САИДА "ҚОРАҚАЛПОҒИСТОН РЕСПУБЛИКАСИДА ХИЗМАТ КЎРСАТГАН ХАЛҚ ТАЪЛИМИ ХОДИМИ" БЎЛДИ
Таълим соҳасида фаолият юритиб келаётган тажрибали ўқитувчининг ҳам, эндигина иш бошлаган педагогнинг ҳам мақсади битта - мамлакатимиз эртаси бўлган ёш авлодга сифатли таълим-тарбия беришдир. Бу жараённи самарали ташкил этиб келаётган фидойи ўқитувчилардан бири – Саида Муродбоевадир.
У туман ХТБга қарашли 39-сонли мактабда таълимни самарали ташкил этиб, яратилаётган имкониятлардан оқилона фойдаланган ҳолда, биология фанидан ўқувчиларга пухта билим бериб келмоқда. У ҳар бир дарсга пухта тайёргарлик кўриб, дарс жараёнида замонавий технологиялардан фойдаланади. Ўқувчиларининг билимидаги бўшлиқларни тўлдириш мақсадида биология фанига қизиқувчи ўқувчиларга бу фаннинг сир-асрорларини чуқур ўргатиб келмоқда. Натижада Саида Муродбоева таҳсилини олаётган ўқувчилар фанлар олимпиадасида кетма-кет Республика босқичига чиқиб, энг юқори ўринларни эгаллаб келмоқда.
Саиданинг таълим-тарбия соҳасидаги самарали меҳнатлари, жонкуярлиги давлатимиз томонидан юксак баҳоланиб келинмоқда.
Жумладан, 2016 йил 30 сентябрда “Ўзбекистон Халқ таълими аълочиси” кўкрак нишони, 2020 йил 4 февралда “Ўзбекистон Халқ таълими фидойиси” кўкрак нишони, 2021 йилда “Мустақилликнинг 30 йиллиги” кўкрак нишони, 2022 йил 30 сентябрь куни “Қорақалпоғистон Республикасида хизмат кўрсатган халқ таълими ходими” фахрий унвони билан мукофотланди.
Зеро, “Интилганга толъе ёр”, деб бежиз айтишмаган.
Райҳон Матжонова,
39-сонли мактабнинг ижодий-маданий масалалар бўйича тарғиботчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
