Туман ДСИ томонидан тадбиркорларга тегишли объектларга қуёш панеллари ўрнатишга кўмаклашилмоқда
Ҳозирги вақтга келиб дунёда анъанавий энергия турига қараганда ноанъанавий энергия турига бўлган қизиқиш ошиб бормоқда. Ушбу ноанъанавий энергия турлари муқобил энергия манбалари деб ҳам юритилади. Муқобил энергия манбаларига қуёш, шамол, тўлқин энергияси, биомасса ва бошқаларни мисол қилишимиз мумкин.
Ўзбекистон шароитида шамол ва қуёш энергия манбаларидан кенг фойдаланиш имконияти мавжуд.
Қуёш энергияси қайта тикланувчи энергия ва экологик тоза махсулот ҳисобланади, яъни ишлаш вақтида атроф-мухитга зарарли моддаларни чиқармайди.
Юртимизда ушбу муқобил энергия манбаларини ривожлантириш бўйича кўплаб қарорлар тасдиқланганлигини ва кенг кўламда ишлар олиб борилаётганини кўришимиз мумкин.
Жумладан, Ўзбекистон Республикаси Президентининг “2023 йилда қайта тикланувчи энергия манбаларини ва энергия тежовчи технологияларни жорий этишни жадаллаштириш чора-тадбирлари тўғрисидаги” қарори қабул қилинган эди.
Мақсад− ижтимоий ва уй-жой коммунал хизмат кўрсатиш соҳаларида ҳамда иқтисодиёт тармоқларида қайта тикланувчи энергия манбаларини кенг жорий этиш, энергия самарадорлигини ошириш орқали республика ҳудудларида энергия тақчиллиги қопланишини таъминлашдир.
Амударё туманида ҳам бу борадаги ишлар изчиллик билан амалга оширилмоқда.
Туман ДСИ томонидан туманимизда фаолият кўрсатиб келаётган тадбиркорларга тегишли бўлган савдо шахобчаларига қайта тикланувчи энергия манбаларини ва энергия тежовчи технологияларни ўрнатиш ишлари олиб борилмоқда. Ортиқча чиқиндиларсиз ва экологияга зарар етказмаган ҳолда, шунингдек қайта тикланиш хусусиятига эга бўлган қуёш панеллари тадбиркорлар учун кўплаб қулайликлар яратмоқда.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
