Амударё туман ихтисослаштирилган мактабида "Касбий ривожланиш куни" ва "Касбий ривожлантириш соати" тадбирлари ўтказилди
Замонавий таълим тизимида педагогларнинг узлуксиз касбий ривожланиши муҳим аҳамият касб этади. Ўқитувчиларнинг малакасини ошириш, уларни инновацион методлар билан таништириш ва амалий кўникмаларини ривожлантириш бугунги кунда устувор йўналишлардан биридир. Шу мақсадда 2024 йил 21 июнь куни давлат раҳбари томонидан қабул қилинган "Мактабгача ва мактаб таълими ташкилотлари ходимларини узлуксиз касбий ривожлантириш тизимини такомиллаштириш бўйича қўшимча чора-тадбирлар тўғрисида"ги Қарори ва Мактабгача ва мактаб таълими вазирининг тегишли буйруғи билан Президент, ижод ва ихтисослаштирилган мактаблар ҳамда умумий ўрта таълим муассасалари ўқитувчилари учун "Касбий ривожланиш куни" ва "Касбий ривожлантириш соати" тадбирлари мунтазам ўтказиб келинмоқда.
Амударё туман Ихтисослаштирилган мактабида ҳам инглиз тили ўқитувчилари учун "Касбий ривожлантириш соати" ташкил қилиниб, тадбир доирасида мактабнинг 8-синф ўқувчилари учун "Spending money" (Пул сарфлаш) мавзусида тажриба-синов дарси ташкил этилди.
Машғулотлар инглиз тили фани ментор-ўқитувчилари Моҳира Шомуротова ва Фариза Ражаповалар томонидан ўтказилди. Дарс жараёнида Билим ва малакаларни баҳолаш агентлиги Қорақалпоғистон Республикаси бўлими бошлиғи Музаффар Абдуллаев, мактаб маъмурияти ва инглиз тили методбирлашма раиси Шоҳзод Исмоиловлар иштирок этишди. Очиқ дарс давомида инновацион педагогик ёндашувлар ҳамда интерфаол методлар қўлланилди.
Дарс якунида иштирокчилар томонидан фикр-мулоҳазалар билдирилиб, очиқ дарснинг ютуқлари ҳамда таклифлар муҳокама қилинди. Музаффар Абдуллаев томонидан дарснинг замонавий талаб ва стандартларга мослиги, қўлланилган инновацион методлар мавзуни тўлиқ очиб берганлиги эътироф этилди.
Куннинг иккинчи қисмида "Касбий ривожланиш куни" доирасида Амударё туман Ихтисослаштирилган мактабининг ўқув ишлари бўйича директор ўринбосари, тренер Равшан Халмуратов ва ментор-ўқитувчилар Моҳира Шомуротова ҳамда Фариза Ражаповалар томонидан умумтаълим мактаблари инглиз тили фани ўқитувчилари иштирокида юқоридаги мавзуда амалий семинар-тренинг машғулотлари ўтказилди. Ушбу машғулотларда умумтаълим мактабларидан 150 нафар инглиз тили фани ўқитувчилари иштирок этишди.
Семинар-тренинг давомида замонавий педагогик ва инновацион таълим технологияларидан фойдаланиш, интерфаол методлар ёрдамида ўқувчиларни фаолликка чорлаш ҳамда креатив ва танқидий фикрлашни ривожлантириш бўйича амалий тажрибалар ўрганилди. Очиқ дарснинг ҳар бир босқичида қўлланилган интерфаол методлар мавзу билан уйғунлиги, ўқувчиларнинг дарс жараёнига фаол жалб қилингани ҳамда педагогларнинг инновацион метод ва технологияларни ўзлаштириш имкониятлари эътироф этилди. Шунингдек, мутахассислар томонидан семинар-тренингда иштирок этган ёш педагогларнинг фаолияти таҳлил қилиниб, уларга тегишли тавсиялар ва маслаҳатлар берилди.
Тадбир якунида иштирокчилар замонавий педагогик ва инновацион таълим технологияларини ўрганишга қаратилган амалий семинар-тренинг ташкил этилганидан мамнунликларини билдиришди. Бундай тадбирларнинг мунтазам ташкил этилиши ўқитувчиларнинг касбий маҳоратини оширишга ҳамда таълим сифати юксалишига хизмат қилиши алоҳида таъкидланди.
Равшан Халмуратов, Амударё туман Ихтисослаштирилган мактаби директорининг ўқув ишлари бўйича ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
