Умумтаълим мактабни олтин ҳамда кумуш медаллар билан тугатган ўқувчиларни тақдирлаш маросими бўлиб ўтди
Бугунги кунда мамлакатимизнинг барча жойларида бўлгани сингари Амударё туманидаги умумий ўрта таълим мактабларида ҳам битирувчи синф ўқувчилари якуний имтиҳонларни тамомлаб, катта ҳаётга йўлланма олмоқдалар. Мустақил ҳаётга қадам қўяётган 2 минг 582 нафар амударёлик ёшлар меҳрибон устозлари, қадрдон мактаби билан хайрлашиб, олий таълим даргоҳларига ҳужжат топширишмоқда.
18 июнь куни туман ҳокимлиги биносида 2021-2022 ўқув йилида умумий ўрта таълим мактабларини олтин ва кумуш медаллар билан тамомлаган, ҳамда фанлар олимпиадаси ва турли танловларда мувафаққиятга эришган ўқувчиларни тақдирлаш маросими бўлиб ўтди.
Унда туман ҳокими Султонбой Йўлдашев, секторлар раҳбарлари, туман ҳокими ўринбосари Маҳмуд Шерметов, туман Халқ таълими бўлими масъуллари, мактаб директорлари ҳамда ота-оналар иштирок этишди.
Маълумот учун, жорий ўқув йилида Амударё тумани бўйича 15 нафар ўқувчи мактабни олтин ва 2 нафар ўқувчи кумуш медаль билан битирдилар. Бундан ташқари, 5 нафар ўқувчи инглиз тили бўйича халқаро В2 ва С1 сертификатини қўлга киритди. Улар эндиликда олий таълим муассасаларига кириш тест синовларида инглиз тили бўйича максимал баллга эга бўладилар ва чет тили фанидан тест синовидан озод этилади.
Қолаверса, 7 нафар ўқувчи асосий фанлар олимпиадасининг Қорақалпоғистон Республикаси босқичида муваффақиятли қатнашиб, ғолиб ва совриндолар сафидан жой олишди. Шундан 4 нафар ўқувчи олимпиаданинг Ўзбекистон Республикаси босқичида муносиб иштирок этиб, 2 нафари − Ирода Эшбоева ҳамда Лобар Йўлдашевалар Тошкент амалий фанлар университетига имтиҳонларсиз кириш бўйича сертификатни қўлга киритдилар.
Тадбир давомида туман ҳокими Султонбой Йўлдашев барча битирувчиларни етуклик шаҳодатномасини олганликлари, вояга етиб, мустақил ҳаёт сари қадам ташлаш арафасида тургани билан табриклаб, битирувчиларнинг Олий таълим муассасаларига ўқишга киришига ёки бошқада соҳаларда етук мутахассислар бўлиб, келгусида юртимиздаги замонавий кластерлар, фермер хўжаликлари, ишлаб чиқариш корхоналари, давлат ёки хусусий секторларда иш бошлаб, Ватанимиз равнақи, халқимиз фаровонлигини оширишга муносиб ҳисса қўшишларига тилакдошлик билдирди.
Шунингдек, туман ҳокими билимдон ўқувчиларнинг мактаб директорларига, уларга таълим ва тарбия берган фидоий ўқитувчилар ҳамда ота-оналарга миннатдорчилик билдириб, баркамол авлодни тарбиялаб, вояга етказишларида куч-ғайрат тилади.
Шундан сўнг, ўқувчиларга олтин ҳамда кумуш медаллар, замонавий русумдаги планшет ҳамда телефонлар, бадиий китоблар жамланмаси тантанали тарзда топширилди.
Ўйлаймизки, ёшларимиз Президентимиз ишонч билдирганларидек, мамлакатимизда яратилган имкониятлар асосида етук мутахассислар бўлиб, Ватан равнақи учун муносиб ҳисса қўшадилар.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
