“Ел комекшилери” масъулияти чекланган жамияти ўз хизматларини таклиф қилади!

Томорқа ерларидан самарали фойдаланиш, «Томорқа хизмати» масъулияти чекланган жамиятларининг моддий-техника базасини мустаҳкамлаш, фаолиятини янада кенгайтириш ва аҳоли томорқаларини хизматлари билан қамраб олиш даражасини ошириш, шунингдек маҳсулотларни экспорт қилиш имкониятларини янада кўпайтириш мақсадида 2020 йил 30 июнь куни Ўзбекистон Республикаси Президентининг “Аҳоли томорқаларидан фойдаланиш самарадорлигини оширишнинг қўшимча чора-тадбирлари тўғрисида”ги қарори қабул қилинган эди.

Мазкур қарор билан қишлоқ хўжалиги экинларининг уруғлари ва кўчатларини тайёрлаш, етказиб бериш, ўсимликларни касаллик ва зараркунандалардан ҳимоя қилиш ҳамда етиштириш агротехникаси, қишлоқ хўжалиги маҳсулотларини сақлаш ва қайта ишлаш юзасидан маслаҳат ва тавсиялар бериш бўйича хизматларни шартнома асосида ташкил этилиши белгиланган.

Қарор ижросини таъминлаш мақсадида Қорақалпоғистон Республикасида “Ел комекшилери” масъулияти чекланган жамияти иш бошлади. Мазкур жамиятнинг асосий мақсади аҳоли томорқаларидан унумли фойдаланиш ва юқори ҳосил олишга кўмаклашишдан иборат.

Жамият бугунги кунда аҳолига томорқалардаги ўсимликларни турли зараркунанда ва касалликлардан ишончли ҳимоя қилиш, суспензия усули орқали ўсимликларни баргдан озиқлантириш, бундан ташқари, хонадон ичини, жумладан, яшаш хоналари, молхона, ертўла ва омборхоналарни турли ҳашаротларга қарши дезинфекция қилиш хизматларини таклиф қилмоқда.

Жамият касаллик ва зараркунандалар, ҳашаротларга қарши гирбицидлар ва бошқа воситаларни ишончли ва синалган ишлаб чиқарувчилардан харид қилади. Шунингдек, замонавий пуркагичлар ва бошқа воситалар зараркунанда ва ҳашаротлар ҳамда касалликлардан ишончли ҳимоя қилишда муҳим восита бўлади.

Жамият аъзолари келгусида хонадонлардаги дудбўрон ва мўриконларни тозалаш хизматларини ҳам йўлга қўйшни режалаштирмоқдалар.

"Ел комекшилери” масъулияти чекланган жамияти Амударё тумани Маҳалла ва оилани қўллаб-қувватлаш бўлими, туман санитария-эпидемиологик осойишталик ва жамоат саломатлиги бўлими ҳамда туман экология ва атроф-муҳитни муҳофаза қилиш бўлимлари билан самарали ҳамкорликни йўлга қўйган.

Хизматлар учун тўловлар тасдиқланган нархонамалар асосида белгиланган. Хизматларни кўрсатиш давомида ходимлар санитария ва гигиена талаблари ва қоидаларига тўлиқ амал қилади ҳамда хонадон ва томорқа эгаларига зарур тавсиялар беради.

Бугунги кунда жамиятнинг тумандаги филиалида 15 нафарга яқин ходим фаолият юритмоқда. Жамият туманнинг бутун ҳудудида, барча овул ва маҳаллаларда фаолиятини йўлга қўйган.

Шу ўринда юртдошларимизга "Ел комекшилери” масъулияти чекланган жамиятининг хизматларидан фойдаланишни тавсия қиламиз. Томорқангиздаги ўсимликларни зараркунанда ва касалликлардан ҳимоя қилиш, хонадонингизни турли ҳашаротлардан асрашни ўз ишининг усталари бўлган профессионал ишчиларга топширинг. Агар бу хизматлардан фойдаланишни истасангиз, 97 353 47 67 телефон рақамларига мурожаат қилинг.