УСТОЗЛАРИМДАН МИННАТДОРМАН
Инсон орзу-мақсадлар билан яшайди. Уларга етишишга ҳаракат қилиб, доим олдинга интилади. Ўрганишлар билан бошланган ҳаёт ўрганишлар билан давом этади. Айниқса, таълим маскани инсон ҳаётида улкан аҳамият касб этади. Билим дунёсига илк қадам шу ердан бошланади. Устоз-ўқитувчиларимиз бор билимини бизга беради, илм ўргатиб, мустақил ҳаётга кузатади.
Мен 40-сонли мактабда тажрибали, маҳоратли устозлардан таълим олдим. Бу даргоҳга келган илк куним, ҳаяжонланганим ҳамон ёдимда. Устозларим меҳр билан қўлимдан тутиб, бошлаб кирган бу зиё масканида йиллар давомида билим ўргандим. Барча фанларни ўқитувчиларим ёрдамида ўзлаштирдим, тушунчаларимни кенгайтирдим. Тарих фанидан Жаҳонгир Отаниёзов, математикадан Дониёр Йўлдошев, инглиз тилидан Нурбек Жуманиёзов, она тилидан Ҳулкарой Хўжаниёзовалардан таълим олиб, тафаккуримни бойитдим. Касб танлашимда ҳам ота-онам билан бир қаторда ўқитувчиларимнинг кўмаги беқиёс бўлди. Мендаги иқтидорни тўлдириб, шакллантирган муаллимларим берган билимлар билан талаба бўлишга эришдим. Айни пайтда нуфузли олийгоҳлардан бири бўлган Тошкент Давлат ҳуқуқшунослик университетида 1-босқичда, янги устозларимдан таҳсил олишни бошлаб юбордим.
Мен келажакда кучли билимга эга ҳуқуқшунос бўлиб, раҳматлик бобом Гулмирза Матюсупов ва бувижоним Шукуржон Ражабова, дадам Мўъминжон Матюсуповлар каби туманимиз аҳолисининг ҳақ-ҳуқуқлари қонуний ҳимоя қилинишига, фуқароларнинг ҳуқуқий онги, билими, маданияти юксалиши, давлатимиздаги қонунлар, ҳужжатлар ижроси таъминланишига ҳисса қўшишни мақсад қилганман.
Бу ҳаётимда устозларим туфайли эришган илк ва энг катта ютуғим. Шундай бахтга мушарраф бўлишимга кўмак берган устозларимдан жуда миннатдорман ҳамда уларни Ўқитувчи ва мураббийлар куни байрами билан табриклайман. Байрамингиз муборак, азиз устозлар!
Муҳсинбек Мирзаев, Тошкент Давлат ҳуқуқшунослик
университети 1-босқич талабаси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
