Миграция ва персоналлаштириш хизматлари сифати ўрганилди
Мамлакатимизда аҳолига давлат хизматларини кўрсатиш сифатини ошириш ва фуқароларнинг мушкулини осон қилиш борасида тизимли ишлар амалга оширилмоқда. Бу борада аҳолига яратилган шарт-шароитлар билан яқиндан танишиш мақсадида Ўзбекистон Республикаси ИИВ ҳузуридаги Миграция ва персоналлаштириш департаменти бошлиғи Улуғбек Ташходжаев туман Ички ишлар бўлими Миграция ва персоналлаштириш бўлинмасида бўлди.
Жараён давомида Ўзбекистон Республикаси Президентининг 2020 йил 22 сентябрдаги ПФ-6065-сонли Фармони талабларига мувофиқ, идентификация ID-картасини олиш учун мурожаат қилган фуқароларга ортиқча ҳужжатларни талаб қилмасдан, уларни 1 иш куни давомида расмийлаштириб, ўз эгаларига топшириш масаласига алоҳида эътибор қаратилди.
Шунингдек, Президентимизнинг 2018 йил 26 декабрдаги ПҚ-4079-сонли қарори ижросини таъминлаш мақсадида, хорижга чиқиш биометрик паспортини расмийлаштириш жараёнлари муҳокама қилинди. Унда вояга етмаган шахслар учун ота-оналари иштирокида тилхат ёки нотариал розиликларни олиш тартибини тўғри йўлга қўйиш ҳамда тайёр бўлган паспортларни ўз эгаларига қисқа муддатлар ичида тарқатиш бўйича тушунтириш ишлари олиб борилди.
Жойларда олиб борилаётган бу каби амалий ўрганишлар ва берилган кўрсатмалар тизимдаги иш унумдорлигини оширишга, энг асосийси, фуқароларнинг вақтини тежаб, уларнинг давлат идораларидан рози бўлишига хизмат қилади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
