МАҲАЛЛАЛАРДА СУДЬЯ ВА АҲОЛИ УЧРАШУВИ ЎТКАЗИЛДИ

Нукус шаҳридаги «Теле орай» , «Темир жол» , «Туңғыш қоңыс» “Туран” ва  “Тынышлық” маҳаллаларида Олий Мажлиси Сенати раиси  Т.Норбоева ҳамда Қорақалпоғистон Республикаси  Жўқорғи Кенгеси раиси М.Камоловлар томонидан тасдиқланган “Қорақалпоғистон Республикасида жиноятларни жиловлаш, жиноятчилик профилактикасини янада такомиллаштириш, одил судловни таъминлаш ва коррупциядан ҳоли ҳудудга айлантириш бўйича Йўл харитаси”нинг 24-банди  ижросини таъминлаш мақсадида тадбирлар  ўтказилди.

“Йўл харитаси”да назарда тутилган тадбирларда иштирок этган Нукус туманлараро Иқтисодий суди судьяси М.Каримбоева ҳудудларда ҳукуқбузарликларнинг олдини олиш, жиноятчиликка қарши курашда амалга оширилаётган ишлар тўғрисида маълумотлар берди. Шунингдек, 2021 йил 29 октябрь куни қабул қилинган “Ўзбекистон Республикасининг айрим қонун ҳужжатларига қўшимча ва ўзгартиришлар киритиш ҳақида ги ЎРҚ-726-сонли Қонуни билан Ўзбекистон Республикасининг Жиноят кодекси, Ўзбекистон Республикасининг Жиноят-процессуал  кодекси, Ўзбекистон Республикасининг Маъмурий Жавобгарлик тўғрисидаги кодекси, Ўзбекистон Республикасининг Бюджет кодекси, Ўзбекистон Республикасининг Меҳнат кодекси, Ўзбекистон Республикасининг Оила кодекси ва Ўзбекистон Республикасининг Солиқ  кодексларига киритилган ўзгартиришларнинг мазмун-моҳиятини тушунтирди. Тегишли маълумотлар ва мисоллар келтириб, бу борада доимий равишда амалга оширилиши лозим ва шарт бўлган чора-тадбирлар ва вазифалар тўғрисида батафсил сўзлади. 

Мазкур учрашувда фуқаролар йиғинларида ҳуқуқбузарликлар профилактикаси, жиноятчиликка қарши курашиш, шунингдек, аҳолининг ҳуқуқий саводхонлигини ошириш, мавжуд муаммоларни ҳам ўрганиб чиқди.  Йиғилиш иштирокчилари кун тартибидаги масала юзасидан ўз таклиф, фикр ва мулоҳазаларини билдириб, семинар мажлиси давомида ўзларига қизиқтирган саволларига тегишли жавобларини олишди.

М.Каримбоева, Нукус туманлараро Иқтисодий суди судьяси.