МАТБУОТ АНЖУМАНИ ЎТКАЗИЛДИ
27 январь куни Амударё тумани ҳокимлигининг мажлислар залида “Янги ҳудудда янги имкониятлар. Аҳолининг иқтисодий-ижтимоий фаровонлигини таъминлашга йўналтирилаётган истиқболли лойиҳалар” мавзусида матбуот анжумани ўтказилди.
Анжуманда, туман ҳокимининг ўринбосари – инвестиция ва ташқи савдо бўлими бошлиғи Рашид Салаев, туман ҳокимлиги бош мутахассиси Рашид Абдуллаев, молия-иқтисодиёт ва камбағалликни қисқартириш бўлими бош мутахассиси Акбар Гулмурзаев, сиёсий партияларнинг туман Кенгашлари раҳбарлари, ҳокимлик масъул ходимлари ҳамда оммавий ахборот воситалари вакиллари иштирок этишди.
Анжуманда дастлаб Рашид Салаев Амударё туманида инвестиция масалалари бўйича амалга оширилаётган ишлар тўғрисида маълумот берди.
Қайд этилишича, 2022-2023 йилларда инвестиция лойиҳаларини амалга ошириш дастури бўйича 79 та, умумий қиймати 458 млрд. сўмлик лойиҳалар амалга оширилиши белгиланган. Шундан 2022 йилда қиймати 302 млрд. сўмлик 63 та лойиҳалар амалга оширилиши режалаштирилган бўлиб, 2 минг 515 та янги иш ўринлари яратилиши кўзланмоқда.
Шундан сўнг кун тартибидаги масала юзасидан туман молия-иқтисодиёт ва камбағалликни қисқартириш бўлими бош мутахассиси Акбар Гулмурзаевнинг ҳисоботи тингланди.
Акбар Гулмурзаев туманнинг асосий ўсиш нуқтасига айланган хизмат кўрсатиш соҳасида 2022 йил учун белгилаб олинган параметрлар ҳақида кенг турда маълумотлар берди.
Маълумотларга кўра хизмат кўрсатиш йўналишида умумий қиймати салкам 54 млрд.сўм бўлган 49 та хизмат кўрсатиш лойиҳаларининг манзилли рўйхати шакллантирилди ҳамда бундан ташқари қиймати 120 млрд. сўмлик 540 та лойиҳалар ишлаб чиқилмоқда. Ушбу лойиҳаларни амалга ошириш ҳисобига йил якунига қадар 2 минг 68 нафар ишсиз фуқароларнинг хизмат кўрсатиш йўналишида бандлигини таъминлаш кўзда тутилган.
Шунингдек, маҳаллаларда иш бошлаган ҳоким ёрдамчиларининг ўз вазифаларини амалга оширишда фойдаланадиган молиявий инструментлар ҳақида ҳам тушунчалар берилди. Анжуманда ҳоким ёрдамчилари маҳалласига ажратилаётган ресурслардан самарали фойдаланиш юзасидан доимий мониторингни амалга ошириши айтиб ўтилди. Ажратилаётган маблаблағлар маҳалла инфратузилмасини яхшилашга, тадбиркорликни ривожлантиришга, аҳоли бандлигини таъминлашга йўналтирилиши таъкидланди.
Анжуман якунида журналистлар ўзларини қизиқтирган саволлар билан туман ҳокимлиги мутасаддиларига мурожаат қилиб, тегишлича жавоблар олдилар.
Амалдаги қонунчиликка кўра давлат ҳокимияти ва бошқаруви органларининг расмий нашрлари, раҳбарларнинг, шунингдек ушбу органлар томонидан ваколат берилган мансабдор шахсларнинг чиқишлари ва баёнотлари, ахборот хизматларининг хабарлари, расмий веб-сайтларининг материаллари ва оммавий ахборот воситаларининг материаллари давлат ҳокимияти ва бошқаруви органларининг фаолияти тўғрисидаги ахборот манбалари саналади. Фуқаролар давлат ҳокимияти ва бошқаруви органларининг фаолияти тўғрисидаги ишончли ахборотни олиш ҳуқуқига эгалар. Ўтказилган матбуот анжумани ҳам фуқароларни уман ҳокимлигининг фаолияти ҳамда келгусидаги режалари билан таништиришда муҳим аҳамиятга эга бўлди.
Туман ҳокимлигининг ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
