“ТАШАББУСЛИ БЮДЖЕТ” ЖАРАЁНИДА ИШТИРОК ЭТИНГ ВА ТАКЛИФЛАРИНГИЗНИ БИЛДИРИНГ
Президентимизнинг 2021 йил 13 апрелдаги “Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги қарорига ва Ўзбекистон Республикаси Олий Мажлиси Сенатининг 2021 йил 22 апрелдаги КҚ-213-IV-сонли қарори билан тасдиқланган “Туман (шаҳар) бюджетлари маблағларини жамоатчилик фикри асосида шакллантирилган тадбирларга йўналтириш тартиби тўғрисида”ги Намунавий низомга асосан, жорий йилнинг февраль ойида “Ташаббусли бюджет” жараёнининг биринчи босқичи ўтказилиши режалаштирилган.
2022 йилдан бошлаб мамлакатимизнинг барча туман (шаҳар)ларида тегишли бюджетларнинг тасдиқланган умумий харажатларининг 5 фоизи жамоатчилик фикри асосида шакллантирилган тадбирларни молиялаштиришга йўналтирилади. Шунга мувофиқ Амударё туманида 2022 йил учун тасдиқланган вақтинчалик харажатлар сметасида фуқаролар бюджети жорий йилдаги биринчи босқичи учун кўзда тутилган маблағлар, 2021 йил якунлари бўйича шаклланган эркин қолдиқ маблағларининг камида 30 фоиз қисми, 2021 йил III чорак якунлари бўйича маҳаллий бюджет даромадлар режасининг ортиқча бажарилган қисми маблағларининг 30 фоиз қисми, 2021 йилда ўтказилган ташаббусли бюджет жараёни якунларига кўра ишларни амалга ошириш учун ҳисоб рақамларга ажратилган маблағларнинг иқтисод қилинган қисми ҳисобидан жами 5 млрд. 476 млн. 905 минг сўм маблағлар жорий йилдаги ташаббусли бюджет жараёнининг биринчи босқичи учун шакллантирилди.
Ушбу маблағлар туманимиз фуқароларини қийнаб келаётган жамоавий муаммоларни ҳал этишга қаратилади. Яъни хиёбонлар, болалар майдончаси барпо этиш, ички йўлларни ва ижтимоий соҳа объектларини таъмирлаш, экологияни яхшилаш, ичимлик ва оқар сув билан таъминлаш, кўча чироқларини ўрнатиш бўйича сизлар “Ташаббусли бюджет” жараёнида иштирок этиб, ўз таклифларингизни билдиришларингиз мумкин.
Ўз ҳудудларингизнинг ижтимоий ва иқтисодий ривожланиши учун 2022 йил 1 февралдан 23 февралгача таклиф киритишингиз, 2022 йил 5 мартдан 25 мартга қадар ушбу таклифларга овоз беришингиз мумкин.
Давлат бюджетининг шаклланиши ва ҳудудларнинг ижтимоий-иқтисодий ривожланиш лойиҳаларини ишлаб чиқиш жараёнига аҳолини фаол жалб этиш ва жойлардаги долзарб муаммоларни ҳал этишда жамоатчилик иштирокини кенгайтириш мақсадида Молия вазирлиги томонидан ишга туширилган “openbudget.uz” ахборот портали ишга туширилган.
Имкониятдан фойдаланиб ҳудудингиз обод, йўлларингиз равон бўлишини истасангиз марҳамат – таклиф йўлланг, таклифингизни маҳалладошларингиз ҳам қўллаб-қувватласа, орзуларингиз рўёбга чиқади.
Бу бўйича саволларингиз бўлса, 97 787 06 07, 61 515 31 90 телефон рақамларига қўнғироқ қилинг.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
