“МАҲАЛЛАЛАРДА МИЛЛИЙ ҚАДРИЯТЛАРНИ МУСТАҲКАМЛАШ ҲАФТАЛИГИ”ДА МЕҲР-ОҚИБАТ, БАҒРИКЕНГЛИК ВА МУРУВВАТ ТУЙҒУЛАРИ ЯНАДА ЮКСАЛДИ

Наврўз – нафақат баҳорги тенгкунлик, балки асрлар давомида шаклланган бобомерос қадриятлар, урф-одат ва анъаналар айёмидир. Наврўз кунларида ўзаро меҳр-оқибат, бағрикенглик, мурувват ва саховат туйғулари янада ёрқинроқ намоён бўлади. 22-28 март кунлари “Маҳалла – жамиятимизнинг ёруғ юзи ва виждони кўзгуси” деган бош ғояни ўзида мужассам этган “Маҳаллаларда миллий қадриятларни мустаҳкамлаш ҳафталиги” доирасида амалга оширилган меҳр ва саховат тадбирларида бу янада яққол намоён бўлди. Унда халқ томонидан сайланган депутатлар, тадбиркорлар ва зиёлилар вакиллари иштирок этишиб, жойларга чиққан ҳолда халқ билан самимий мулоқотда бўлдилар. Наврўз байрами билан муборакбод этишиб, кам таъминланган, эҳтиёжманд оилалар аҳволидан хабар олдилар.

Мазкур ҳафталикда фаол иштирок этган 30-Манғит сайлов округидан Қорақалпоғистон Республикаси Жўқорғи Кенгеси депутати Қувонч Боймуротов Маҳалла хайрия жамоат фонди туман бўлинмаси раиси П.Якуббаев ҳамроҳлигида сайлов округи ҳудудидаги Чордара, Бойовул, Навоий номли, Олмазор, Дўстлик, Беруний номли маҳаллалар фуқаролар йиғинларида бўлиб, мазкур маҳаллалардаги “Темир дафтар”, “Ёшлар дафтари”, “Аёллар дафтари” рўйхатларида турувчи фуқаролар билан учрашди. Мазкур маҳаллалардаги кам таъминланган, ижтимоий ҳимояга муҳтож, якка-ёлғиз ва ногиронлиги бор шахсларнинг хонадонларига кириб бориб, уларнинг ҳаёти ва турмуш шароитлари билан яқиндан танишиб, уларни қийнаётган муаммоларни ўрганди. Шу билан бирга аҳолини мамлакатимизда амалга оширилаётган кенг кўламли ислоҳотлар ва давлатнинг истиқболдаги режалари билан ҳам таништирди. Айниқса, кичик бизнес ва оилавий тадбиркорликни ривожлантириш, оила аъзолари билан тадбиркорликнинг ўзига мақбул бир йўналишини танлаб, шу йўналиш бўйича иш бошлашни режалаштираётган инсонларга зарур маслаҳат ва йўл-йўриқлар берди.

Ўз навбатида мазкур  округ ҳудудида яшовчи аҳоли вакиллари депутат Қ.Боймуртовга ўзларини қийнаб келаётган муаммолар юзасидан саволлар билан мурожаат қилдилар. Депутат сайловчилар вакилларига уларнинг ҳаётига оид муаммолар юзасидан юқори ташкилотларга депутат сўрови билан чиқиб, уларни бартараф этишга ваъда берди.

Тадбир давомида депутат Қ.Боймуротов ҳудуддаги кам таъминланган, эҳтиёжманд оилаларга кириб бориб, уларга озиқ-овқат маҳсулотлари ва байрам совғаларини топширди.

“Маҳалла – жамиятимизнинг ёруғ юзи ва виждони кўзгуси” деган бош ғояни ўзида мужассам этган “Маҳаллаларда миллий қадриятларни мустаҳкамлаш ҳафталиги” доирасида ўтказилган мазкур учрашув тадбири Наврўз байрамига хос эзгу ва боқий қадриятларнинг амалий тантанаси сифатида депутат кириб борган ҳар бир маҳалла ва оилада меҳр-оқибат ва саховат, бағрикенглик ва мурувват туйғуларидан қалблар шодликка тўлди.

Робия ЙЎЛДОШЕВА.