Халқ депутатлари Амударё туман Кенгашининг 25-сессияси тўғрисида АХБОРОТ

2021 йил 12 январь куни Амударё тумани ҳокимлигининг мажлислар залида Халқ депутатлари туман Кенгашининг 25-сессия бўлиб ўтди. Сессия мажлисида депутатлар, сектор раҳбарлари, туман ҳокими ўринбосарлари, ҳокимлик масъул ходимлари, ҳуқуқ-тартибот органлари, бўлимлар, тижорат банклари раҳбарлари, фуқароларнинг ўзини ўзи бошқариш органлари раислари ҳамда оммавий ахборот воситалари вакиллари иштирок этди.

Шунингдек, сессияда Ўзбекистон Республикаси Олий Мажлиси Сенатининг Оролбўйи минтақасини ривожлантириш масалалари қўмитаси раиси ўринбосари Батир Матмуратов, Қорақалпоғистон Республикаси Жўқорғи Кенгеси қўмитаси раиси Шукурулла Атаниязов ҳамда тумандан сайланган Қорақалпоғистон Республикаси Жўқорғи Кенгеси депутатлари қатнашдилар.

Сессияни Кенгаш раиси, туман ҳокими Султонбой Йўлдашев очди ва олиб борди. Сессия котиблигига 1-Навоий сайлов округидан депутат Гулшод Юсупова сайланди.

Сессия кун тартибига “Ўзбекистон Республикаси Президенти Шавкат Мирзиёевнинг 2020 йил 29 декабрь куни Олий Мажлисга йўллаган Мурожаатномаси мазмун-моҳиятини тарғиб этиш ҳамда белгилаб берилган устувор вазифалардан келиб чиқиб туман дастурини тайёрлаш ҳақида”ги масала киритилди.

Сессия ишида дастлаб Олий Мажлис Сенатининг Оролбўйи минтақасини ривожлантириш масалалари қўмитаси раиси ўринбосари Батир Матмуратов ахборот берди.

Сенатор ўз сўзида Президентимизнинг Олий Мажлисга йўллаган Мурожаатномасида халқимиз турмушини янада фаровон, юртимизни янада обод қилиш, давлат ва жамият ривожини янги босқичга олиб чиқиш бўйича муҳим вазифалар белгилаб берилганини таъкидлаб ўтди.

Кун тартибидаги масала юзасидан туман ҳокимининг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари  Махмуд Шерметов ахборот берди. Ахборотда Мурожаатноманинг мазмун-моҳияти ҳақида кенг тушунчалар берилди.

Ушбу масала юзасидан туман ҳокими ўринбосари – инвестициялар ва ташқи савдо бўлими бошлиғи Рашид Салаев ҳам сўзга чиқиб, Мурожаатномада белгилаб берилган устувор вазифалардан келиб чиқиб тайёрланаётган туман ҳудудий дастурининг муҳим жиҳатларига тўхталди.

Муҳокамаларда халқ депутатлари туман Кенгашининг доимий комиссиялари раилари Махсуд Садуллаев, Муқаддас Бекназарова, туман Кенгаши раиси ўринбосари Ғуломжон Ешниёзовлар иштирок этиб, кун тартибидаги масалалар бўйича фикр-мулоҳазаларини баён қилди.

Сессия якунида кун тартибидаги масала бўйича тегишли қарор қабул қилинди.

Туман ҳокимлигининг ахборот хизмати.