ЯНГИ ЎҚУВ МАРКАЗИ ИШ БОШЛАДИ
Мамлакатимизда кейинги йилларда таълим тизимига эътибор тобора кучайтирилмоқда. Маънан етук, илғор давлатлар вакиллари билан бемалол рақобатлаша оладиган ёшларни камолга етказишга ғамхўрликлар кучайтирилмоқда. Давлат таълим муассасалари қатори бу улуғвор вазифалар ижросига йўналтирилган нодавлат таълим ташкилотлари сони ҳам кун сайин кўпайиб бормоқда.
“Нодавлат таълим ташкилотларини давлат томонидан қўллаб-қувватлаш ва таълим жараёнида ёшлар учун қўшимча шарт-шароитлар яратиш чора-тадбирлари тўғрисида”ги Президент Қарорига кўра нодавлат таълим муассасалари давлат томонидан қўллаб-қувватланаётгани, улар учун зарур шарт-шароитлар яратишга эътибор берилаётгани ўзининг ижобий самараларини бераётир. Натижада чет тилларни, бошқада фанларни чуқур ўргатишга, абитуриентларни олий таълим муассасаларига ўқишга киришлари учун тайёрлайдиган нодавлат таълим ташкилотлари кун сайин кўпаймоқда.
Яқинда Амударё туманининг Манғит шаҳри Бойовул маҳалласида яна бир ана шундай нодавлат таълим ташкилоти ўз фаолиятини бошлади. Юқори даражадаги ўқув стандартларига мўлжалланган ўқув маркази тадбиркор Ҳушнуддин Файзуллаев томонидан ташкил этилди.
Марказнинг инглиз тилидан максимал тайёргарлик курсларида ҳар бир гуруҳ сиғими 5 нафардан 10 нафаргача қилиб белгиланган бўлиб, ҳар бир ўқувчига икки нафардан ўқитувчи таълим беради. Битта дарс давомийлиги 2 соатни ташкил қилади ва ўқувчиларнинг инглиз тилида ёзиш, ўқий олиш, гапириш ва эшитиш кўникмалари шакллантирилади.
Ўқув марказида замонавий дарсликлар, электрон доска мавжуд. Ўқув марказида инглиз тилини ўрганиш истагидаги ҳар бир ўқувчига учтадан шу мақсадга қаратилган китоб бепул тақдим этилади ва ўқув машғулотларидан кейин ҳамда якшанба кунлари ўқувчилар билан суҳбатлар ўтказиш, инглизча фильмлар намойиш қилиш, ҳар хил кўнгилочар бахс-мунозарали тадбирлар ўтказиш ҳам режалаштирилган.
Ўқув марказига инглиз тилини мукаммал ўрганиш истагида ташриф буюрувчилардан малакали ўқитувчилар томонидан инглиз тилини билиш даражасини аниқлаш мақсадида тест олинади. Дарснинг биринчи куни албатта, бепул.
Шуниси эътиборлики, инглиз тилини билиш ёшлар учунгина эмас, барча аҳоли учун ҳам жуда муҳим. Шу боисдан ҳам фарзандини инглиз тилини чуқур ўргатадиган ўқув марказларига олиб борувчи ота-оналар сони кундан кунга кўпаймоқда. Боиси инглиз тили – халқаро тил эканлиги, инглиз тилини билган киши дунёнинг барча ҳудудларида яшовчи фуқаролар билан озми-кўпми мулоқотга кириша олади. Давлатлар ўртасида халқаро алоқаларнинг кенгайиши, ўзаро ҳамкорликда илмий техник кашфиётларнинг амалга оширилиши инглиз тилини юртдошларимиз учун ҳам доимий эҳтиёжга айлантирмоқда.
Манғит шаҳрида янгидан ташкил этилган “ICEBERG” ўқув маркази инглиз тилини ўқитишга ихтисослашган ўқув маркази ҳам ёшларга ушбу тилни ўрганишга чорлайди.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
