ИНШОЛАР ТАНЛОВИ ЯКУНЛАНДИ

“Жайхун илҳомлари” нодавлат нотижорат  ташкилоти томонидан шу йилнинг 22 сентябрида ёшларнинг маънавиятини юксалтириш, шу орқали уларни гиёҳвандлик, аҳлоқсизлик ва бошқа зарарли таъсирлардан ҳимоя қилиш мақсадида мактаб ўқувчилар ўртасида “Мен севган бадиий асар” мавзусида иншолар танлови  эълон қилинган эди. Шу муносабат билан ташкилотимизга 120 дан зиёд иншо намуналари келиб тушди. Танлов мактаб ўқувчилари орасида адабиётсевар, теран фикрловчи, чуқур мулоҳаза юритишга қодир иқтидорли ўқувчиларнинг кўп эканлигини яна бир бор исботлади.

20 октябрь куни “Мен севган бадиий асар” мавзусидаги иншолар танловининг ғолиблари аниқланди. Иншолар танлови натижаларини кўриб чиққан бадиий кенгаш аъзоларининг хулосасига кўра 42-сонли мактабнинг 11-синф ўқувчиси Муборак Соатбоева Жек Лондоннинг “Ҳаётга муҳаббат” ҳикояси асосида ёзган иншоси “Жек Лондон илгари сурган ғояни яхши тушунгани, тенгдошларида ҳам ҳаётга муҳаббат уйғотишга интилганлиги учун биринчи ўринга, 2-сонли мактабнинг 11-синф ўқувчиси Фарида Саъдуллаева Абдулла Қодирийнинг  “Ўтган кунлар” романи асосида ёзган иншоси “Энг яхши миллий – назарий ёндашув учун” иккинчи ўринга, 16-сонли мактабнинг 8-синф ўқувчиси Гулруҳ Сапарбоева Ўткир Ҳошимовнинг “Дунёнинг ишлари” асари ҳақида ёзган иншоси “Энг яхши маънавият тарғиботи учун” учинчи ўринга муносиб деб топилди.

Бундан ташқари кўпгина мактаб ўқувчилари иншо ёзиш баробарида ўзларининг адабиёт йўналишидаги аъло жиҳатларини намоён қилганлар, жумладан, 62-сонли мактабнинг 10-синф ўқувчиси Шаҳло  Қуролова “Энг самимий фикрлари учун” 45-сонли мактабнинг 11-синф ўқувчиси Лобар Ўрозметова “Энг яхши таҳлилий фикрлари учун”, 36-мактабнинг 10-синф ўқувчиси Кумушой Қўчқорова “Энг яхши бадиий образлар таҳлили учун”, “40-сонли мактабнинг 10-синф ўқувчиси Шаҳло Янгибоева “Инсонни тўғри йўлга йўналтирувчи жўшқин фикрлари учун”, 9-сонли мактабнинг 10-синф ўқувчиси Севинч Мақсадбоева “Ватанпарварлик туйғуси улуғланган асарнинг энг севимли таҳилили учун”, 50-сонли мактабнинг 8-синф ўқувчиси Сарвиноз Тожибоев Тожибоева “Шахсий фикрини равон баён қилгани учун”, 73-сонли мактабнинг 11-синф ўқувчиси Кумуш Гулимматова “Мураккаб сюжетли асарнинг энг яхши таҳлили учун”, 32-сонли мактабнинг 10-синф ўқувчиси Гулдона Тўлибоева “Энг олийжаноб, одил ва оқил образ таҳлили учун”, 30-сонли мактабнинг 10-синф ўқувчиси Севинч Рахимова “Энг яхши эзгулик тарғиботчилиги учун”, 69-сонли мактабнинг 9-синф ўқувчиси Машҳура Жумиязова, “бадиий асар ҳақида энг ёқимли фикрлари учун” ана шундай эътирофга сазовор бўлдилар.

Танлов ғолиблари ва энг яхши иншолар ижодкорларига “Жайхун илҳомлари” нодавлат нотижорат ташкилоти томонидан совғалар ва мақтов ёрлиқлари топширилди.

Шунингдек, 39-сонли мактабнинг 9-синф ўқувчиси Феруза Рахимова, 13-сонли мактабнинг 10-синф ўқувчиси Феруза Ҳайтбоева, 83-сонли мактабнинг 9-синф ўқувчиси Рухшона Сотимова, 33-сонли мактабнинг 10-синф ўқувчиси Маржона Ражаббоевларнинг бизга жўнатган иншоларини ўқиб кўриб, уларнинг ниҳоятда зийрак китобхонлар эканлигига амин бўлдик.

Маълумки, туманимизда турли миллат вакиллари яшайдилар. Шу боис туманимизда қозоқ, қорақалпоқ, туркман тилларига ихтисослаштирилган мактаблар мавжуд. Қувонарли томони шундаки, танловга қизиқиш билдириб қозоқ қорақалпоқ, туркман тилларида ҳам ёзиб жўнатилган иншоларни ўқиб кўриб, таҳлил қилиб туманимизда турли тилларда ижод қилиш қобилиятига эга ёшларнинг етишиб чиқишига катта умид боғладик. 54-сонли мактабнинг 7-синф ўқувчиси Моҳидил Ўрозимбетова, 9-синф ўқувчиси Севинчой Ўрозимбетова, 11-синф ўқувчилари Мўлдир Жеткербоева, Айгерим Сапарбоевларнинг қозоқ тилида, 25-сонли мактабнинг 9-синф ўқувчиси С.Давенова, 11-синф ўқувчилари Дилшод Сапардурдиев, Авазбек Ҳайтбоевлар ўзлари севган бадиий асар ҳақида туркман тилида ёзилган иншоларини жўнатганлар.

 Бу мактаб ўқувчилари орасида ҳам адабиётсевар, ўз қаламига эга, ижодий ишларга ёндашувчи ёшлар кўпайиб бораётганилиги бизни қувонтирди.

Қолаверса, 25-сонли мактабда иншолар аввало махсус комиссия кўригидан ўтказилиб кейин бизга жўнатилганлигининг ўзи ҳам мазкур мактаб маъмуриятининг иншолар танловига ўта масъулият билан ёндошганлигидан далолат бериб турибди.

Шу йилнинг апрель ойидан бошлаб барча умумтаълим мактабларида ижодий маданий масалалар бўйича тарғиботчи лавозими жорий қилинди. Тарғиботчилар қисқа муддат ичида мактабларда ижодий-маданий ишларнинг яхши йўлга қўйилишига муносиб ҳисса қўша бошладилар. Мазкур иншолар танловида 2-сонли умумтаълим мактабининг тарғиботчиси Аҳмад Нафасов, 16-сонли умумтаълим мактабининг тарғиботчиси  Юлдуз Турсунбоева, 32-сонли мактабнинг тарғиботчиси Назокат Қодирова, 50-сонли мактабнинг тарғиботчиси Гулноза Рахимова, 73-сонли мактабнинг тарғиботчиси Шоҳида Тажибоевлар жонкуярлик билан фаол иштирок этдилар. Ўзлари ишлаётган мактаб ўқувчиларининг  ижодий ишларида яқин кўмакчи бўлдилар.

Мактаб ўқувчиларининг иқтидорларини синаб кўриш мақсадида келажакда янгидан янги мавзуларда иншолар танловини эълон қилиб борамиз.

Мактаб ўқувчиларидан чиройли ҳуснихатда батафсил ёзилган таҳлилий мулоҳазаларга бой ҳолдаги иншоларни кутиб қоламиз.

Ўрозали РЕЙИМОВ, “Жайхун илҳомлари” ННТ раиси.