ТУМАНДА ЧОPВА МАҲСУЛОТЛАPИ ЕТИШТИPИШ ҲАЖМИ ОPТАДИ
Амударё туманида чорвачилик соҳасини жадал ривожлантириш, ички истеъмол бозорини сифатли гўшт ва сут маҳсулотлари билан узлуксиз таъминлаш масаласига катта эътибор қаратилмоқда.
Ўзбекистон Pеспубликаси Президенти томонидан 2020 йил 29 январда имзоланган “Чорвачилик тармоғини давлат томонидан қўллаб-қувватлашнинг қўшимча чора-тадбирлари тўғрисида”ги Қарорининг мазмун-моҳияти ҳам мамлакатимизда қишлоқ хўжалиги экин майдонларидан самарали фойдаланиш, озиқ-овқат хавфсизлигини таъминлаш, соҳага етук, малакали кадрларни жалб этган ҳолда чорвачилик соҳасида юқори самарадорликка эришиш кўзда тутилган. Бундан ташқари, чорвачилик ва наслчилик соҳасини давлат томонидан қўллаб-қувватлаш, маҳсулдорликни ошириш ва озуқабоп экинлар уруғчилигини ривожлантириш, чорвачилик хўжаликликларига ажратилган ер майдонларидан самарали фойдаланиш ҳолатини таҳлил қилиб боришга эътибор қаратилгани чорвачилик соҳаси билан шуғулланувчи фермер хўжаликларига ер майдонлари ажратишда шаффофликни таъминлаш имконини яратади. Яъни, ҳар бир бош чорва молига мутаносиб равишда озуқабоп экин майдони ажратилади ва ердан унумли фойдаланиш масъулияти ортади.
Мазкур Қарор билан чорвачилик соҳасида иш юритувчи субъектлар учун давлат томонидан субсидиялар ажратиш кўзда тутилгани тадбиркорлар учун жуда катта имтиёздир. Президентимизнинг мазкур Қарори амударёлик чорвадорлар учун ҳам муҳим аҳамиятга эга ҳужжат бўлди.
Туманда соҳани ривожлантириш мақсадида 2019-2021 йилларда бўрдоқичиликка ихтисослашган 2 та комплекс ташкил этиш, жумладан “Соатов Отабек” агрофирмасида йилига 60 тонна гўшт тайёрлашга ихтисослашган 600 млн. сўмлик, “Қурбонбоев Шоҳжаҳон” масъулияти чекланган жамиятида йилига 600 тонна гўшт тайёрлаш бўйича 550 млн. сўмлик лойиҳаларни амалга ошириш режалаштирилган. Бундан ташқари, “Хўжакўл” фермер хўжалигида 280 бош қорамол боқилиб, йилига 854 тонна, “Ерлапас” фермер хўжалигида 270 бош қорамол боқилиб, йилига 823 тонна сут тайёрлаш режалаштирилган.
Чорва учун тўйимли озуқа базасини яратиш ҳам 2020-2021 йилларда бажарадиган муҳим вазифалардан бири ҳисобланади. – Бу йил ғалладан бўшаган майдонларнинг бир қисмига такрорий экин сифатида Италиядан келтирилган беда уруғи экилади. Шунингдек, Туркия уруғчилик компанияси дон ва силос учун маккажўхори уруғларини шартнома асосида етказиб бериш бўйича ўз таклифларини билдирмоқда. Бу ҳам соҳа ривожида муҳим омил ҳисобланади.
Дарвоқе, бугунги кунда Амударё тумандаги чорвачилик субъектларига 2 минг 289 гектар ер майдони ажратилган бўлиб, шундан 1 минг 285 гектари экишлик ерлардир. Мазкур чорвачилик субъектлари ихтиёрида 2 минг 600 бош қорамол бўлиб, шундан 1 минг 100 боши сигирлардир. 2020 йилда чорва моллари наслдорлигини яхшилаш, четдан келтирилган наслдор молларни маҳаллий иқлим шароитига мослаштириш мақсадида “Амударё соҳили” фермер хўжалигида 200 млн. сўм ўз маблағи ва 900 млн. сўм банк кредити асосида йирик лойиҳа амалга оширилмоқда. Лойиҳа доирасида Қозоғистондан 40 та зотор қорамоллар келтирилди. “Аму насл чорва” агрофирмаси томонидан жами 260 бош зотли қўйлар олиб келиниб, парвариш қилинмоқда. “Полвонбой овули” масъулияти чекланган жамияти томонидан эса Беларусь давлатидан умумий қиймати 1,2 млрд. сўмлик 103 бош зотдор қорамоллар келтирилиб, маҳаллий шароитга мослаштирилди.
Бир сўз билан айтганда, Амударё туманида чорвачилик соҳасини жадал ривожлантириш бўйича тизимли ишлар амалга оширилмоқда. Бу эса ўз навбатида гўшт ва сут маҳсулотлари тайёрлаш ҳажмининг ортишига замин яратади.
Робия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
