ONA VATANNI MARD OʻGʻLONLAR HIMOYa QILADI
Joriy 2024-yilgi fuqarolarni muddatli harbiy xizmatga va safarbarlik chaqiruv rezervi xizmatiga olish boʻyicha amalga oshiriladigan barcha tadbirlar Oʻzbekiston Respublikasi “Umumiy harbiy majburiyat va harbiy xizmat toʻgʻrisida”gi Oʻzbekiston Respublikasi Qonunining tegishli moddalariga asosan hamda Oʻzbekiston Respublikasi Prezidentining 2024-yil 12-fevraldagi tegishli Qaroriga muvofiq amalga oshirilmoqda. Unga koʻra, muddatli harbiy xizmatning belgilangan muddatini oʻtab boʻlgan harbiy xizmatchilarni 2024-yil mart-aprel oylarida Oʻzbekiston Respublikasi Qurolli Kuchlari rezerviga boʻshatish, 18-27 yoshgacha boʻlgan fuqarolarni chaqiruv tadbirlariga jalb etish ishlari Amudaryo tumanida ham samarali tashkil etilgan.
Ayni paytda tumandagi 18-27 yoshgacha boʻlgan Oʻzbekiston fuqaroligiga ega chaqiriluvchilarni muddatli harbiy xizmatga va safarbarlik chaqiruv rezervi xizmatiga olish boʻyicha Oʻzbekiston Respublikasi Prezidentining 2020-yil 6-martdagi “Oʻzbekiston Respublikasi fuqarolarini harbiy xizmatga chaqirish toʻgʻrisida”gi Qarori talablariga muvofiq Qurolli Kuchlarni butlash komissiyasining rahbariyat Kengashi komissiyasi va Amudaryo tumani hududiy komissiyasi tomonidan 2024-yil 15-fevraldan boshlab muddatli harbiy xizmatga chaqiruvchilarni tibbiy koʻrikdan oʻtkazish ishlari amalga oshirilmoqda.
Ona Yurt himoyachisi boʻlishdek sharafli burchlarini ado etish orzusi bilan yashayotgan tumanimiz yoshlarini ushbu tadbirlarda faol ishtirok etishga chaqiramiz. Zero, Vatanni mard va jasur oʻgʻlonlar himoya qiladi.
Sh.MURADOV,
tuman Mudofaa ishlari boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
