МИНИ ФУТБОЛ БЎЙИЧА ҲОКИМ КУБОГИ МУСОБАҚАСИ ЎТКАЗИЛДИ
Жисмоний тарбия ва спортни аҳоли орасида кенг тарғиб қилиш, соғлом турмуш тарзини шакллантириш, олис ва чекка қишлоқ-овулларда спортда иқтидори юқори бўлган ёшларни эрта аниқлаш ва катта спорт сари етаклаш мақсадида юртимиз бўйлаб турли спорт мусобақалари ўтказилиб келинмоқда.
2021 йил 28 декабр куни Амударё туманининг Чордара маҳалласида жойлашган футбол майдонида спортнинг мини футбол тури бўйича “Ҳоким кубоги” мусобақасининг туман босқичи ўтказилди. Мусобақани ўтказишдан асосий мақсад, ёшларнинг бўш вақтини мазмунли ўтказиш, давлатимиз раҳбари томонидан илгари сурилган 5 та муҳим ташаббусни кенг тарғиб қилишдан иборат. Шунингдек, иккинчи ташаббус – ёшларни жисмоний чиниқтириш, спортда қобилиятини намоён қилиши учун зарур шароитлар яратишдир.
Ушбу мусобақанинг ҳудудий босқичи 27 декабр куни Куюк кўпир, Қипчоқ, Қиличбой овулларида ва Манғит шахарида ўтказилиб,ҳар бир ҳудуддан битта ғолиб бўлган команда туман босқичига етиб келишган эди. Юқори савияда ташкил этилган ушбу мусобақада туманимиздаги 24 маҳалладан жами, 192 нафар ёшлар иштирок этишди. Мусобақа ҳакамлар томонидан одилона бошқариб борилди. Муросасиз кечган учрашувда Бўстон маҳалласи жамоаси биринчи, Тўлқин маҳалласи жамоаси иккинчи, Ўзбекистон маҳалласи жамоаси учинчи ўринни эгаллашди. Ғолиб ва совриндорларга ташкилотчилар томонидан кубок, медаль, диплом ва қимматбаҳо совғалар топширилди.
Ушбу мусобақа Амударё туманининг Туризм ва спортни ривожлантириш бўлими, туман ҳокимлиги, Халқ таълим бўлими, Маҳалла ва оилани қўллаб-қувватлаш бўлими, Ёшлар ишлари агентлиги туман бўлими, туман Тиббиёт бирлашмаси ва Амударё туманининг Миллий гвардия қўриқлаш ҳизмати билан ҳамкорликда ташкил этилди.
Албатта, бу каби мусобақалар ёшлар ўртасида жисмоний тарбия ва спортнинг янада ривожланишига хизмат қилади. Қолаверса, терма жамоаларимиз учун иқтидорли спортчиларни саралаш вазифасини ҳам ўтаб беради. Спорт ва соғлиқ синоним сўзлардир шундай экан, спортга оид ислоҳотлар такомилга етказилаётган бир вақтда ёшларимиз ўз соғлиги учун қолаверса ватанимизни дунё ҳамжамиятидаги обросини янада ошириш учун шижоат билан ҳаракат қилишлари лозимдир.
Фотима Эшимбетова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
