёнида тавсия этилган методлардан унумли фойдаланиб, таълим сифатини оширишга интилишларини айтишди.
Семинар якунида ўқувчи-ёшларга таълим-тарбия беришда амалга оширилиш лозим бўлган ишлар ҳам таҳлил қилинди ва келгусидаги вазифалар белгилаб олинди.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
