Ёшлар – юртимиз эртаси ва тараққиёт драйверлари
Бугун юртимиз бўйлаб ўзгача бир шукуҳ, юксак ғайрат ва шижоат нафаси кезмоқда. Боиси, мамлакатимиз бўйлаб 30 июнь – Ёшлар куни муносабати билан “Ёшлар ойлиги”га старт берилди.
Ҳар бир миллатнинг тараққиёти, давлатнинг қудрати ва жамиятнинг порлоқ келажаги тўғридан-тўғри унинг ёш авлодга бўлган эътиборига, яратаётган имкониятларга боғлиқдир. Бугун Ўзбекистон аҳолисининг катта қисмини ташкил этувчи ёшлар — юртимизнинг энг улкан бойлиги ва янгиланишлар драйвери ҳисобланади. Муҳтарам Президентимиз ташаббуси билан асос солинган Ўзбекистон ёшлар иттифоқи ташкил топган кун – 30 июнь санаси шунчаки тақвимдаги оддий бир байрам эмас. Бу – ҳар бир йигит-қизга кўрсатилаётган юксак давлат эътибори ва чексиз имкониятларнинг амалий ифодасидир.
Ҳозирги кунда давлатимизнинг олиб бораётган оқилона сиёсатнинг марказида айнан биз – ёшларнинг манфаатлари турибди. Ҳар бир маҳаллада Ёшлар етакчиси тизимининг самарали йўлга қўйилгани кўплаб йигит-қизларнинг ҳаётда ўз йўлини топишига хизмат қилмоқда. Қувонарлиси, бундай имкониятлардан бизнинг ўғил-қизларимиз ҳам унумли фойдаланмоқда.
Бунга ёрқин мисол қилиб, Амударё туманида ўтказилган футбол бўйича Давлат хавфсизлик хизмати (ДХХ) кубоги баҳсларида бизнинг Намуна маҳалламиз ёшларининг фахрли 3-ўринни эгаллаганини алоҳида ғурур билан таъкидлаш мумкин.
1 июнь куни бўлиб ўтган тантанали тақдирлаш маросими маҳалламиз ва туманимиз ёшларининг спортга бўлган юксак қизиқиши ҳамда иродасининг амалий исботи бўлди.
Хулоса ўрнида айтганда, биз – бугунги ёш авлод, тарихдаги буюк аждодларимизнинг муносиб давомчиларимиз. Шунинг учун ҳам елкамиздаги масъулиятни чуқур ҳис қилган ҳолда, Янги Ўзбекистон ва Учинчи Ренессанс пойдеворини барпо этишда фаол иштирок этишимиз шарт. Зеро, туманимиз равнақи ва юртимиз истиқболи бизнинг бугунги интилишимиз ва қатъиятимизга боғлиқ. Биз шунчаки кузатувчи эмас, балки жонажон Ватанимиз тараққиётининг фаол ижрочисига ва бунёдкорига айланишимиз лозим.
Азиз тенгдошлар, келажак сари дадил қадам ташлашдан, ўқиб-ўрганишдан ва юртимиз равнақи йўлида меҳнат қилишдан асло тўхтамайлик! Кириб келаётган Ёшлар куни барчамизга муборак бўлсин!
Муҳайё Ортиқбоева, Бердақ номидаги Қорақалпоқ давлат университети талабаси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
