Туман ҳокимлигининг Ахборот хизмати томонидан ОАВ вакиллари учун матбуот анжумани ташкил этилди
20 февраль куни туман ҳокимлигининг Ахборот хизмати томонидан оммавий ахборот воситалари вакиллари учун матбуот анжумани ўтказилди.
Анжуманда аҳолини ижтимоий қўллаб-қувватлаш мақсадида Бюджетдан ташқари пенсия жамғармаси Амударё туман бўлими томонидан 2022 йил давомида амалга оширилган ишлар сарҳисоб қилинди. Шунингдек, Пенсия жамғармаси томонидан 2022 йил давомида ишлаб чиқилган норматив-ҳуқуқий ҳужжатлар тўғрисида маълумот берилди.
Амударё телевидениеси, “Тараққиёт кўзгуси” ва “Менинг оилам” газеталари мухбирлари Бюджетдан ташқари пенсия жамғармаси Амударё туман бўлими бошлиғи Қадамбой Исмаиловга 2022 йил давомида бўлим томонидан амалга оширилган ишлар юзасидан саволлар билан мурожаат қилишди.
Қайд этиб ўтилганидек, 2022 йилнинг ўзида туман бўйича жами 2705 нафар фуқароларга пенсиялар ва ижтимоий нафақалар тайинланди. Шундан 1347 нафари ёшга доир, 265 нафари ногиронлик, 114 нафари боқувчисини йўқотганлик ва 979 нафари ижтимоий нафақалардир.
Ундан ташқари, пенсия жамғармаси тизимида 2022 йил мобайнида 924 дан ортиқ 18 ёшгача ногиронлиги бўлган болаларнинг нафақа ишлари рақамлаштирлган бўлса, ҳозирги кунда бир ярим мингга яқин боқувчисини йўқотганлик пенсия ва нафақасини олувчиларнинг ишлари 45 фоизга рақамлаштирилди.
Матбуот анжуманида журналислар “Ижтимоий ҳимоя” ягона реестри” ахборот тизимининг инсон омилисиз шаффоф тарзда ишлаши ижтимоий ҳимояга муҳтож фуқароларни аниқ ва манзилли қўллаб-қувватлашга замин яратганини таъкидладилар.
Мазкур ахборот тизими орқали ўтган йил мобайнида 21 мингдан отриқ кам таъминланган оилаларга жами 126,4 млрд. сўм болалар нафақаси ва моддий ёрдам пуллари тўлаб берилган. Ундан ташқари, 2022 йил май ойида Президентимизнинг 258-сонли қарори билан ҳар бир пенсия ва ижтимоий нафақа олувчи фуқароларга 300 минг сўмдан, 25 минг 276 нафар пенсия ва ижтимоий нафақа олувчиларга жами 7,8 млрд. сўм, шунингдек, 2022 йил 31 августдаги 213-сонли фармонига асосан “Ижтимоий ҳимоя ягона реестри” ахборот тизими орқали аниқланган 21 минг 562 та кам таъминланган оилаларга жами 13 млрд. сўмга яқин маблағлар тўлаб берилган.
Матбуот анжуманида “Фуқароларнинг давлат пенсия таъминоти тўғрисида”ги ҳамда “Фуқароларнинг давлат пенсия таъминоти тўғрисида”ги Ўзбекистон Республикаси Қонунига пенсия тайинлаш тартибини такомиллаштиришга қаратилган ўзгартиш ва қўшимчалар киритиш ҳақида”ги Ўзбекистон Республикаси қонунлари батафсил тушинтириб ўтилди. Таъкидланганидек, “I ва II гуруҳ ногиронлик пенсияси тайинланганидан кейинги ишланган вақт иш стажига қўшиб ҳисобланади.
Матбуот анжуманида журналистлар ўзларини қизиқтирган саволлар билан бўлим ходимларига мурожаат қилишиб тегишлича жавоблар олишди.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
