Амударё тумани ДСИ “Солиқчи – тадбиркорга кўмакчи” тамойили асосида иш олиб бормоқда

Иқтисодиётнинг ривожланиши, маъмуриятчилик ва солиқ қонунчилигига риоя этилишининг яхшиланиши солиқ тушумларининг ўсишини таъминлайди.

Амударё тумани бўйича ўтган 2021 йил  учун бюджет прогнозининг бажарилишини таъминлаш мақсадида амалга оширилган чора-тадбирлар натижасида бу борада белгиланган прогноз кўрсаткичи ортиғи билан бажарилди. Яъни, 2021 йил учун белгиланган 59,9 млрд. сўм ўрнига 70,4 млрд. сўм мублағ ундирилиб, режа 117,6 фоизга бажарилди. Натижада бюджетга 10,5 млрд. сўм қўшимча маблағ ундирилди.

Амударё туман Давлат Солиқ инспекцияси  томонидан “Солиқчи – тадбиркорга кўмакчи” тамойили доирасида тадбиркорлик субъектларига кўмак бериб келинаётгани туфайли ана шундай юқори кўрсаткичга эришилди. Хусусан, Давлат Солиқ инспекцияси ходимлари тадбиркорларга кредит ажратиш, дастлабки ҳисоб-китобларини юритиш, солиқ имтиёзларини қўллаш тартибларини тушунтиришда доимий маслаҳатчи сифатида фаолият юритаётганлари муҳим аҳамият касб этмоқда.

Бу борада “Солиқчи – тадбиркорга кўмакчи” тамойили доирасида туманда фаолият юритиб келаётган тадбиркорлик субъектларини яшил, сариқ, қизил тоифаларга ажратиш орқали уларга кўмаклашиш, зарур ҳолатларда янгидан очилган хўжалик юритувчи корхоналар рўйхати тузилиб,  солиқ органи ходимлари томонидан жойига чиққан ҳолда тадбиркорларни қийнаб келаётган муаммоларни ўрганишга асосий эътибор қаратилмоқда.

Бундай учрашувларда солиқ қарзи тўғрисида маълумот бериш, солиқ имтиёзлари ва уларни қўллаш тартиби, бошқа солиқ турларидан ортиқча тўлов суммасини қайтариш, кредит олишга, ер ажратилишига кўмаклашиш ва солиқ органига алоқадор бир қанча муаммолар юзасидан тизимли ёрдам ва тушунтиришлар берилмоқда.

Хусусан, Навоий маҳалласида ишлаб чиқариш фаолияти билан шуғулланаётган "Jumamurod Usta" оилавий корхонасиги ўз иш фаолиятини кенгайтириш учун банк томонидан 100 млн. сўм кредит ажратилишида амалий ёрдам кўрсатилди ва ҳозирги кунда корхонада 5 та иш ўрни яратилган ва қўшимча иш ўринларини кўпайтириш режалаштирилган.

Навоий маҳалла фуқаролар йиғинида фаолият кўрсатаётган “Тамара техтиль” масъулияти чекланган жамияти томонидан 10 та иш ўрни яратилган бўлиб, аҳолига сифатли ва арзон турдаги кийим-кечак маҳсулотлари етказиб берилмоқда. Бу борада солиқ соҳасидаги ўзгаришлар, ҳозирги кунда давлат томонидан берилаётган солиқ имтиёзлари ҳамда улардан фойдаланиш тартиблари тўғрисида тушунчалар берилиб, корхонага амалий ёрдамлар кўрсатилиб келинмоқда.

Шунингдек, Янгиобод маҳалласида фаолият юритаётган "Хон Сарой Меҳмонхонаси" масъулияти чекланган жамияти томонидан ресторан ва мехмонхона хизмати йўлга қўйилиб, аҳолига сифатли хизматлар кўрсатиб келинмоқда. Солиқ органлари ходимлари тадбиркор билан учрашган ҳолда “Солиқчи – тадбиркорга кўмакчи” тамойили доирасида тадбиркорнинг фаолиятида мавжуд бўлган имтиёзлар, хусусан, Президентнинг тегишли Қарори билан умумий овқатланиш корхоналарига айланмадан олинадиган солиқ, фойда солиғи, сув ресурсларидан фойдаланганлик учун солиқ, юридик шахслардан олинадиган ер ва мол-мулк солиқларини 2022 йил 1 январдан 1 июлга қадар фоизларни ундирмасдан, тенг миқдорларда бўлиб-бўлиб тўлаш ҳуқуқи мавжудлиги тўғрисида тушунчалар берилди.

Кўрилаётган барча чора-тадбирлар туфайли тадбиркорлик субъектларининг янада барқарор фаолият юритишларига замин яратилиб, давлатимиз томонидан берилаётган имтиёзлардан унумли фойдаланиш имконини яратилмоқда.

Беҳзод ЙЎЛДОШЕВ,  Амударё тумани Давлат солиқ бош инспектори.