45-сонли МТТда миллий ва маънавий қадриятларни улуғловчи тадбирлар ўтказилди
Амударё туманидаги 45-сонли мактабгача таълим ташкилотида болажонларни миллий ва маънавий қадриятлар билан таништириш, уларни ижтимоий ва ижодий жиҳатдан ривожлантириш мақсадида турли тадбирлар ташкил этилмоқда. Яқинда ушбу таълим муассасасида “Наврўз сайли” байрам тадбири ҳамда “Адиблар билан учрашув” номли адабий-маърифий кеча бўлиб ўтди.
Наврўз эзгулик, янгиланиш ва табиат уйғониши рамзи сифатида мамлакатимиз бўйлаб кенг нишонланади. Шу муносабат билан 45-сонли мактабгача таълим ташкилотида болалар учун байрам тадбири ташкил этилиб, унда миллий анъаналаримиз ва қадриятларимизнинг гўзаллиги намоён этилди. Тадбирда болажонлар миллий либосларда шеър ва қўшиқлар ижро этиб, халқ ўйинларини намойиш қилдилар. Шунингдек, Наврўзга хос бўлган сумалак тайёрлаш анъанаси ҳақида маълумот берилиб, унинг мазмун-моҳияти тушунтирилди.
Болажонларнинг маънавий дунёсини бойитиш, китобга бўлган меҳрини ошириш мақсадида ташкил этилган адабий-маърифий кечада эса тарбияланувчилар машҳур адиб ва шоирларнинг ижоди билан яқиндан танишдилар. Улар ўз севимли қаҳрамонлари образида саҳна кўринишларини намойиш этиб, шеърхонликда фаол иштирок этдилар. Тадбир доирасида адабий викториналар ва ижодий чиқишлар ҳам уюштирилди.
Мазкур тадбирлар болажонларда миллий ва маънавий қадриятларга ҳурмат руҳини шакллантириш, уларнинг ижодий қобилиятларини ривожлантириш ҳамда билимга бўлган иштиёқини оширишга хизмат қилди.
Юлдуз Ортиқова, 45-сонли мактабгача таълим ташкилоти тарбиячиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
