Амударёликлар Ўзбекистон Республикаси Президенти сайловида фаол иштирок этишди
9 июль куни мамлакатимиз тарихидаги муҳим сиёсий жараён − муддатидан илгари Ўзбекистон Республикаси Президенти сайлови бўлиб ўтди. Президентликка номзод сифатида Тадбиркорлар ва ишбилармонлар ҳаракати – Ўзбекистон Либерал-демократик партияси ва Ўзбекистон “Миллий тикланиш” демократик партиясидан Шавкат Мирзиёев, Ўзбекистон Экологик партиясидан Абдушукур Ҳамзаев, Халқ демократик партиясидан Улуғбек Иноятов, “Адолат” социал-демократик партиясидан Робахон Махмудовалар кўрсатилган эди. Юртдошларимиз сайлов кунига қадар номзодларнинг Ўзбекистонни ҳар томонлама ривожлантириш мақсадида ишлаб чиқилган сайловолди дастури билан яқиндан танишиб, шу куни ўзлари муносиб деб билган номзодга озоз бердилар.
Овоз бериш жараёни Амударё туманидаги барча сайлов участкаларида ҳам уюшқоқлик билан бўлиб ўтди. Дўстлик маҳалласи ҳудудида жойлашган 91-сонли сайлов участкасида ҳам эрталабдан одам гавжум бўлди. Маҳалла фаоллари, кўча бошчилари ва нуронийларнинг сайлов кунигача жойларда олиб борган тарғибот ишлари натижасида аҳоли сайлов участкаларига келиб, овоз бериш жараёнида фаол иштирок этдилар.
Туман ҳокими Султонбой Йўлдашев ҳам мазкур сайлов участкасига ташриф буюриб, ўз конституциявий ҳуқуқидан фойдаланган ҳолда ўзи муносиб деб билган номзодга овоз берди.
Овоз бериш жараёни Олмазор маҳалласи ҳудудида жойлашган 95-сонли сайлов участкасида ҳам юқори кайфиятда уюшқоқлик билан бўлиб ўтди. Сайлов кунига қадар мазкур сайлов участкаси ҳам бошқа сайлов участкалари сингари замонавий ахборот-коммуникация технологиялари, зарур адабиёт ҳамда қўлланмалар билан тўлиқ таъминланиб, овоз бериш кабиналари ва қутилари сайловчилар учун тахт қилиб қўйилди. Юртдошларимиз ўзининг, фарзандларининг, яқинларининг келажагига бефарқ бўлмаган ҳолда энг муносиб номзодни танлаб, овоз беришди.
Беруний маҳалласи ҳудудида жойлашган 94-сонли сайлов участкасида ҳам овоз бериш жараёни эрталабки 8:00 дан бошланди. Ҳамюртларимизнинг кўпчилиги ўз оила аъзолари билан биргаликда сайлов участкасига келиб овоз бердилар. Ўз фуқаролик ҳуқуқидан фойдаланган ҳар бир юртдошимиз Ватанимиз тақдирига бефарқ эмасликларини, ўзи танлаган номзодга овоз бериш орқали кўрсатишди.
Президент сайловида Хитой овул фуқаролар йиғинида истиқомат қилувчи сайловчилар 120-сонли сайлов участкасига бориб овоз бердилар. Овоз бериш жараёнларида сайловчилар учун барча шароитлар яратилди. Сиёсий партиялар вакиллари бўлган кузатувчилар ҳам зарур шароитлар билан таъминланди. Оқсоқоллар, кўча бошчилари, кўча сардорлари ва уларнинг оила аъзолари айниқса ўз фаоллигини кўрсатишди. Ҳар бир кўча бошчиси ўз кўчасида истиқомат қилувчи қўшнилари билан биргаликда келиб, ўзлари муносиб деб билган номзодга овоз бердилар.
Шу куни Қиличбой овулида яшовчи ёшлар – Бунёд Худойбергенов ва Ирода Алимовалар оила қуришди. Ёш келин-куёвлар ўзлари рўйхатга олинган 106-сонли сайлов участкасига бориб, Президент сайловида иштирок этишди ва ўзлари муносиб деб билган номзодга овоз бердилар.
Маҳалла фаоллари ёш оиланинг келажакда энг бахтли оилалардан бири бўлишларини, қураётган оиласи мустаҳкам бўлишларини тилаб дуо қилдилар ва ўзларининг оқ фотиҳаларини бердилар.
Имконияти чекланган, шифохонада даволанаётган, хизмат вазифасини бажараётган ва бошқа сабабларга кўра сайловга бора олмаган фуқароларнинг ҳам конституциявий ҳуқуқи таъминланди. Уларнинг шу пайтда бўлиб турган муассасаларига сайёр қутилар олиб борилиб, овоз бериш жараёни ташкил этилди.
Республикамиздаги барча жойларда бўлгани каби Амударё туманидаги 89-сонли сайлов участкасида ҳам соат 20:00да овоз бериш жараёни якунланди.
Шундан кейин участка сайлов комиссияси аъзолари томонидан кўчма ва стационар овоз бериш қутилари очилди. Комиссия аъзолари сайлов бюллетенларини санаб, якуний натижаларни округ сайлов комиссиясига етказдилар.
Фотима Эшимбетова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
