40-сонли мактабда Конституциямизнинг 30 йиллиги ва давлат мадҳияси қабул қилинган кунга бағишлаб тадбир ўтказилди
Конституциямизнинг 30 йиллик байрами муносабати билан муассаса, корхона ва ташкилотларда, овул ва маҳаллаларда, таълим максканларида турли тадбирлар ўтказилмоқда.
7 декабрь куни Амударё туманидаги 40-сонли мактабда ҳам Бош Қомусимиз қабул қилинганига 30 йил тўлиши муносабати билан байрам тадбири ташкил қилинди.
Мактабнинг 9-Б ва 4-в синф ўқувчилари иштирокида ўтказилган “Бахтимиз қомуси” номли тадбир давомида ўқувчилар Конституция моддалари ҳақида шеърлар айтиб, билимларини янада мустаҳкамладилар.
Бош қомусимизнинг ҳаётимиздаги ўрни ҳақида, унинг ҳар бир моддаси инсон манфаатлари йўлида хизмат қилиши ҳақида ҳаётий мисоллар келтирдилар. Ўқувчилар иштирокида намойиш қилинган саҳна кўринишида қонунларимизда давлат ва жамоат хавфсизлигига таҳдид учун жавобгарлик белгилангани, айниқса Янги йил олдидан ёшлар ва болаларнинг тақиқланган пиротехника воситаларидан фойдаланиши нохуш оқибатларга олиб келиши жонли мисоллар орқали тушунтирилди.
Тадбир давомида Ватан, тинчлик ва дўстлик ҳақида қўшиқлар куйланиб, рақслар ижро қилинди.
10 декабрь – Ўзбекистон Республикасининг давлат мадҳияси қабул қилинган кун. Тадбирда мазкур сана ҳам алоҳида эсга олинди. Ўқувчиларга мадҳиямиз, унинг мазмуни ва қабул қилиниш тарихи, мадҳиянинг давлат рамзи сифатидаги аҳамияти ҳақида тушунчалар бериб ўтилди.
Конституциямиз ва тегишли қонунларда мадҳиямиз давлат суверенитетининг рамзи, унга катта эҳтиром билан қараш ҳар бир юртдошимизнинг ватанпарварлик бурчидир деб белгилаб қўйилган. Ўзбекистон фуқаролари, шунингдек, мамлакатимизда яшаб турган бошқа шахслар ҳам мадҳиямизни ҳурмат қилиши шартлиги алоҳида таъкидланган.
Ўқувчиларга мадҳиямизда халқимизнинг эзгу орзу-умидлари, келажакка мустаҳкам ишончи теран ифодалангани, унда мардона ва шарафларга бой ўтмишимиз, миллий анъана ва қадриятларимиз, тинчлик, осойишталик, миллатлараро тотувлик ва биродарлик каби умуминсоний туйғулар тараннум этилгани алоҳида таъкидланди.
Ўзбекистон Республикаси мадҳияси ёшларда Ватанга муҳаббат, бой тарихимизга, миллий ўзлигимизга чуқур ҳурматни шакллантиришда, фарзандларимизнинг ҳар томонлама баркамол ва етук инсонлар бўлиб вояга етишида муҳим тарбиявий восита бўлиб хизмат қилмоқда.
Тадбир доирасида мактабнинг 5-, 6- ва 7-синф ўқувчилари ўртасида деворий газеталар танлови бўлиб ўтди. Мактабнинг тарих фани ўқитувчиси Насибали Узақбоева нутқ сўзлаб, ўқувчиларни мамлакатимиз тарихидаги ушбу иккита унутилмас сана билан табриклади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
