ЁШЛАР ЎРТАСИДА МИНИ ФУТБОЛ БЎЙИЧА ДХХ БОШЛИҒИ КУБОГИ МУСОБАҚАЛАРИНИНГ ТУМАН БОСҚИЧИ ҒОЛИБЛАРИ АНИҚЛАНДИ
Маълумки, апрел ойида Ўзбекистон Республикаси Давлат хавфсизлик хизмати кубоги учун спортнинг мини футбол ва футбол турлари бўйича мусобақаларга старт берилган эди.
Мазкур мусобақалар Амударё туманида ҳам юксак савияда ташкил этилди. Жумладан, 5 апрель куни Чордара маҳалласи ҳудудида жойлашган сунъий қопламали мини футбол майдонида Давлат хавфсизлик хизмати бошлиғи кубоги учун мусобақаларнинг очилиш маросими ўтказилди. Очилиш маросимида Амударё тумани ҳокими Султонбой Йўлдашев иштирок этди ва мусобақада қатнашувчи жамоаларга омад тилади. Шунингдек, мусобақанинг очилиш маросимида Давлат хавфсизлик хизмати туман бўлими раҳбари, секторлар раҳбарлари, ҳоким ўринбосарлари, Спортни ривожлантириш бўлими, Ёшлар ишлари агентлиги Амударё тумани бўлими, Болалар-ўсмирлар спорт мактаби ва Амударё туман Маданият бўлими масъуллари қатнашди.
Мусобақалар 7 апрель санасида Янгиобод ва Олмазор маҳаллалари ҳудудидаги сунъий қопламали мини футбол майдонларида давом этирилди. Унда туманимиздаги 1-секторга қарашли маҳаллалар мини футбол жамоалари ўзаро беллашдилар. Мусобақада жами 120 нафар спортчи ёшлар қамраб олиниб, мусобақа якунида Назархон овулининг ёш мини футбол жамоаси 1-ўринни қўлга киритди ва кейинги босқичга йўлланма олди.
Шу куни Янгиобод маҳалласи ҳудудида жойлашган математика фанига ихсослашган махсус мактабнинг сунъий қопламали мини футбол майдонида 2-секторга қарашли маҳаллалар спортчилари жамоалари ўртасидаги мини футбол мусобақалар ҳам қизғин баҳсларга бой бўлди. Мазкур мусобақада сектор ҳудудида яшовчи 170 нафар ёшлар қамраб олинди. Мусобақа якунида Фаровон маҳалласи жамоси 1-ўринни эгаллади ва кейинги босқичга йўлланмани қўлга киритди.
Давлат Хавфсизлик хизмати бошлиғи кубоги мусобақалари 8 апрель куни Дўстлик маҳалласи ҳудудидаги мини футбол майдонида дўстона ва самимий руҳда давом этди. Унда 3-секторга қарашли маҳалла жамоалари ўзаро куч синашдилар. Мусобақада сектор ҳудудида яшовчи 120 нафар ёшлар қамраб олиниб, якунида Куюк кўпир овули спортчилари жамоаси кейинги босқичга йўлланмани қўлга киритишди.
Мусобақалар 8 апрель куни Янгиобод маҳалласи ҳудудида жойлашган математика фанига ихсослашган мактабнинг сунъий қопламали мини футбол майдонида давом эттирилиб, унда 4-секторга қарашли маҳаллалар мини футбол жамоалари ўз маҳоратларини намойиш этишди ва мусобақада жами 80 нафар ёшлар қамраб олинди. Қизғин баҳсларга бой ўтган мусобақа якунида Бўстон маҳалласи жамоаси 1-ўринни эгаллади ва мусобақанинг кейинги босқичига йўлланмани қўлга киритди.
Мусобақларнинг туман финал учрашувлари 27 апрель куни ўтказилди. Қизғин ва муросасиз кечган мусобақалар якунларига кўра 1-ўринни Бўстон маҳалласи, 2-ўринни Куюк кўпир овули, 3-ўринни Фаровон маҳалласи жамоалари эгаллашди.
Бўлиб ўтган мусобақалар якунида Амударё туман ҳокими ўринбосари Маҳмуд Шерметов, спортни ривожлантириш бўлими бошлиғи Ғуломжон Қурбонбоев, Ёшлар ишлари Агентлиги Амударё туман бўлими бошлиғи Сардор Исмоилов ва бошқа масъул ташкилотлар раҳбарлари иштирок этиб, спорт турларининг оммавийлигини ошириш ва ёшлар ўртасида соғлом турмуш тарзини тарғиб қилиш борасида белгиланган вазифаларга тўхталиб ўтдилар.
Мусобақалар якунида ғолиб жамоалар ташкилотчилар томонидан диплом ва қимматбаҳо эсдалик совғалари билан рағбатлантирилди.
Рисолат ИБРАГИМОВА, amunews.uz жамоатчи мухбири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
