ТАЪЛИМ МУАССАСАЛАРИ ПСИХОЛОГЛАРИ УЧУН СЕМИНАР-ТРЕНИНГ ТАШКИЛ ЭТИЛДИ
Таълим муассасаларида фаолият кўрсатаётган психологларнинг зўравонлик жабрланувчиси билан ишлаш ҳамда хотин-қизлар ўртасида ўз жонига қасд қилиш ҳолатларининг олдини олиш борасидаги тажрибаларини ошириш мақсадида семинар-тренинг ташкил қилинди.
Амударё туманидаги 82-сонли мактабда бўлиб ўтган семинар-тренингда Қорақалпоғистон Республикаси Аёлларни реабилитация қилиш ва мослаштириш маркази психологи Роза Аманова, Қорақалпоғистон Республикаси Туманлараро Аёлларни реабилитация қилиш маркази ва мослаштириш марказ директори Гавҳар Чимбайчиева, туман ҳокими ўринбосари, Оила ва хотин-қизлар бўлими бошлиғи Гўзал Собирова, туман Халқ таълими бўлими методист психологи Татъяна Пирлепесова ва мактаб психологлари иштирок этишди.
Йиғилишни туман ҳокими ўринбосари, Оила ва хотин-қизлар бўлими бошлиғи Гўзал Собурова очди ва олиб борди.
Семинар-тренинг давомида Президент Шавкат Мирзиёевнинг шу йил 1 мартдаги “Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида”ги Фармони ва “Оила ва хотин-қизлар давлат қўмитаси фаолиятини ташкил этиш тўғрисида”ги, 2021 йил 19 майдаги “Зўрлик ишлатишдан жабр кўрган хотин-қизларни реаблитация қилишга оид қўшимча чора-тадбирлар тўғрисида”ги Қарорлари мазмун-моҳияти хусусида кенг тушунчалар берилди. Ундан ташқари, хотин-қизларга нисбатан зўравонлик ҳолатлари, унинг оқибатларини юмшатиш ва кўриладиган чоралар, амалиёт, муаммолар ва кейинги режалар ҳақида ҳам сўз борди.
Қорақалпоғистон Республикаси Аёлларни реабилитация қилиш ва мослаштириш маркази психологи Роза Аманова эса зўравонликнинг турлари, жамиятимизда зўравонликка учраётган аёлларга ёрдам бериш тартиби ҳақида психологларга батафсил тушунчалар бериб ўтди.
Зўравонликка учраган хотин-қизларни ҳимоя қилиш, уларни соғлом ҳаётга қайтариш, зарур бўлса иш топишга ёрдам бериш, тиббий томондан кўмаклашиш учун юртимизнинг барча ҳудудида Аёлларни реабилитация қилиш ва мослаштириш маркази фаолият юритаётганлигини айтиб, зўравонликка дуч келган аёллар билан шу марказда жипслашиш кераклигини айтди. Барча психологлар аёлларга психологик ёздам беришлари зарурлигини ҳам тушунтирди.
Тренинг давомида иштирокчилар зўравонликнинг жисмоний, психологик, жинсий, иқтисодий турлари бўйича 4 гуруҳга бўлинишди ва топшириққа кўра, гуруҳдаги ҳар бир иштирокчи томонидан зўравонликнинг битта тури бўйича маълумот ёзилди. Маълумотлар ёзиб бўлингач, ҳар бир гуруҳдан бир иштирокчи чиқиб, ёзилган зўравонлик тури бўйича маълумотларни ўқиб эшиттирди. Малакали психолог томонидан фикрлар умумлаштирилиб, уларга психологик консультациялар берилди.
Семинар-тренингда аввало ҳар бир психолог муаммоли оилаларни ўрганиши, тазйиқ ва зўравонликка мойиллиги бўлган шахсларни аниқлаши ва уларни реабилитация маркази психологи ёрдамида суҳбатлар ўтказиши, оиласида, бошқа жойда зўравонликка учраган ёки ўз жонига қасд қилишга мойиллиги бўлган хотин-қизларга яқиндан ёрдам кўрсатиши, зўравонлик масалалари бўйича аҳолининг хабардорлигини ошириш лозимлигини таъкидланди.
Тренинг давомида иштирокчилар ўзларини қизиқтирган, тушунмаган саволларига мутахассисслардан жавоб олдилар. Шунингдек, хотин-қизлар ва ёшлар ўртасида ўз жонига қасд қилиш, уларнинг тазйиқ ва зўравонликка учрашининг олдини олиш, бундай ҳолатларни барвақт аниқлаш мақсадида “Зўравонликсиз оила – соғлом оила”, ”Биз зўравонликка қаршимиз” мавзуларида ҳуқуқий маданиятини юксалтиришга қаратилган тарғибот тадбирларини кенг миқёсда, мунтазам равишда ўтказиб бориш бўйича топшириқлар берилди.
Мавлуда Тўраева, 27-сонли мактаб психологи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
