МАНҒИТ ШАҲРИ МАҲАЛЛАЛАРИДА НАЗОРАТ ТАДБИРЛАРИ ЎТКАЗИЛДИ
Маълумки, аҳоли яшаш манзилларидан оқава сувларини белгиланган муддатларда чиқариб юбормаслик кўпдан-кўп нохуш ҳолатларнинг юзага келишига сабаб бўлади. Айниқса, оқава сувларининг аҳоли яшаш манзилларида узоқ вақт туриб қолиши натижасида ернинг мелиоратив ҳолати ёмонлашади, шўрланиш даражаси ортиб, аҳоли томорқа ерларида парваришланаётган экинлар, мевазор боғларнинг ҳосилдорлиги кескин камайиб кетади.
Ўзбекистон Республикасининг 2022 йил 22 июлдаги “Ичимлик суви таъминоти ва оқава сувларни чиқариб юбориш тўғрисида”ги Қонунида фуқароларнинг ўзини-ўзи бошқариш органлари, нодавлат нотижорат ташкилотларининг ҳамда фуқаролик жамияти бошқа институтларининг, шунингдек, мазкур соҳадаги тадбирларда иштирок этиши белгиланган.
Ушбу Қонунда белгиланган вазифаларнинг амалий ижросини таъминлаш мақсадида 2024 йилнинг 19 апрель санасида Ўзбекистон Маҳаллалари уюшмаси билан Қурилиш ва уй-жой коммунал хўжалиги соҳасида назорат қилиш инспекцияси ўртасида ўзаро ҳамкорлик Меморандуми имзоланган эди. Мазкур Меморандумда тарафлар республика аҳолисини ичимлик суви таъминоти ва оқава сувларни чиқариб юбориш хизматлари билан таъминлаш борасида ўзаро ҳамкорлик қилиши белгиланган.
Ушбу ҳужжат доирасида Қорақалпоғистон Республикаси Маҳаллалари уюшмаси, Қурилиш ва уй-жой коммунал хўжалиги соҳасини назорат қилиш Инспекцияси ва “Қорақалпоқ сув таъминоти” акциядорлик жамиятининг Амударё тумани филиали масъул ходимлари ҳамкорликда назорат ва тарғибот тадбирларини амалга ошириб келмоқдалар.
Ҳамкорликдаги ана шундай назорат тадбирларидан бири жорий йилнинг 18 июнь санасида ҳам ўтказилиб, мазкур тадбирда Дўстлик, Янгиобод ва Фаровон маҳалла фуқаролар йиғинлари масъуллари ва аҳоли вакиллари ҳам иштирок этдилар.
Ўрганишлар жараёнида маҳаллалар аҳолиси томонидан айрим эътирозлар ҳам билдирилди. Тегишли соҳа масъулларига тармоқдаги авария ҳолатлари ўз вақтида бартараф этилиши, ичимлик сувининг етарли босимда ва белгиланган вақтда етказилиши бўйича аниқ кўрсатмалар берилди. Ўз навбатида аҳоли томонидан ичимлик сувининг сифати белгиланган меъёрий талабларга мувофиқлиги ва бошқа камчиликлар мавжуд эмаслиги ҳам билдирилди.
Бундан ташқари, мазкур маҳалла фуқаролар йиғинларида истеъмолчиларнинг “Ичимлик суви таъминоти ва оқава сувларини чиқариб юбориш тўғрисида”ги Ўзбекистон Республикаси Қонуни талабларига қай даражада амал қилишини аниқлаш мақсадида назорат тадбирлари ҳам олиб борилди. Истеъмолчиларга ичимлик сувидан оқилона ва тежамкорлик билан фойдаланиш, сув таъминоти ташкилоти билан тузилган шартнома шартларига ва унда белгиланган талабларга риоя қилиш юзасидан зарур тавсиялар берилиб, коммунал тўловларни, айниқса ичимлик суви таъминоти ва оқава сувларни чиқариб юбориш хизматларидан фойдаланганлик бўйича тўловларни ўз вақтида амалга ошириш бўйича тушунтиришлар ҳам олиб борилди.
Қорақалпоғистон Маҳаллалари уюшмаси билан Қурилиш ва уй-жой коммунал хўжалиги соҳасини назорат қилиш Инспекцияси ҳамда “Қорақалпоқ сув таъминоти” акциядорлик жамияти Амударё туман филиали масъуллари ҳамкорлигида ташкиллаштирилган мазкур назорат тадбири жараёнида ичимлик суви таъминоти ва оқава сувларини чиқариб юбориш борасидаги Дўстлик, Янгиобод ва Фаровон маҳаллалари аҳолисини қийнаб келаётган бошқа муаммолар ҳам атрофлича ўрганилиб, жойида ҳал этилди.
Робия Йўлдошева
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
