АКЦИЯ ДОИРАСИДА БОЛАЛАР ВА ЎСМИРЛАР УЧУН ТИББИЙ КЎРИК ТАШКИЛ ЭТИЛДИ
Юртимиз бўйлаб шу йилнинг 7 июнидан 7 июлигача “Диспансер назоратида турган ҳамда ногиронлиги бўлган болалар саломатлиги ойлиги” акцияси ўтказилмоқда.
11 июнь куни Амударё туманида ҳам ТТБ га қарашли Кўп тармоқли марказий поликлиникада Ўзбекистон Республикаси Соғлиқни сақлаш вазирлиги томонидан акция доирасидаги тиббий кўрик ўтказилди. Республика ихтисослаштирилган педиатрия илмий-амалий тиббиёт маркази директори Л.Аҳмедова, Болалар миллий тиббиёт маркази директори М.Саидова бошчилигидаги тажрибали шифокорлардан иборат ишчи гуруҳ 18 ёшгача бўлган болалар ва ўсмирлар, диспансер назоратида турган ва ногиронлиги бор болаларни тиббий кўриклардан ўтказишди.
Акция доирасидаги тиббий кўрикда Амударё туман ТБ шифокорлари ҳам иштирок этишди ва тиббий ёрдамга муҳтож беморларни касаллик даражасига кўра таснифлаб, кўрсатиладиган тиббий хизмат ҳажмини туман, вилоят ва Республика миқёсида белгилашди. Тадбир давомида Тиббиёт бирлашмасининг АСТТКК ва ЖФО бўлими ходимлари томонидан тиббий кўрикка жалб қилинган болалар ва ўсмир-ёшларга, уларнинг ота-оналарига, яқинларига тўғри овқатланиш ва соғлом турмуш тарзи умуммиллий ҳаракати дастури бўйича керакли маслаҳат ва тавсиялар берилди.
Айни кунларда ҳам давом этаётган “Диспансер назоратида турган ҳамда ногиронлиги бўлган болалар саломатлиги ойлиги” акцияси доирасида мурожаатчиларга КТМПнинг 515 16 14 рақамли ишонч телефони орқали жавоблар, керакли тавсия ва тиббий маслаҳатлар берилиб борилмоқда.
Ж.Явкашев, туман ТТБ шифокори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
