Назархон овулида ёшлар билан учрашув ўтказилди
Жамиятнинг энг катта таъсирчан кучи сифатида бугун юртимиз ёшлари давлатимизда олиб борилаётган кенг ислоҳотлар жараёнида фаол иштирок этишмоқда, Ватанимиз тараққиётини таъминлаш йўлида ўз ғоя ва таклифлари билан майдонга чиқмоқда.
Шу боисдан, айтиш лозимки, ёшларнинг интилишлари ва ҳаётий мақсадлари ҳар қандай соҳа ривожида катта асос бўлиб хизмат қилиши, шубҳасиз.
4 май куни Амударё туманининг Назархан овул фуқаролар йиғини биносида бўлиб ўтган учрашувда ёшлар бандлигини таъминлаш, бўш вақтларини мазмунли ташкил этиш чора-тадбирлари ҳамда айни масалаларнинг энг муҳим жиҳатларига атрофлича тўхталиб ўтилди.
Учрашувда туман Халқ қабулхонаси бўлими мудири Эркин Ражабов, туман ҳокими ўринбосари Маҳмуд Шерметов тегишли корхона-ташкилот масъуллари ва 20 га яқин фаол ёшлар иштирок этишди.
Учрашувда туман ҳокими ўринбосари Маҳмуд Шерметов ёшлар бандлиги ва бу орқали уларнинг даромад топишларини таъминлаш борасида сўнгги йилларда амалга оширилаётган катта ижобий ўзгаришларга тўхталиб ўтди. Шунингдек, жойлардаги ёшлар муаммолари ва таклифларини ўрганишда ишни аввало, маҳалладан бошлаш ва ёшларнинг касбий қизиқишлари ва келажак режаларини аниқлашда маҳалла институтининг аҳамияти катта эканлигини таъкидлади. Бунда энг муҳим масала сифатида маҳалла ходимлари тегишли мутасадди ташкилотлар билан ҳамкорликда ёшлар масалаларига “фуқаробай” ёндашишлари лозимлигини айтиб ўтди.
Шундан сўнг, ёшларнинг мурожаатлари тингланди. Мурожаатлар асосан, бандлик, имтиёзли кредит олиш, контракт тўловининг бир қисми тўлаб берилиши ва бошқа масалаларда бўлди.
Аксарият мурожаатлар жойида ҳал этилди. Баъзилари тегишли ташкилотлар, хусусан, банк ва аҳоли бандлигига кўмаклашиш бўлимлари томонидан ижобий ҳал этилиши учун зарур чора-тадбирлар белгиланиб, топшириқлар берилди.
Шунингдек, учрашувда Амударё тумани Халқ қабулхонаси бўлими мудири Эркин Ражабов ёшлар ҳаётига оид муаммолар ечимини топиш ва бу муаммоларни тизимли равишда ҳал этиш учун кенг қамровли ишлар амалга оширилаётганлигини айтиб ўтди. Учрашувда ёшларнинг бўш вақтларини мазмунли ташкил этиш, уларнинг ижодий қобилиятларини юзага чиқариш учун зарур шароитлар яратиб бериш бўйича ҳам муҳим фикрлар билдириб ўтилди.
Албатта, ёшлар Ватанимизнинг эртанги умидлари, келажагимиз давомчиларидир. Шу маънода уларнинг орзу-интилишлари ва ҳаётий мақсадларини амалга ошириш, мустаҳкам қанот бўлиш бугунги кундаги катта ва ҳаётий мақсадга айланмоғи лозим. Туман ҳокими ўринбосарининг ёшлар билан учрашуви ҳам айни шу мақсадларга қаратилгани билан аҳамиятлидир.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
