Халқ депутатлари Амударё туман Кенгашининг 48-сессияси тўғрисида ахборот
2022 йил 13 апрель куни Халқ депутатлари Амударё туман Кенгашининг 48-сессияси бўлиб ўтди.
Сессия ишида туман Кенгаши депутатлари, секторлар раҳбарлари, ҳоким ўринбосарлари, ҳокимлик масъул ходимлари, ҳуқуқ-тартибот органлари, бўлимлар, жамоат ташкилотлари раҳбарлари ҳамда оммавий ахборот воситалари вакиллари иштирок этди.
Сессия ишини туман ҳокими, Халқ депутатлари туман Кенгаши раиси Султонбой Йўлдашев очди ва олиб борди.
Сессия котиблигига 30-“Назархан” сайлов округидан депутат Гулжаҳон Ибрагимова сайланди.
Сессияда дастлаб Амударё туманини комплекс ижтимоий-иқтисодий ривожлантириш бўйича секторлар ҳудудларида 2022 йилда амалга ошириладиган ишлар бўйича “Йўл хариталари”нинг 1-чоракдаги ижроси тўғрисида секторлар раҳбарларининг ҳисоботлари тингланди.
Туман ҳокими, 1-сектор раҳбари Султонбой Йўлдашев кун тартибидаги масала юзасидан ахборот бериб, 49 минг 907 фуқаро истиқомат қилувчи 1-сектор ҳудудида жорий йилда 270,5 млрд. сўмлик 25 та инвестиция лойиҳалар амалга оширилиши ва 2 160 та янги иш ўринлари яратилиши режалаштирилганини таъкидлади. Бугунги кун ҳолатига 2,6 млрд. сўмлик 3 та инвестиция лойиҳалар амалга оширилди. Бунинг натижасида 25 та янги иш ўринлари яратилди. Бу борадаги ишлар изчиллик билан давом эттирилмоқда.
Туман прокурори, 2-сектор раҳбари Азиз Рўзметовнинг ҳисоботида келтирилишича, жорий йилнинг биринчи чорагида сектор ҳудудидаги аҳоли турмуш даражасини янада яхшилаш бўйича қатор ишлар амалга оширилган. Жумладан, сектор ҳудудида вақтинча ишсиз бўлган аёллар ва ёшларнинг 134 нафари доимий ишга жойлаштирилган. Тадбиркорлик фаолиятини бошлаш истагида бўлган 7 нафар ишсиз фуқарога давлат рўйхатидан ўтиш учун субсидиялар ажратилиб, ишлаш истагини билдирган вақтинча ишсиз 59 нафар фуқаролар жамоат ишларига жалб қилинган. 13 нафар ишсиз фуқаролар эса меҳнат бозорида талаб юқори бўлган касбга ўқитиш, хориждан қайтган 92 нафар меҳнат мигрантларининг бандилиги таъминлаш чоралари кўрилган.
Ушбу масала юзасидан 3-сектор раҳбари, туман Ички ишлар бўлими бошлиғи Улуғбек Худойбергановнинг хисоботида таъкидланганидек, сектор ҳудудида ҳоким ёрдамчилари ва ёшлар етакчилари билан ҳамкорликда иш олиб борилиб, “Темир дафтар”, “Ёшлар дафтари” ва “Аёллар дафтари”га киритилган фуқароларга ҳар тамонлама ёрдамлар кўрсатилган. Шунингдек, ижтимоий ҳимояга муҳтож 30 нафар фуқаро реаблитация техник воситалари ва ногиронлик аравачалари билан таъминланган.
4-сектор раҳбари, туман Давлат солиқ инспекцияси бошлиғи Айдос Сейитовнинг кун тартибидаги масала бзасидан ҳисоботида жорий йилнинг дастлабки уч ойи давомида сектор ҳудудидаги Намуна ва Чордара маҳаллаларига янги трансформаторлар ўрнатилгани, Беруний ва Бўстон маҳаллалари ҳудудларида янги мактабгача таълим ташкилотлари барпо этилгани ва аҳоли учун бошқа кўплаб қулайликлар яратилгани қайд этилди.
Сессия ишида секторлар ва ҳудуддаги ташкилотлар раҳбарларининг аҳоли мурожаатлари ва муаммолари билан ишлаш ҳолати юзасидан туман Халқ қабулхонаси бўлими мудири Эркин Ражаповнинг ахбороти тингланди.
Ахборотда маҳаллалардаги ҳоким ёрдамчилари фаолияти ҳамда “Обод қишлоқ” ва “Обод маҳалла” дастурлари доирасида амалга оширилаётган ишлар, шунингдек, аҳолининг ҳал қилинган ва эътибордан четда қолдирилган мурожаатлари ҳақида батафсил маълумотлар берилди.
Шундан сўнг, туман Адлия бўлимининг 2022 йил 1-чораги якуни бўйича иш фаолияти юзасидан бўлим бошлиғи Мўъминжон Матюсуповнинг ахбороти тингланди. Қайд этилганидек бўлимга 2022 йилнинг 1-чораги давомида жами 62 та ариза ва шикоят келиб тушган бўлиб, ушбу мурожаатларнинг 21 таси ариза, 41 таси шикоят шаклида бўлган. Қонунбузилиш ҳолатларини ўрганиш натижасида идора ва ташкилотларга жами 20 та тақдимномалар киритилиб, 10 нафар шахс интизомий жавобгарликка тортилган.
Сессияда 2022 йилнинг дастлабки уч ойи давомида туманда содир этилган жиноятчилик ва ҳуқуқбузарликларнинг олдини олиш бўйича амалга оширилган ишлар юзасидан туман Ички ишлар бўлими бошлиғи ўринбосари – жамоат хавфсизлиги хизмати бошлиғи Мухтор Рахматуллаевнинг ҳисоботи тингланди.
Унга кўра, криминоген вазият бўйича “Қизил”, “Сариқ” ва “Яшил” тоифадаги маҳаллаларда профилактик ишлар амалга оширилиб, ҳуқуқбузарлик ҳолатлари ўтган йилгига қараганда сезиларли даражада камайишига эришилган. Ҳисоботда бу борада келгусида амалга ошириладиган ишлар хусусида ҳам батафсил маълумотлар берилди.
Сессия кун тартибида аёл-қизларниг ишбилармонлик ва тадбиркорлик фаолиятини қўллаб-қувватлаш, “Аёллар дафтари”, “Ёшлар дафтари” ва “Темир дафтар”га киритилган фуқароларни қўллаб-қувватлаш бўйича амалга оширилган ишлар бўйича туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Рашид Салаевнинг ҳисоботи тингланди.
Кун тартибидаги навбатдаги масала юзасидан Амударё тумани Халқ таълими бўлими мудири Акмал Исмаиловнинг ҳисоботи тингланди. Ахборотда Ўзбекистон Республикаси Президентининг 2022 йил 5 апрелдаги “Халқ таълими соҳасида амалга оширилаётган ислоҳотлар натижадорлиги ҳамда “Миллий дастур” лойиҳаси тақдимотига бағишланган видеоселектор йиғилишида беглилаб берилган вазифа ва топшириқлар ижросини таъминлаш бўйича келгусида амалга ошириладиган ишлар ҳақида батафсил маълумотлар берилди. Тумандаги барча мактаблар ҳамда Халқ таълими бўлимининг бу борадаги режаларини ўз ичига олган “Йўл харитаси” депутатлар томонидан тасдиқланди.
Сессия кун тартибидаги Амударё тумани Халқ таълими бўлимига қарашли мактабларда бўшаб қолган директорлик лавозимларига ўтказилган танлов якунлари бўйича номзодларга келишим тўғрисидаги масала ҳам кўриб чиқилди.
4-сонли умумий ўрта таълим мактаби директори лавозимига
Шерзод Бобожонов, 15-сонли мактаб директори лавозимига Жасорат Aртиқов, 61-сонли мактаб директори лавозимига Ҳакимжан Давлетяров, 77-сонли мактаб директории лавозимига Шавкат Тўраевлар номзод сифатида кўрсатилган.
Номзодларнинг келгуси 3 йилга мўлжалланган дастурлари тингланиб, очиқ овоз бериш жараёни орқали Халқ депутатлари Амударё туман Кенгашининг номзодларга келишим бериш тўғрисидаги қарори қабул қилинди.
Шунингдек, сессия ишида Кенгаш ваколатига кирувчи бошқа масалалар ҳам муҳока қилиниб, улар юзасидан ҳам тегишли қарорлар қабул қилинди. Шунинг билан сессия ўз ишини якунлади.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
