“INFOLIB O’ZBEKISTON – 2023” XII МИЛЛИЙ АХБОРОТ-КУТУБХОНА ҲАФТАЛИГИГА СТАРТ БЕРИЛДИ
Шу йил 23 октябрь куни Амударё тумани Ахборот-кутубхона марказида “Ёш кутубхоначи: изланувчан, интилувчан, иқтидорли” шиори остида бўлиб ўтган ҳафталикнинг тантанали очилиш маросимида Амударё муҳандислик техникумининг кутубхонашунослик йўналишида таҳсил олаётган 1-курс талабалари фаол иштирок этишди. Ахборот-кутубхона ҳафталиги муносабати билан “Ҳар бир китоб бир дунё” мавзусида очиқ эшиклар куни китоблар кўргазмаси ташкил қилинди.
Форум доирасида “Китоб зиёсидан яралган илм” деб номланган ижодий кеча ўтказилди. Кечада туманимизда шеърият йўналишида ижод қилишни бошлаган ёш ҳаваскор шоира Машҳура Ражабованинг илк шеърий китоби тақдимоти бўлиб ўтди. Ёш ижодкор Машҳура Ражабова кеча иштирокчиларига ўз шеърларидан ўқиб берди ва “Кўнглим” номли китобини китобхонларга тақдим қилди.
Тадбир давомида китобхон ёшларга китоб ва китобхонлик ҳақида ҳам маълумот берилди. Қизиқувчан китобхонлар ўзлари ёд олган шеър ва мақолларни айтишди. Китоб шундай катта қудратга эгаки, инсоннинг руҳиятини тозалайди, эшик ортидаги ҳаётни кўришга ундайди. Китоб ўз мавқейига қараб қалбни тинчлантирувчи, шуурни уйғотувчи, инсонни тарбия қилувчи , жамиятни покловчи бир омилдир.
Азиз китобхонлар! Ҳафталик давомида кутубхонамизда ранг-баранг тадбирлар давом этади. Барча китобхонларни ҳафталик доирасида бўлиб ўтадиган тадбирларда иштирок этишга чорлаб қоламиз.
Р. Романова, туман Ахборот кутубхона маркази ходими.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
