БОЛАЛАРДА ГИЖЖА КАСАЛЛИКЛАРИНИНГ ОЛДИНИ ОЛИШ БЎЙИЧА ТАДБИРЛАР ЎТКАЗИЛМОҚДА
Амударё тумани санитария эпидемиологик осойишталик ва жамоат саломатлиги бўлими томонидан тумандаги барча болалар ўқув муассаларида болалар орасида паразитар касалликларининг профилактикаси бўйича белгилаб олинган чора-тадбирлар юзасидан амалий ишлар ташкил этилди. Бўлим лаборант-паразитологлари томонидан болалар ўқув муассаларида жойига чиққан ҳолда гижжа касалликларига лаборатор текширувлари йўлга қўйилди.
Таъкидлаш жоизки, болаларда гижжалар пайдо бўлиши энг катта хавф-хатарлардан биридир. Организмда бундай паразитларнинг пайдо бўлиши боланинг ривожланишига ёмон таъсир кўрсатишидан ташқари, овқат ҳазм қилиш тизимида ҳам намоён бўлади. Шифокорларнинг ҳисоб-китобига кўра, ҳар 10 боланинг 8 нафарида паразитлар аниқланади. Лекин гижжаларнинг аломатлари ҳаммада ҳам намоён бўлавермайди. Кўпчилик болаларда гижжалар яширин шаклда пайдо бўлади. Болаларда меъда-ичак йўллари мутлақо ҳимоясиз бўлгани учун, унинг бу соҳадаги таъсирларга дучор бўлиш ва юқтириш имконияти каттароқ бўлади.
Текширувлар давомида гижжа касалликлари аниқланган болалар билан мулоқотда бўлганлардан зарур анализлари олиниб гижжа касалликларига текширилиб, гижжа касалликлари аниқланган болаларда ва мусбат натижа қайд этилганлар билан мулоқотда бўлганларда соғломлаштириш чоралари ўтказилмоқда. Бўлим шифокорлари томонидан ўқув муассаларида болалар орасида паразитар касалликларининг юқиш йўллари, касаллик аломатлари, аломатлари гижжа касалликларига гумон қилинганда шифокорга мурожаат қилиш ва касалликлардан сақланиш тартиб-қоидалари ҳамда шахсий гигиена қоидалари ҳақида тушунтириш ишлари олиб борилмоқда.
Ж.Камолов, туман СЭО ва ЖС бўлимининг Паразитология бўлинмаси мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
